Joel 3 - Maktub Ta Kumkajir

Ndil Luwah kɨkunjɗang ɗe dɔ degt

¹ Go nyag 'nten m'a mad Ndilɨm ɗe dɔ degt tube, ngansɨ kɨdɨngãg kɨ kɨdẽg a elɨn ta kɨta Luwaht, bɨga deg losɨ a nii'n niig, basag losɨ a oon nya kam ndilt,

² mbã kɨdɔ ɓergt kɨdɨngãg kɨ kɨdẽg, kam ndɔgt'n non m'a mad Ndilɨm ɗe dɔdt.

³ M'a mad nyakɔj kɨyaya teen kam dɔrãgt dõ kɨ dɔningt, mosɨ kɨ horr kɨ sahorr kɨsu luilui kɨ dõ.

⁴ Kàd a tel til, nah a tel mosɨ kete lon ndɔ kɨbo kɨkootɓool lo Bɨraɓe ɗe al ɓaitɔ.

⁵ Kamla dekɨɗen'n a ko kunɨn tɔ Bɨraɓe a ne a aj, kɨta dɔ mbalbot kɨ Siõ kɨ kam Jerusalemt dega ngahn kaj, ad i ndegag'n hã Bɨraɓe a kund.