Jonas 2 - Maktub Ta Kumkajir

Jonas elta kɨ Luwah kam ɓɔlɓoo kanjt, ad Luwah ug ɔrra

¹ Bɨraɓe ad kanj kɨbo ɗe ur Jonas yalɨm, na Jonas to kam ɓɔlɓoo kanjt ndɔ mɨta kɨkàd mɨta,

² Kamla Jonas elta kɨ Bɨraɓe Luwah, lon ton kam ɓɔlɓoo kanjt,

³ an: M'ko kɨdɔ Bɨraɓet dan kamkɔlt lom, na oo dɔ kɔ lom; m'ko kam lot kɨ koo, na oo dɔ ndim,

⁴ Kɨtɔ i lam kam ɓul bahbot ngawden bahbot, man tiw dɔm purum, tɔg nũ mang loi tube kɨ ɔsɨmɨn pɨkapɨka utɨn dɔm.

⁵ Kamla m'el m'an: Mĩ kɨ la kɔ sãi takumit, na m'a m'oo kuj loi kɨjaɓat gog ɓaitɔ.

⁶ Man ut dɔm, ɓul man tib dɔm purum, mũg kɨ bah ɓindɨn kɨ dɔmt

⁷ m'ɗisɨ mbã kɨ girr mbalbogt, dɔning ut tan dɔmt mbãkɨnõt, na adɨm m'ɓai ko kam holɓe koit kɨ dɔm dõ, Bɨraɓe Luwah lom,

⁸ Lon rom kɨkeme oi yelel ye, m'ga dɔ Bɨraɓet, ta'n m'el sei tee aw roit mbã kam kujt loi kɨjaɓat.

⁹ Ngéhɔ go yog kɨpãbe nyan go Ngekɔjd kamkẽ

¹⁰ Na mĩ, m'a m'la kadkarig kɨjakɔ m'adi nat ndɨ ndub; m'a m'ba nya'n m'un kɔm kɨ m'adi nõ nat kɨ yokɨnda, kaj a ɗe kokɨro Bɨraɓet.

¹¹ Na Bɨraɓe elta kɨkanj ad tɔm Jonas kɔ dɔningt kɨtut.