Матеј 17 - Свето Евангелие 2008

ГЛАВА 17 (Зачало 70)

¹ И по шест дни, ги зеде Исус со Себе Петра, Јакова и брат му Јована, и ги изведе на висока планина сами;

² и се преобрази пред нив; и лицето Негово светна како сонце, а алиштата Му станаа бели како светлина.

³ И ете, им се јавија Мојсеј и Илија, кои разговараа со Него.

⁴ Тогаш Петар Му одговори на Исуса и рече: – Господи, добро ни е да бидеме овде; ако сакаш да направиме тука три сеници: една за Тебе, една за Мојсеја и една за Илија.

⁵ Додека уште говореше тој, ете, ги засени светол облак; и се чу глас од облакот, кој велеше: – Овој е Мојот возљубен Син, Кој е според Мојата волја; Него послушајте Го!

⁶ И кога го чуја тоа учениците, паднаа ничкум и многу се уплашија.

⁷ Но Исус, штом се приближи, се допре до нив и им рече: – Станете и не плашете се!

⁸ А тие, кога ги подигнаа очите, не видоа никого, освен Исуса.

⁹ И кога слегуваа од планината, Исус им заповеда и рече: – Нико му не кажувајте што видовте, додека Синот Човечки не воскресне од мртвите. Крај на Преображение

(Зачало 71)

¹⁰ Аучениците Негови Го прашаа, говорејќи: – Зошто, пак, книжници те велат дека најнапред треба да дојде Илија?

¹¹ Исус им одговори и рече: – Илија ќе дојде порано и ќе уреди сѐ;

¹² но, ви велам дека Илија веќе дојде, и не го познаа, туку му направија како што сакаа; така и Синот Човечки ќе пострада од нив.

¹³ Тогаш учениците разбраа дека Он им говори за Јована Крстителот.

(Зачало 72)

¹⁴ Кога дојдоа при народот, пристапи кон Него еден човек, кој падна на колена

¹⁵ и рече: – Господи, смилувај се на мојот син, зашто при нов месец го фаќа бес и се мачи многу; често паѓа во оган и често – во вода;

¹⁶ го одведов при Твоите ученици, но тие не можеа да го излечат.

¹⁷ А Исус одговори и рече: – О, роде неверен и развратен! До кога ќе бидам со вас? До кога ќе ве трпам? Доведете Ми го тука!

¹⁸ И му нареди Исус на бесот и тој излезе од момчето; и тоа оздраве во тој час. Крај на петокот

¹⁹ Тогаш учениците пристапија кон Исуса насамо и Му рекоа: – Зошто не можевме ние да го истераме?

²⁰ А Исус им рече: – Поради вашето неверие: зашто, вистина ви велам, ако имате вера колку синапово зрно и ѝ речете ли на оваа планина: премести се одовде таму, и таа ќе се премести; и ништо нема да биде за вас невозможно.

²¹ Овој, пак, род се истерува само со молитва и пост.

²² А кога беа во Галилеја, Исус им рече: – Синот Човечки ќе биде предаден во раце човечки,

²³ и ќе Го убијат, и на третиот ден ќе воскресне. Крај на неделата А тие многу се нажалија.

(Зачало 73)

²⁴ Акога пристигнаа во Капернаум, се приближија до Петра оние што собираа дидрахми и му рекоа: – Учителот ваш не плаќа ли дидрахми?

²⁵ Тој одговори: – Да. И кога влезе дома, Исус побрза да му рече: – Како ти се чини, Симоне? Земните цареви од кого земаат царина или данок? Од своите синови или од туѓи?

²⁶ Петар му одговори: – Од туѓите. Исус му рече: – Значи, синовите не плаќаат;

²⁷ но, за да не ги соблазниме, отиди до морето, фрли јадица, и првата риба што ќе се улови, земи ја; и, кога ќе ѝ ја отвориш устата, ќе најдеш статир; земи го и подај им го, за Мене и за себе.