Матеј 9 - Свето Евангелие 2008

ГЛАВА 9 (Зачало 29)

¹ Тогаш Он влезе во еден кораб, се врати назад и пристигна во Својот град. Крај на неделата

² И ете, донесоа при Него еден фатен, кој лежеше на постелка. Па кога ја виде Исус нивната вера, му рече на фатениот: – Не плаши се, чедо! Ти се простуваат гревовите твои.

³ Тогаш некои од книжни ците рекоа во себе: Овој богохулствува.

⁴ А Исус, штом ги разбра мислите нивни, рече: – Зошто мислите лошо во срцата ваши?

⁵ Оти, што е полесно? Да кажам: ти се проштеваат гревовите твои, или да речам: стани и оди?

⁶ Но, за да знаете дека Синот Човечки има власт на земјата да проштева гревови; тогаш му рече на фатениот: – Стани, земи си ја постелката и оди си дома!

⁷ И тој стана, ја зеде постелката своја и си отиде дома.

⁸ А народот, кога го виде тоа, се зачуди и Го прослави Бога, Којшто им дал таква власт на луѓето. Крај на неделата

(Зачало 30)

⁹ Акога си одеше оттаму, Исус виде еден човек, по име Матеј, како седи на царинарницата, и му рече: – Врви по Мене! И тој стана и тргна по Него.

¹⁰ И кога седеше Исус на трпеза дома, одеднаш мнозина цариници и грешници дојдоа и седнаа до Него и до учениците Негови.

¹¹ Но, кога го видоа тоа фарисеите, им рекоа на учениците Негови: – Зошто вашиот Учител јаде и пие со цариници и грешници?

¹² А Исус, кога го чу тоа, им рече: – Здравите немаат потреба од лекар, туку болните;

¹³ одете и научете се што значи: „милост сакам, а не жртва“. Зашто не сум дошол да ги повикам праведниците, туку грешниците на покајание. Крај на саботата

(Зачало 31)

¹⁴ Тогаш дојдоа при Него учениците Јованови и рекоа: – Зошто ние и фарисеите постиме многу, а Твоите ученици не постат?

¹⁵ А Исус им рече: – Зар можат сватовите да бидат нажа лени додека е со нив младоженецот? Но, ќе дојдат дни, кога младоженецот ќе се оттргне од нив, и тогаш тие ќе постат.

¹⁶ Зашто никој не крпи стара облека со нова крпа, оти таа ќе се отшие од старото и дупката ќе биде поголема;

¹⁷ ниту, пак, се клава ново вино во стари мевови; инаку, мевовите ќе напукнат, и виното ќе истече и мевовите ќе пропаднат; туку ново вино се тура во нови мевови, па така ќе се запази и едното и другото. Крај на петокот

(Зачало 32)

¹⁸ Додека Он им говореше за тоа, ете, некој началник се приближи до Него, му се клањаше и велеше: – Ќерка ми умре сега; но дојди, положи ја раката Своја над неа и таа ќе оживее.

¹⁹ И откако стана Исус, тргна по Него, заедно со учениците Свои.

²⁰ И ете, една жена, која беше страдала дванаесет години од крвотечение, се приближи одзади и се допре до крајот од облеката Негова.

²¹ Зашто си велеше: само ако се допрам до облеката Негова, ќе оздравам.

²² А Исус, кога се заврте и ја виде, рече: – Не плаши се, ќерко, верата твоја те спаси! И оздраве жената од тој момент.

²³ И кога дојде Исус во куќата на началникот и ги виде свирачите и народот збунети,

²⁴ им рече: – Излезете надвор, зашто девојката не е умрена, туку спие. И тие Му се потсмеваа.

²⁵ А штом го истера народот, Он влезе, ја фати за рака и девојката стана.

²⁶ И тоа се расчу по целиот тој крај. Крај на саботата

(Зачало 33)

²⁷ Акога си одеше Исус оттаму, тргнаа по Него двајца слепи и викаа: – Помилуј нѐ, Исусе, сине Давидов!

²⁸ А штом дојде в куќи, слепите се приближија до Него. И Исус им рече: – Верувате ли дека можам да го направам тоа? Тие Му рекоа: – Да, Господи!

²⁹ Тогаш се допре до очите нивни и рече: – Нека ви биде според верата ваша!

³⁰ И очите им се отвори ја; а Исус им заповеда, велејќи: – Гледајте никој да не дознае!

³¹ А тие, штом излегоа, разгласија за Него по целата онаа земја.

³² Додека тие излегуваа, ете, доведоа при Него еден човек нем и бесен.

³³ По изгонувањето на бесот, немиот проговори. А народот се чудеше и говореше: никогаш такво нешто не станало во Израилот.

³⁴ А фарисеите велеа: Он ги изгонува бесовите со силата на началникот на бесовите.

³⁵ И одеше Исус по сите градови и села, и поучуваше по нивните синагоги, го проповедаше Евангелието на царството и лекуваше секаква болест и секаква немоќ во народот. Крај на неделата

(Зачало 34)

³⁶ Штом виде многу народ, се сожали, зашто беа изморени и прснати како овци без пастир.

³⁷ Тогаш им рече на Своите ученици: – Жетвата е голема, а работници малку;

³⁸ затоа, помолете Го Господарот на жетвата да испрати работници на Својата жетва.