Matie 1 - Maktub Ta Kumkajir

Girrkooj Jeju Krist

¹ Maktub girrkooj Jeju Krist ngon Dabid, ngon Abraham la ten:

² Abraham ooj Isaak, Isaak ooj Jakob, Jakob ooj Juda kɨ ngankõa,

³ Juda kɨ nẽn Tamar oojɨn Pares kɨ Jarra, Pares ooj Esrom, Esrom ooj Aram,

⁴ Aram ooj Aminadab, Aminadab ooj Nason, Nason ooj Salomõ,

⁵ Salomõ kɨ nẽn Rahab oojɨn Boaj, Boaj kɨ nẽn Rut oojɨn Obed, Obed ooj Jese,

⁶ Jese ooj ngar Dabid. Dabid kɨ dekɨdẽ'n maɗi i nẽ Uri oojɨn Salomõ,

⁷ Salomõ ooj Roboam, Roboam ooj Abia, Abia ooj Asa,

⁸ Asa ooj Jojapat, Jojapat ooj Joram, Joram ooj Osias,

⁹ Osias ooj Joatam, Joatam ooj Akaj, Akaj ooj Ejekias,

¹⁰ Ejekias ooj Manase, Manase ooj Amon, Amon ooj Josias,

¹¹ Josias ooj Jekonias kɨ ngankõa ɓal kaw Israel ɓer Babilont.

¹² Go kawd ɓer Babilont, Jekonias ooj Salatiel, Salatiel ooj Jorobabel,

¹³ Jorobabel ooj Abiwd, Abiwd ooj Eliakim, Eliakim ooj Ajor,

¹⁴ Ajor ooj Sadok, Sadok ooj Akim, Akim ooj Eliud,

¹⁵ Eliud ooj Eleajar, Eleajar ooj Matan, Matan ooj Jakob,

¹⁶ Jakob ooj Jojep kɨ ngaw Mari, Mari kan ooj Jeju'n a kunɨna Krist nõ.

¹⁷ Dɔ Abrahamt mbã teen dɔ Dabidt ngaka tube i kɨlah gidaisɔɔ; ngaka i kɨlah gidaisɔɔ dɔ Dabidt mbã teen gong kaw Israelag ɓer Babilont, ngaka i kɨlah gidaisɔɔ gong kaw Israelag ɓer Babilont mbã teen kooj Krist't.

Kooj Jeju Krist

¹⁸ Oo kooj Jeju Krist i titbe; lon Jojep hɔ dɔ kõa Mari, na teen kad nat al ɓaitɔ ye, Mari nden ngon kokɨro Ndilt kɨkunjɗang.

¹⁹ Na Jojep kɨ ngehɔdɔa, kɨta kiã dekɨdenesew, ndig tee sia kɨtɨga wakɨsɨ al, na ndahkamɨnt kɨ'n tuɓaa gid tilt.

²⁰ Na lon Jojep ndɨ gaata dɔ nyagt'n non ɓaitɔ ye, oo malaika lo Bɨraɓe tee hɔi kɨ roat kam niit, na ela an: Jojep ngon Dabid, ot ɓool taa Mari nẽit; kɨta ngon'n ndena i kokɨro Ndilt kɨkunjɗang.

²¹ A ooj ngon kɨdɨngã; a i ndah tɔa Jeju; kɨta ĩ la a aj deg lon kam majalgt lod ye.

²² Nyag 'nten tube ɗan nya kɨtakad tɔlɨn ne ta ta'n Bɨraɓe el kɨ ta ngekelta kɨ ta Luwaht an:

²³ Oon. Ngomand a nden ngon, a ooj kɨdɨngã, a ndan tɔa Emanuel, girr tɔa i titbe: Luwah i nat sej.

²⁴ Jojep ɓai dɔ ɓit ɗa nya'n malaika lo Bɨraɓe ndaa mbera, taa Mari nẽnt.

²⁵ Na tee kadat al mbã ooj ngon kɨdɨngã. Na Jojep ndah tɔa Jeju.