Esdras 1 - Maktub Ta Kumkajir

Mberkɨnda lo Sirus

¹ Ɓal kõɓe kɨdasa lo Sirus, kɨtakad tɔlɨn ne kon ta lo Bɨraɓe'n el kɨta Jeremi, Bɨraɓe tɔsɨ ndil Sirus ngar kɨ Perse ndool ad ndamber kam kõɓet lon kɨtaagbe na ndang an:

² Titbe kel Sirus ngar kɨ Perse, Bɨraɓe Luwah kɨ dɔrãt adɨm kõɓeg tube kɨ dɔningt na ndam mber kad m'ɗa kuj Jerusalem kam dɔning Judat m'ada.

³ Dekɨɗen kusɨt ĩn deg loa tube kɨ Luwah loa i nat sia kɨ aw Jerusalem kam dɔning Judat kad ɗa kuj lo Bɨraɓe Luwah lo Israel gog, Luwah'n ndɨ Jerusalem.

⁴ Kam lot kɨɗen'n ndeg deg lo Luwah ndɨnt a ne, deg kɨ lot'n non a adɨna nar arjã, kɨ nar ɔr kɨ nyag kɨ dang dang, kɨ nyakulg, kɨ kadkarig kɨ kad kɨ kamndig kɨta kuj lo Luwah kam Jerusalemt.

Deg madg kɨ Juda ɗan rod kɨta tel kɨ Jerusalem gog

⁵ Bɨradɔ girrkooj lo Juda kɨ Benjami kɨ ngéjanyamosɨ kɨ Lebiag kɨ deg tube'n Luwah tɔsɨ ndild ndool, ɓain kɨta kaw Jerusalem kad ɗan kuj lo Bɨraɓe.

⁶ Madɓedg tube ɗen, ɗan sed, adɨnd nyag, kɨ nar arjã, kɨ nar ɔr, kɨ nyag kɨ dang dang, kɨ nyakulg, kɨ nyag kɨ gatd i ngãi kɨkanj tɨda ndeg kadkarig kɨ kad kɨ kamndig.

⁷ Ngar Sirus tee kɨ nya ɗa kɨlag kɨ kam kujt lo Bɨraɓe, nyag'n Nebukadnesar ɔid Jerusalem, ndahd kam kuj yogt lon.

⁸ Sirus ngar kɨ Perse ɔj goa Miteredat ngéngom nyamajg lon kad tee kɨ nyag'n non tɨdad ad Sesbasar ngar kɨ Juda.

⁹ Kɔr nyag'n non laten: Tasa nar ɔr kɨbo i dɔmɨta, tasa nar arjã kɨbo i dub kɨɗa, kiya i dɔjoo gidaijikɨɗa,

¹⁰ kop nar ɔr i dɔmɨta, tasa nar arjã tube kɔrd i dub mi kɨ ɓusɔɔ kɨkɨlah kɨ kop madg kɨ dang dang asɨ dubkɨɗa.

¹¹ Nya nar ɔr kɨ arjã tube, kɔrd i dubmi kɨ ɓusɔɔ. Sebastar ɔid tube ko Babilon awɨn Jerusalem go teld ɓeɓert.