Јоил 3 - Библија: Стариот и Новиот Завет Константинов

БОЖЈИ СУД И БЛАГОСЛОВ ВО ПОСЛЕДНИ ДНИ 3:1-4:21 А. Ветување за излевање на Дух

¹ По ова ќе го излеам Мојот Дух на секое тело, и вашите синови и ќерки ќе пророкуваат, вашите старци ќе сонуваат соништа, а вашите момчиња ќе гледаат виденија.

² Па и на слугите и на слугинките ќе го излеам Мојот Дух во оние денови.

³ Ќе покажам знаци на небото и на земјата, крв и оган и столбови дим.

⁴ Сонцето ќе се претвори во темнина, а месечината во крв, пред да настапи Господовиот Ден, голем и страшен.

⁵ Сите што го повикуваат Господовото име ќе бидат спасени, зашто спасението ќе биде на гората Сион и во Ерусалим, како што рече Господ, а меѓу преживеаните оние кои Господ ќе ги повика.