Ejekel 48 - Maktub Ta Kumkajir

Girr Israelag ngahn nyanduba lod

¹ Deg'n tɔd ten la in dɔ girrdegt kɨ Israelt ye. Mbagɨr ɗobnin kojigel ko bahbot kɨ ɗob kɨ Hetlon mbã Hasor Enon kɨ ta ɗobnin kɨ Damasɨ kojigel kad Hamat, mbagɨrɨn ko loɓakàdt mbã lokudkàdt, girrdeg kɨ Dan ngah gaj kɨɗa.

² Kad dɔningt lo Dan ko loɓakàdt mbã lokudkàdt girr Ajer ngah gaj kɨ ɗa.

³ Kad dɔningt lo Ajer ko loɓakàdt mbã lokudkàdt girr Neptali ngah gaj kɨɗa.

⁴ Kad dɔningt lo Neptali ko loɓakàdt mbã lokudkàdt Manase ngah gaj kɨɗa.

⁵ Kad dɔningt lo Manase ko loɓakàdt mbã lokudkàdt Epraim ngah gaj kɨɗa,

⁶ Kad dɔningt lo Epraim ko loɓakàdt mbã, lokudkàdt Ruben ngah gaj kɨɗa.

⁷ Kad dɔningt lo Ruben ko loɓakàdt mbã lokudkàdt Juda ngah gaj kɨɗa,

⁸ Kad dɔningt lo Juda ko loɓakàdt mbã lokudkàdt a i gaj dɔning'n i a ndan kɔtko kɨɗa, tata a i metɨr dub dɔjoo gidaimi, ngala asɨna kɨ kɨkɨɗa ku gajgt ko loɓakàd mbã lokudkàdt na lo kɨjaɓat a i ngawdant.

⁹ Gaj dɔning kɨ a ndan kɔtko kɨɗa kɨ tɔ Bɨraɓe, ngala a i metɨr dub dɔjoo gidaimi, tata i metɨr dub dɔjoo.

¹⁰ Gaj dɔning kɨjaɓat 'nten a i lo ngejanyamosɨ. A i metɨr dub dɔjoo gidaimi kojigel, tata ko kɨlokudkàd i metɨr dub kɨlah, ko kɨloɓakàd tata i metɨr dub kɨlah, ko kɨjikõ ngala i metɨr dub dɔjoo gidaimi. Lo kɨjaɓat lo Bɨraɓe i ngawdant.

¹¹ A i lo ngejanyamosɨ kɨjaɓat, ngan Sadok, ĩgɨn ɗan kɨlaɓer lot lom kɨjaɓat na son mut al, lon Israelag son ne mut tit'n Lebiag son ne mut be.

¹² A i lod tit gaj kɨjaɓat kɨ tɔitɔi, i kɨkɔt kam gaj dɔningt kɨjaɓat kad ɗobnin dɔningt lo Lebiag.

¹³ Kad dɔningt lo ngéjanyamosɨ Lebiag a ngahn gaj dɔning. Ngala a i metɨr dub dɔjoo gidaimi, tata i metɨr dub kɨlah, ngala tube i metɨr dub dɔjoo gidaimi, tata dub dɔjoo.

¹⁴ A ndugon kɔ ke mbelɨn gida al bat. A adɨn kand kɨdasa kɨdɔningt de mad al. I kɨnda kɔtko kɨɗa kɨta Bɨraɓe.

¹⁵ Ndeg dɔning kɨnãi in tata i metɨr dub mi, ngala i metɨr dub dɔjoo gidaimi, a i kɨta ɓebo. A ɗan kujg tit, nganɓeg gugɨn dɔ na ɓebo a i ngawdant.

¹⁶ Mbɔj ɓebo titbe: Kojigel a i metɨr dub sɔɔ kɨ ɓumi, kojikõ metɨr dub sɔɔ kɨ ɓumi, ko kɨloɓakàdt metɨr dub sɔɔ kɨ ɓumi, ko kɨlokudkàd metɨr dub sɔɔ kɨ ɓumi.

¹⁷ Lo kɨ kari kɨ gug dɔ ɓebo kojigel a i metɨr ɓujoo kɨ dɔmi, kojikõ i metɨr ɓujoo kɨ dɔmi, ko loɓakàdt metɨr ɓujoo kɨ dɔmi, ko lokudkàdt metɨr ɓujoo kɨ dɔmi.

¹⁸ Ndeg ngal dɔning kɨnãi kad dɔningt kɨjaɓat a i metɨr dub kɨlah ko loɓakàd metɨr dub kɨlah, ko lokudkàd, a i kad dɔningt kɨjaɓat. Kandnya kɨdɔningt'n non a i kɨta ngéɗakɨlag kam ɓebot.

¹⁹ Ĩgɨn a ɗan kɨla kam ɓebot ku girr Israelagt tube la a ndɔɔn dɔning 'nten ye.

²⁰ Gaj dɔning tube kɨ a ndan kɔtko kɨɗa, ngala a metɨr dub dɔjoo gidaimi, tata metɨr dub dɔjoo gidaimi asɨna, ad i gaj dɔning kɨjaɓat nat kɨ gaj dɔning lo ɓebo.

²¹ Ndeg dɔning kɨnãi a i lo mbaiɓe kɔtko joo, ko kɨnu kɨ ko kɨne, kad dɔningt kɨnda kɔtko kɨɗa kɨta ɓebo. A mbagɨra kad metɨrt kɨ dub dɔjoo gidaimi lo dɔning kɨjaɓat mbã, ɗobnin kɨloɓakàdt. Titbe tɔ a mban girra kad metɨrt kɨ dub dɔjoo gidaimi lo dɔning kɨjaɓat mbã ɗobnin kɨ lokudkàdt, kad gaj dɔninggt lo girr Israelag. A i lo mbaiɓe. Gaj dɔning kɨnda kɔtko kɨɗa kɨ lo kɨjaɓat kɨ kuj kɨjaɓat a in ngawdant.

²² Nyakagɓe lo Lebiag kɨ nyakagɓe lo ɓebo a i ngawdan kɨ lo mbaiɓet. Gaj dɔning lo mbaiɓe a to mbɨna gaj dɔningt lo Juda kɨ Benjami.

²³ Ta dɔ ndeg girr Israelagt kɨnãi ko loɓakàd mbã lokudkàdt Benjami ngah gaj kɨɗa.

²⁴ Kad dɔningt lo Benjami ko loɓakàd mban lokudkàdt Simeõ ngah gaj kɨɗa.

²⁵ Kad dɔningt lo Simeõ ko loɓakàd mbã lokudkàdt Isakar ngah gaj kɨɗa.

²⁶ Kad dɔningt lo Isakar ko loɓakàd mbã lokudkàdt Jabulon ngah gaj kɨɗa.

²⁷ Kad dɔningt lo Jabulon ko loɓakàd mbã lokudkàdt Gad ngah gaj kɨɗa.

²⁸ Kad dɔningt lo Gad kɔtko jikõ a mbagɨr ɗobnint ko Tamar mbã mangt kɨ Meriba kɨ Kades kad baht kɨ Ejipt mbã kɨ bahbot.

²⁹ 'Nten la i dɔning'n a kegɨn na nyakõdubat kɨgo yukt kɨ ya kɨta girr Israela kɨɗen. Ingɨn ten la in gaj lod kel Bɨraɓe Luwah.

Tabit ɓebo Jerusalem kɨ kɨla gidaijoo

³⁰ Ingɨn ten la a in ɗob kand kɨ ɗob tee kɨtɨga kɨ dang dang kam ɓebo Jerusalemt. Kojigel a i metɨr dub sɔɔ kɨ ɓumi.

³¹ Ndan tɔ tabitg kɨ ɓebot kɨgo tɔ girr Israelagt. Kojigel tabit a in mɨta, tabit Ruben kɨɗa, tabit Juda kɨɗa, tabit Lebi kɨɗa.

³² Ko loɓakàdt a i metɨr dub sɔɔ kɨ ɓumi na tabit in mɨta. Tabit Jojep kɨɗa, tabit Benjami kɨɗa, tabit Dan kɨɗa.

³³ Kojikõ a i metɨr dub sɔɔ kɨ ɓumi na tabit in mɨta. Tabit Simeõ kɨɗa, tabit Isakar kɨɗa, tabit Jabulon kɨɗa.

³⁴ Ko lokudkàd a i metɨr dub sɔɔ kɨ ɓumi na tabit in mɨta. Tabit Gad kɨɗa, tabit Ajer kɨɗa, tabit Neptali kɨɗa.

³⁵ Gug dɔ ɓebo tube a i metɨr dub kɨlah gidaijijoo. Nẽbe kɨnõt tɔ ɓebo a i Yawe-Sama, ad i Bɨraɓe i nẽbe.