Ejai 12 - Maktub Ta Kumkajir

Pa ndub Bɨraɓe

¹ A el ndɔt'n non an: M'ndubi Bɨraɓe kɨta ĩ sem kɨ wong, na i nya ta wong loi, i sɔl kamm.

² Oon Luwah i Ngekajɨm. M'ɓakula, ad m'a m'ndad al, kɨta Bɨraɓe Luwah i tɔgɨm kɨ pa kɔsɨm, ĩla i Bɨraɓe kɨ Ngekajɨm ye.

³ A ɔdɨn man kɨ ronel bulomangt kɨ ɓa lo kaj.

⁴ Ndɔt'n non a elɨn anan: I ndubɨn Bɨraɓe, i lan mber tɔa, ad girrdeg kɨ dang dang gerɨn kɨlaɗaag tube, adɨn kam deg gah dɔ tɔat kɨbo tɔitɔi.

⁵ Ɔsɨn pa i ndubɨn Bɨraɓe; Kɨtɔ ɗa nyag kɨmaj tɔi. Ad deg elɨn ta loa kam dɔningt kɨtaagbe.

⁶ I kon, ɔsɨn pa kɨ ronel. In ngéndɨ Siõ, kɨta Ngekunjɗang kɨ Nge Israel i kɨbo dãsɨt.