Esdras 10 - Maktub Ta Kumkajir

Israelag tuɓan nẽd kɨmbahg

¹ Lon Esdras ndɨ kɔ na tɔ tan dɔ majalt, nõn kɨ mankum, so kɨber nõ kujt lo Luwah ye, koosɨ Israelag ngãibe, kɨdɨngãg kɨ kɨdẽg kɨ ngang kawɨn na kɨ roat, na deg nõn na ngãibe.

² Kamla Sekania ngon Jehiel, kɨkɨɗa ku ngan Elamt, un ta el Esdras an: Jĩ kɨ ɗa majal kɨndoorɨn Luwah, kɨtaa dekɨdẽg kɨ mbah lo girrdeg'n ɗan. Ke titbe kaa ne, kam kɨndahdɔt to kɨta Israel ɓaitɔ.

³ Kɨtɔ 'nten j'a j'un kɔj nat kɨ Luwah kad kɨ tuɓan dekɨdẽg'n ɗan tube kɨ ngandg kɨgo kɔjta lo Bɨraɓe lom kɨ ĩgɨn ɓoolɨn ta lo Luwah loj. Ad kɨ ɗan kɨgo mberkɨndat.

⁴ I ɓai kɨta ta 'nten i loi, na jĩ nat sej. Ire kami njirir, i ɗa.

⁵ Kamla Esdras ɓai dõ, kun bɨradɔg lo ngejanyamosɨ kɨ Lebiag kɨ Israelag tube kad ɗan kɨgo tat 'nten, kɨgo kunkɔt kɨ unɨn. Titbe ndan yo.

⁶ Goot gog ɓai kuju lo Luwah, aw kuju lo Johanan ngon Elisib, and kamt, sanya al ho, ãi man al ho, na hɔ ndo kɨtɔ majal lo ngétel ɓeɓert.

⁷ Kamla lan mber kam dɔning Judat kɨtaagbe kɨ telɨn kɨ kawɨn na Jerusalem.

⁸ Dekɨɗen'n ɗe al kam ndɔt kɨmita kɨgo takɔjt lo mbaiɓeg kɨ kɨbog a ne, a ɔin nyagloa tube, na a ɔrrɨn de'n non kɔ ku ngékawnat lo ngétel ɓeɓert.

⁹ Kam ndɔgt kɨ mɨta'n non deg kɨ Juda kɨ Benjami tube kawɨna Jerusalem, i ndɔ kɨ dɔjoo lo nah kɨkõjikɨɗa. Deg tube ndɨn natlot kɨnõ kujt lo Luwah kɨ rondad kɨta ta 'nten kɨ ndii kɨ ed ngãi tɔ.

¹⁰ Esdras ngejanyamosɨ ɓai dõ eld an: I ɗan gootal kɨta i taan dekɨdẽ kɨmbahg ad tɔidɔta lo Israel bɨla kɨ dɔtdɔt.

¹¹ Tajigla i tɔn tasɨ dɔmajalgt losɨ kɨ ro Bɨraɓe Luwaht lo Bɔwsɨg, na i ɗan ndig loa, ɔrrɨn rosɨ kɔ ro degt kɨ dɔningt'n ɗan kɨ dekɨdẽg kɨ mbahg.

¹² Ngékawna tube turɨn ta kɨ ndid kɨbo anan: Ã, kari na j'a kɨ ɗa tit'n i elɨn.

¹³ Na deg'n ngãi, i ɓar, i root al kad kɨ ɗa tɨga. I kɨla kɨ ndɔ kɨɗa ke joo al kɨta kɨ ɗagootal ngãibe dɔ tat 'nten.

¹⁴ Tajigla, ad kunɨn mbaiɓeg loj kad ɗan kɨ ngékawnat tube, na deg'n taan dekɨdẽ kɨ mbahg ɗen dɔkàdt'n ɔjɨnd nat kɨɓog, kɨngegangtag kam ɓebot kɨɗen mbã kad wong kɨ tɔlsɔkɨr lo Luwah loj kɨ tɔ majal 'nten tɔi dɔj kɔ.

¹⁵ Jonatã ngon Ajael kɨ Jahasia ngon Tikba koon la mbetɨn takɔj 'nten, na Mesulum kɨ Sabatai kɨ Lebiag ndigɨn sed.

¹⁶ Ngételɓeɓert tube ɗan tɨbe. Kɔtɨn Esdras ngejanyamosɨ kɨ bɨradɔ girrkooj kɨgo girrkadt, dekɨɗen kɨ tɔn. Lan girra kɨ ndɔ kɨdasa kam naht kɨ kõkɨlah, ndɨn ber kɨta nder girr ta 'nten.

¹⁷ Ɓal kɨgot lo ndɔ kɨdasa lo nah kɨdasa ye, tɨgan ta lo deg tube kɨ ngétaa dekɨdẽg kɨmbahg.

Tɔ ngéjanyamosɨ'n taan dekɨdẽ kɨmbah.

¹⁸ Ku ngan ngéjanyamosɨgt deg madg taan dekɨdẽg kɨmbah, ad i ngan Jojue ngon Jesadak kɨ ngan kõa Maaseja, Eliejer, Jarib kɨ Gedalia.

¹⁹ Unɨn kɔd kɨ yokɨnda kɨ n'tuɓan nẽdg kɔ, na kɨ'n adɨnd al bat kadkari kutdɔ tɔidɔta lod.

²⁰ Ku ngan Imert, Hanani kɨ Jebadia.

²¹ Ku ngan Harim, Maaseja, Heli, Semaja, Jehiel kɨ Ujia.

²² Ku ngan Pasur, Ejoemai, Maaseja, Ismael, Netanel, Jojabad kɨ Eleasa.

²³ Ku Lebiagt, Jojabad, Simei, Kelaja in a kunɨna kelita tɔ, Petahia, Juda kɨ Eliejer.

²⁴ Ku ngékɔsɨpagt, Eliasib. Ku ngéngom tabitgt, Salum, Telem kɨ Uri.

²⁵ Ku Israelgt; ku ngan Pareost, Ramia, Ijia, Malkija, Mijamin, Eleajar, Malkija kɨ Benaja.

²⁶ Ku ngan Elam, Matania, Jakari, Jehiel, Jatu, Abdi, Jeremot kɨ Eli.

²⁷ Ku ngan Jatu, Eljoemai, Elisib, Matania, Jeremot, Jabad, kɨ Ajija.

²⁸ Ku ngan Bebai, Johanan, Hanania, Jabai kɨ Atalai

²⁹ Ku ngan Bani, Mesulam, Maluk, Adaja. Jasub, Seal, kɨ Ramot

³⁰ Ku ngan Pahat Moab, Adna, Kelal, Benaja, Maseja. Matania, Betsalel

³¹ Ku ngan Harim, Eliejer, Jisija, Malkija, Semaja, Simeõ,

³² Benjami, Maluk, kɨ Semaria,

³³ Ku ngan Hasum, Matnai, Matata, Jabad, Elipalet, Yermai, Manase, kɨ Simei.

³⁴ Ku ngan Bani, Maedai, Amram, Uel.

³⁵ Benaja, Bedia, Keluhu,

³⁶ Bania, Meremot, Eliasib,

³⁷ Matania, Matenai, Jaasai,

³⁸ Bani, Binui, Simei, Selemia,

³⁹ Natan, Adaja,

⁴⁰ Maknadbai, Sasai, Sarai,

⁴¹ Ajareel, Selemia, Semaria,

⁴² Salum, Amaria, kɨ Jojep.

⁴³ Ku ngan Nebo, Jeiel, Matitia, Jabad, Jebiana, Jada, Joel kɨ Benaja.

⁴⁴ Deg'n non tube taan dekɨdẽg kɨ mbahg, na tuɓand kɔ tube nat kɨ ngandg.