Ejekel 2 - Maktub Ta Kumkajir

Luwah la Ejekel kɨro Israelagt

¹ Elɨm an: Ngon de, i ɗa dɔ njait na m'a m'eli ta.

² Lon ɗa elɨm ta ye, ndil and kammt ad m'ɗa dɔ njamt, na m'oo dɔ ndia ɗa elɨm ta.

³ Elɨm an: Ngon de, m'lai kɨro Israelagt, kɨro girrdegt kɨ ngetaaɗɔɔ ĩgɨn taamɨn ɗɔɔ. Ĩn kɨ bɔwdg ɗan majal ndoormɨm ne mbã ɓone.

⁴ Ĩn deg kɨ dɔd ngang na ngarkamd kongkong. M'lai kɨrodt na a i eld an: Titbe kel Bɨraɓe Luwah,

⁵ Ĩn tɔ, ke a oon dɔ, ke a oon dɔ al i girrdeg kɨ ngétaaɗɔɔ a gerɨn ngekelta kɨta Luwaht i dandt.

⁶ Na ĩn, ngon de, ot ɓoold, ot ɓool tag lod, ke neni in ku kongt kɨ ngarg na i ndɨ dan gɨnagt kaa ne ot ɓool ta lod, ot ɓool takumd kɨ to i girrdeg kɨ ngétaɗɔɔ.

⁷ A i eld tag lom, ke a oon dɔ, ke a oon dɔ al, kɨta in ngétaɗɔɔ.

⁸ Na ĩ, ngon de, oo dɔ nya'n m'ndɨ m'eli. Ot ton ro tit girrdeg kɨ ngétaɗɔɔ'n non. I tee tai, i sanya'n m'adi.

⁹ M'nɔl lo na m'oo, ji mad i kɨ la kɨdɔmt na maktub kɨbir i kamt.

¹⁰ Tee maktub'n non la nomt na i kɨndang kamt kɨ gidt. Tag kɨndang kamt i ta nõ kɨ ndo kɨ hɔ kɨ kamkil.