Матеј 1 - Свето Евангелие 2008

ГЛАВА 1 (Зачало 1)

¹ Книга за родословот на Исуса Христа, син Давидов, син Авраамов.

² Авраам го роди Исаака; Исаак го роди Јакова, а Јаков го роди Јуда и браќа му;

³ Јуда ги роди Фареса и Зара од Тамара; Фарес го роди Есрома, а Есром го роди Арама;

⁴ Арам го роди Аминадава; Аминадав го роди Наасона, а Наасон го роди Салмона;

⁵ Салмон го роди Вооза од Раав; Вооз го роди Овида со Рут, а Овид го роди Јесеја;

⁶ Јесеј го роди царот Давида, а царот Давид го роди Соломона, од Уриевата жена;

⁷ Соломон го роди Ровоама; Ровоам го роди Авија, а Авија го роди Аса;

⁸ Аса го роди Јосафата; Јосафат го роди Јорама, а Јорам го роди Озија;

⁹ Озија го роди Јоатама; Јоатам го роди Ахаза, а Ахаз го роди Езекија;

¹⁰ Езекија го роди Манасија; Манасија го роди Амона, а Амон го роди Јосија;

¹¹ Јосија го роди Јоакима; Јоаким го роди Јехонија и браќа му – при преселувањето вавилонско.

¹² А по вавилонското преселување, Јехонија го роди Салатиила, а Салатиил го роди Зоровавела;

¹³ Зоровавел го роди Авиуда; Авиуд го роди Елиакима, а Елиаким го роди Азора;

¹⁴ Азор го роди Садока; Садок го роди Ахима, а Ахим го роди Елиуда;

¹⁵ Елиуд го роди Елиазара; Елиазар го роди Матана, а Матан го роди Јакова;

¹⁶ Јаков го роди Јосифа, мажот на Марија, од која се роди Исус, наречен Христос.

¹⁷ И така, сите родови од Авраама до Давида се четиринаесет; и од Давида до вавилонското преселување се четиринаесет родови; и од преселувањето вавилонско до Христа се четиринаесет родови.

(Зачало 2)

¹⁸ Араѓањето на Исуса Христа стана вака: по свршувачката на мајка Му Марија за Јосифа, уште пред да заживеат, се виде дека зачнала од Светиот Дух.

¹⁹ А Јосиф, нејзиниот маж, бидејќи праведен, не сакаше да ја посрами и намисли тајно да ја отпушти.

²⁰ Но, штом помисли така, ете, ангел Господов му се јави насон, велејќи: Јосифе, сине Давидов, не плаши се да ја примиш Марија, жената своја, зашто зачнатото во неа е од Светиот Дух;

²¹ Таа ќе роди Син и ќе Му ставиш име Исус, зашто Тој ќе го спаси Својот народ од неговите гревови.

²² А сето ова стана за да се исполни кажаното од Господа преку пророкот, кој вели:

²³ „Ете, девица ќе зачне во утробата своја и ќе роди Син, и ќе Го наречат Емануил, што значи: со нас е Бог“.

²⁴ Штом се разбуди Јосиф од сон, направи така како што му заповеда ангелот Господов и ја прими жената своја.

²⁵ И не се доближи до неа додека таа не Го роди својот првороден Син и Го нарече Исус. Крај на неделата, на утрената и на првиот час