Матеј 5 - Свето Евангелие 2008

ГЛАВА 5

¹ Кога го виде народот, се искачи на планината; а штом седна, учениците Негови се приближија до Него.

² И откако ја отвори устата Своја, ги поучуваше и говореше:

³ Блажени се бедните по дух, зашто нивно е царството небесно!

⁴ Блажени се оние што плачат, оти ќе се утешат!

⁵ Блажени се кротките, зашто тие ќе ја наследат земјата!

⁶ Блажени се гладните и жедните за правда, зашто тие ќе се наситат!

⁷ Блажени се милостивите, зашто тие ќе бидат помилувани!

⁸ Блажени се чистите по срце, оти тие ќе Го видат Бога!

⁹ Блажени се миротворците, зашто тие ќе се наречат синови Божји!

¹⁰ Блажени се гонетите заради правда, зашто нивно е царството небесно!

¹¹ Блажени сте вие, кога ќе ве срамат и прогонат и кога ќе говорат против вас секакви лоши зборови, лажно – заради Мене!

¹² Радувајте се и веселете се, зашто голема е вашата награда на небесата; така ги гонеа и пророците што беа пред вас! Крај на преподобните

¹³ Вие сте солта на земјата. Но, ако солта ја изгуби соленоста, со што ќе се осоли? Таа веќе за ништо не е, освен да се фрли надвор и да се изгази од луѓето. Крај на вторникот

(Зачало 11)

¹⁴ Вие сте светлината на светот. Не може да се сокрие град што се наоѓа на врв планина.

¹⁵ Ниту, пак, светилото се пали и клава под поклоп, туку на свеќник и им свети на сите в ку ќи.

¹⁶ Така нека свети пред луѓето и вашата светлина, за да ги видат вашите добри дела и да Го прослават вашиот Отец, Кој е на небесата.

¹⁷ Немојте да мислите дека сум дошол да го нарушам Законот или Пророците; не сум дошол да ги нарушам, туку да ги исполнам.

¹⁸ Зашто, вистина ви кажувам: додека постојат небото и земјата, ниту една јота или црта од Законот нема да се измени, додека не се исполни сѐ.

¹⁹ И така, оној што ќе наруши една од тие најмали заповеди и така ги научи луѓето, најмал ќе се нарече во царството небесно; а оној што ќе ги исполни и поучи, тој голем ќе се нарече во царството небесно. Крај на светителите

(Зачало 12)

²⁰ Зашто ви велам, ако вашата праведност не ја надмине праведноста на книжниците и фарисеите, вие нема да влезете во царството небесно.

²¹ Сте слушале дека им било речено на старите: „Не убивај; а кој убие, виновен е пред судот“.

²² Јас, пак, ви велам дека секој што се гневи на брата си без причина, ќе биде виновен пред судот; а оној што ќе го нарече брата си „празноглав“, ќе биде виновен пред врховниот суд; а оној, пак, што ќе рече „будала“, ќе биде виновен за во пеколот.

²³ Па, ако принесуваш дар на жртвеникот, и таму се сетиш дека брат ти има нешто против тебе,

²⁴ тогаш, остави го дарот таму, пред жртвеникот, па отиди, најнапред помири се со брата си, а потоа дојди и принеси го дарот твој.

²⁵ Измири се со противникот твој навреме, додека си на пат со него, за да не те предаде на судијата, а судијата – на слугата и да бидеш затворен;

²⁶ вистина ти велам: нема да излезеш оттаму, сѐ додека не ја дадеш и последната пара. Крај на средата

(Зачало 13)

²⁷ Сте слушале дека на старите им било речено: „Не прељубодејствувај“!

²⁸ Јас, пак, ви велам дека секој што ќе погледне на жена со желба, тој веќе извршил прељуба со неа во срцето свое.

²⁹ Ако десното око те соблазнува, извади го и фрли го од себе; зашто подобро ти е да погине еден дел од твоето тело, отколку целото – да биде фрлено во пеколот.

³⁰ И десната рака, ако те соблазнува, исечи ја и фрли ја од себе; оти подобро ти е да погине еден твој дел, отколку целото твое тело да биде фрлено во пеколот.

³¹ Речено било, исто така: „Ако некој ја остави својата жена, нека ѝ даде развод“.

³² А јас, пак, ви велам: – Секој што ќе ја остави својата жена, освен за прељуба, тој ја тера да прељубодејствува; и којшто ќе се ожени со напуштена, тој прељубодејствува. Крај на четвртокот

(Зачало 14)

³³ Сте слушале уште и тоа дека им било речено на старите: „Не колни се криво, а заклетвите пред Господа исполнувај ги“.

³⁴ Јас, пак, ви велам: – Не колнете се воопшто – ниту во небото, оти тоа е престол Божји;

³⁵ ниту во земјата, зашто таа е подножје на нозете Негови; ниту во Ерусалим, оти е град на великиот Цар.

³⁶ Ниту во главата твоја не колни се, зашто не можеш ниту едно влакно да го направиш бело или црно.

³⁷ Но, зборот ваш да биде: да – да, не – не, а сѐ што е повеќе од тоа, од лукавиот е.

³⁸ Сте слушале дека било речено: „Око за око, заб за заб“.

³⁹ Јас, пак, ви велам: да не се противите на злото. Ако некој те удри по десниот образ, сврти му го и другиот.

⁴⁰ А на оној што сака да се суди со тебе и да ти ја земе кошулата, дај му ја и наметката.

⁴¹ И ако некој те присили да одиш со него една милја, ти оди две.

(Зачало 15)

⁴² На оној што бара од тебе, – дај му, и не одбивај го оној што ти сака нешто на заем.

⁴³ Сте слушале дека е речено – „љуби го својот ближен и мрази го непријателот“.

⁴⁴ А јас, пак, ви велам: љубете ги непријателите свои, благословувајте ги оние што ве колнат, правете им добро на оние што ве мразат, и молете се за оние што ве навредуваат и гонат,

⁴⁵ за да бидете синови на вашиот Отец Кој е на небесата; зашто Он го остава Своето сонце да грее над лошите и над добрите, и им праќа дожд и на праведните и на неправедните.

⁴⁶ Оти, ако ги сакате оние што ве љубат вас, каква ќе ви биде наградата? Зар не го прават тоа и цариниците?

⁴⁷ И, ако ги поздравувате само браќата свои, што особено правите? Не постапуваат ли така и незнабошците? вате вашата праведност пред луѓето, за да ве видат; инаку, нема да имате награда од вашиот Отец Кој е на небесата.

⁴⁸ Но бидете совршени, ка ко што е совршен вашиот Отец небесен. Крај на саботата