Dakɔr deg 1 - Maktub Ta Kumkajir

Kɔr ngéɗɔɔg

¹ Bɨraɓe elta kɨ Moij kam dɨlalot kɨ Sinai, kam kujkub ndɔdnat, ndɔt kɨdasa lo nah kɨkõjoo, kam ɓalt kɨkõjoo go teed kam dɔning Ejipt't kɨtɨga an:

² Ĩ kɨ Aarõ i tɨdan kɔr ngékawna lo Israel tube kɨgo noojgt, kɨgo ngékɨɓet lo bɔwdg, a i tɨdand ɓai dɔ dekɨdɨngãgt tube kɨ tɔd,

³ mba girra dɔ degt'n ɓald i dɔjoo, ke tɔi dɔjoo, kɨ deg tube ku Israelagt'n asɨn kaw ta ɗɔɔt. Ĩ kɨ Aarõ, a i tɨdan kɔrd kɨ ɓuta ɓuta.

⁴ A unɨn de kɨɗa ku girrdegt kɨɗen nat sesɨ, de'n i bɨradɔ ngékɨɓe lo bɔwɨn.

⁵ Tɔ deg'n a ɗan sesɨ laten: Girrdeg lo Ruben: Elisur ngon Seder,

⁶ Girrdeg lo Simeõ: Selumiel ngon Surisadai.

⁷ Girrdeg lo Juda: Nason ngon Aminadab.

⁸ Girrdeg lo Isakar: Netanael ngon Suar.

⁹ Girrdeg lo Jabulon: Eliab ngon Helon.

¹⁰ Girrdeg lo ngan Jojep, kɨlo Epraim: Elisama ngon Amihud; kɨlo Manase: Gamaliel ngon Pedasur,

¹¹ Girrdeg lo Benjami: Abidan ngon Gideoni.

¹² Girrdeg lo Dan: Ahiejer ngon Amisadai.

¹³ Girrdeg lo Ajer: Pagiel ngon Okɗan,

¹⁴ Girrdeg lo Gad: Eliajap ngon Dewel.

¹⁵ Girrdeg lo Neptali: Ahira ngon Enan.

¹⁶ Ĩgɨn non la kunɨnd ku ngékawnat. Ĩn mbaiɓeg lo girrdeg lo bɔwd, bɨradɔg dɔ kɨdubgt lo Israel.

¹⁷ Moij kɨ Aarõ ɔin deg'n ɔsɨn god na ndangɨn tɔd kad ɔsɨn god kam kɨlat,

¹⁸ na kunɨn ngékawna tube ndɔ kɨdasa lo nah kɨkõjoo, ndangɨn tɔd kɨgo girrkoojgt lod, kɨ kɨgo ngékɨɓe lo bɔwd ndangɨn tɔd kɨɗa kɨɗa, mban girra dɔ ĩgɨtɨn ɓald i dɔjoo,

¹⁹ Moij tɨdad kam dɨlalot kɨ Sinai tit'n Bɨraɓe ndaan mbera.

²⁰ Ndangɨn kɔr deg kɨ girr Ruben, ngonderr Israel, kɨgo girrkoojgt lod, kɨ kɨgo ngékɨɓet lo bɔwdg, tɨdan deg ɓai dɔ dekɨdɨngãg tube kɨ tɔd, mbã girra dɔ ĩgɨn ɓald i dɔjoo, deg tube'n asɨn kaw ta ɗɔɔt.

²¹ Kɔr deg kɨ girr Rubent i 46 500.

²² Ndangɨn kɔr deg kɨ girr Simeõ kɨgo girrkoojgt lod, kɨ kɨgo ngékɨɓet lo bɔwdg, tɨdan dɔ dekɨdɨngãg tube kɨ tɔd, mbã girra dɔ ĩgɨn ɓald i dɔjoo, tube kɨ deg'n asɨn kaw ta ɗɔɔt.

²³ Kɔr deg kɨ girr Simeõt i 59 300.

²⁴ Ndangɨn kɔr deg kɨ girr Gad kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ degt'n ɓald i dɔjoo, tube'n asɨn kaw ta ɗɔɔt,

²⁵ Kɔr deg kɨ girr Gadt i 45 650.

²⁶ Ndangɨn tɔ deg kɨ girr Juda kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ degt'n ɓald i dɔjoo, kɨ degt tube'n asɨn kaw ta ɗɔɔt.

²⁷ Kɔr deg kɨ girr Judat i 74 600.

²⁸ Ndangɨn tɔ deg kɨ girr Isakar kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ ĩgɨn ɓald i dɔjoo, tube'n asɨn kaw ta ɗɔɔt.

²⁹ Kɔr deg kɨ girr Isakart i 54 400.

³⁰ Ndangɨn tɔ deg kɨ girr Jabulon kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ degt'n ɓald i dɔjoo, kɨ deg tube'n asɨn kaw ta ɗɔɔt.

³¹ Kɔr deg kɨ girr Jabulont i 57 400.

³² Ndangɨn tɔ deg kɨ girr Jojep, ad i Epraimag, kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ ĩgɨn ɓald i dɔjoo, tube'n asɨn kaw ta ɗɔɔt.

³³ Kɔr deg kɨ girr Epraimt i 40 500.

³⁴ Ndangɨn tɔ deg kɨ girr Manase kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ ĩgɨn ɓald i dɔjoo, kɨ deg tube'n asɨn kaw ta ɗɔɔt.

³⁵ Kɔr deg kɨ girr Manaset i 32 200.

³⁶ Ndangɨn tɔ deg kɨ girr Benjami kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra do ĩgɨn ɓald i dɔjoo, kɨ deg tube'n asɨn kaw ta ɗɔɔt.

³⁷ Kɔr deg kɨ girr Benjamit i 35 400.

³⁸ Ndangɨn tɔ deg kɨ girr Dan kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ ĩgɨn ɓald i dɔjoo, kɨ tube'n asɨn kaw ta ɗɔɔt.

³⁹ Kɔr deg kɨ girr Dant i 62 700.

⁴⁰ Ndangɨn tɔ deg kɨ girr Ajer kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ degt'n ɓald i dɔjoo, tube'n asɨn kaw ta ɗɔɔt.

⁴¹ Kɔr deg kɨ girr Ajert i 41 500.

⁴² Ndangɨn tɔ deg kɨ girr Neptali kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ ĩgɨtɨn ɓald i dɔjoo, kɨ deg tube'n asɨn kaw ta ɗɔɔt.

⁴³ Kɔr deg kɨ girr Neptalit i 53 400.

⁴⁴ Ĩgɨn non la Moij kɨ Aarõ nat kɨ mbaiɓeg kɨkɨlah gidaijoo lo Israel, ad i de kɨɗa ku girrkoojt kɨɗen la tɨdan ye.

⁴⁵ Titbe tɨdan kɔr Israelag tube kɨgo ngékɨɓet lo bɔwdg, mbã girra dɔ ĩgɨtɨn ɓald i dɔjoo, kɨ deg tube'n asɨn kaw ta ɗɔɔt

⁴⁶ Kɔrd tube i 603 550.

Talo Lebiag

⁴⁷ Tɨdan Lebiag kɨgo girrkoojt lo bɔwd al.

⁴⁸ Kɨtɔ Bɨraɓe el Moij an:

⁴⁹ Ot tɨda girr Lebi, ot tɨda dɔd ku Israelagt,

⁵⁰ na i nda Lebiag kad ĩn ngékoogo kujkub najkɨma kɨ nya ɗakɨlag loa tube kɨ nyag loa tube. Aton kujkub kɨ nyaɗakɨlag loa tube, a ndan kujkubg lod gugɨn dɔ londɨ.

⁵¹ Lon asɨ kad kujkub londɨ aw kɨkete taa Lebiag a tɔrrɨn, lon asɨ kad ndan kujkub londɨ lot mad a ne, Lebiag a tɨlan ta nat gog, na ĩla de mad kɨɗang ndɔt nderbe a ne, a tɔlɨna kɔ.

⁵² Israelag a hɔn londɨ kɨgo ɓutdt, dekɨɗen kam londɨnt, dekɨɗen kad drapot lon,

⁵³ na Lebiag a hɔn londɨ gugɨn dɔ kujkub najkɨma kɨtakad wong lom ɗe dɔ ngékawnat lo Israelag al, na Lebiag a ngomɨn kujkub najkɨma.

⁵⁴ Israelag ɗan titbe, ɗan nyag tube'n Bɨraɓe nda mbera Moij.