Lebitik 12 - Maktub Ta Kumkajir

Ɗob kar ro lo ngekoojngon

¹ Bɨraɓe el Moij an:

² El Israelag an: Lon dekɨdẽ ndan ngon na ooj kɨdɨngã a ne, dekɨdẽ'n non a i kɨyerr mbã ndɔ tanãimɨta. A i kɨyerr tit'n ĩn kɨyerr ndɔt'n mosɨ ɗaan ye be.

³ Ndɔ kɨkõjijoo a ne, a jan gaj ngon'n non.

⁴ Dekɨdẽ'n non a ar ron dɔ mosɨnt asɨ ndɔ dɔmɨta gidaimɨta, a ɔd nya mad kɨkar al, a and kam lot kɨjaɓat al tɔ mbã ndɔ kar roa tɨga kamtã.

⁵ Ĩla ooj ngon kɨdẽ a ne, a i kɨyerr asɨ ndɔ kɨlah gidaisɔɔ tit'n ĩn kɨyerr ndɔt'n mosɨ ɗaan, na a ar ron dɔ mosɨnt asɨ ndɔ dɔkɨbojidet gidaikɨbojidet.

⁶ Lon ndɔ kar roa tɨga woi kɨta ngon kɨdɨngã ke kɨdẽ a ne, a ɗe kɨ ngon bat kɨ bal kɨɗa kɨta kadkari kɨlahorrt kɨ ngon derkul ke derngɔt kɨta kadkari kutdɔ majal.

⁷ Ngejanyamosɨ a jakɔd nõ Bɨraɓet kad utɨn dɔ majal loa na a tel kɨkarnyang dɔ mosat kɨ ãi. 'Nten la i mberkɨnda kɨta dekɨdẽ'n ooj ngon kɨdɨngã ke kɨdẽ ye.

⁸ Ĩla asɨ kad ngah ngon bat al a ne, a ɗe kɨ derngɔt joo ke ngan derkul joo, kɨkɨɗa kadkari kɨlahorrt, na kɨmad i kadkari kutdɔ majal. Ngejanyamosɨ a jakɔd kɨta kutɨn dɔ majal loa na a i kɨ karnyang.