Лука 12 - Свето Евангелие 2008

ГЛАВА 12

¹ Меѓутоа, кога се насобра многуилјаден народ, така што се газеа еден со друг, Он почна да им говори најнапред на Своите ученици: – Пазете се од квасот фарисејски, бидејќи е лицемерие. Крај на четвртокот

(Зачало 63)

² Нема ништо сокриено, а да не се открие, ниту тајно – што не ќе се узнае;

³ па затоа, тоа што сте го рекле во темнина, ќе се чуе на видело; и тоа што сте го рекле на уво во тајните одаи, ќе биде разгласено од покривите.

⁴ А вам, на Моите пријатели, ви велам: Не бојте се од оние што го убиваат телото и потоа не можат ништо повеќе да направат;

⁵ но, ќе ви кажам од кого да се боите: Бојте се од Оној, Којшто, по убивањето, има власт да фрли во пеколот; да, ви велам, од Него бојте се!

⁶ Зар не се продаваат пет врапчиња за два пенеза? И ниедно од нив не е заборавено од Бога.

⁷ А вам и влакната на главата ви се изброени. Па така, не бојте се: од многу врапчиња вие сте поскапи.

(Зачало 64)

⁸ И ви велам: Секој што ќе Ме признае Мене пред луѓето, и Синот Човечки ќе го признае пред Божјите ангели;

⁹ а кој ќе се одрече од Мене пред луѓето, и тој ќе биде одречен пред Божјите ангели.

¹⁰ На секого што ќе каже збор против Синот Човечки, ќе му биде простено; но, на оној што ќе похули на Светиот Дух, нема да му се прости.

¹¹ А кога ќе ве одведат во синагогите и пред властите и началствата, не грижете се како или што ќе одговорите, или што ќе кажете;

¹² зашто, Светиот Дух ќе ве научи, во истиот час, што треба да кажете. Крај на петокот и на светителот

(Зачало 65)

¹³ И екој, пак, од народот Му рече: – Учителе, кажи му на мојот брат да го раздели со мене наслед ството.

¹⁴ А Он му рече: – Човеку, кој Ме постави да ви судам или да ве делам?

¹⁵ Па им кажа: – Гледајте и пазете се од лакомство, оти животот на човека не зависи од изобилието на неговиот имот. Изостави во понеделникот

(Зачало 66)

¹⁶ Аим кажа парабола и рече: – На некој богат човек нивата му беше родила многу;

¹⁷ и мислеше во себе, велејќи: што да направам? Немам во што да ги соберам плодовите свои.

¹⁸ И рече: ова ќе направам: – ќе ги урнам амбарите свои и ќе соѕидам поголеми, и таму ќе го соберам сето свое жито и сите свои добра,

¹⁹ и ќе ѝ речам на душата своја: душо, имаш многу добра, приготвени за многу години; јади, пиј и весели се!

²⁰ Но, Бог му рече: – Безумниче, ноќеска ќе ти ја побарам душата твоја; тоа што си го подготвил, кому ќе му остане?

²¹ Така бива со оној што собира добра за себе, а не се богати во Бога. Крај на неделата

²² И им рече на учениците Свои: Читај во понеделникот Затоа ви велам: – не грижете се за душата своја, што ќе јадете, ниту за телото свое, што ќе облечете.

²³ Душата е многу поскапа од храната, и телото – од облеката.

²⁴ Погледајте ги гавраните дека ниту сеат, ниту жнеат; тие немаат скривници, ниту амбари и Бог ги храни; а колку сте поскапи вие од птиците?

²⁵ Па и кој од вас, грижејќи се, може да му додаде еден лакот на својот раст?

²⁶ И така, кога ни најмалото нешто не можете да го направите, зошто се грижите за другото?

²⁷ Погледајте ги криновите како растат: ни се трудат, ниту предат; ама ви велам, дека ни Соломон, во сета своја слава, не се облече така, како еден од нив.

²⁸ Ако, пак, тревата во полето, која денеска ја има, а утре во оган се фрла, Бог така ја облекува, тогаш колку повеќе вас, маловерни!

²⁹ Па затоа и вие, не барајте што ќе јадете или што ќе пиете; и не загрижувајте се.

³⁰ Сето тоа го бараат и незнабошците на овој свет; а вашиот Отец знае, дека тоа ви е потребно.

³¹ Но, барајте го царството Божјо, и сето тоа ќе ви се придаде. Крај на понеделникот

(Зачало 67)

³² Не бој се, мало стадо! Зашто волјата на вашиот Отец е вам да ви го даде царството.

³³ Продајте си ги имотите ваши и давајте милостина! Подгответе си ќесиња што нема да изветвеат, неисцрпно сокровиште на небото, каде што крадец не се приближува и коешто молец не го јаде;

³⁴ зашто, каде што е сокровиштето ваше, таму ќе биде и срцето ваше.

³⁵ Нека ви биде половината притегната и светилата – запалени!

³⁶ Тогаш и вие ќе личите на оние луѓе, коишто го чекаат својот господар да се врати од свадба, за да му отворат веднаш, штом ќе дојде и почука.

³⁷ Блазе на оние слуги, кои господарот ќе ги затече будни, кога ќе си дојде. Вистина ви велам, тој ќе се препаше и ќе им рече да седнат, па ќе пристапи и ќе им служи.

³⁸ А, ако дојде и на втора стража, и на трета дојде ли, и ги затече така, блазе на тие слуги.

³⁹ Знајте го и тоа, ако домаќинот на куќата знаеше во кој час ќе дојде крадецот, тој ќе седеше буден и немаше да дозволи да му ја поткопаат куќата.

⁴⁰ И вие, значи, бидете готови! Зашто, во кој час не мислите, ќе дојде Синот Човечки. Крај на саботата

⁴¹ А Петар Му рече: – Господи, за нас ли ја кажуваш оваа парабола, или за сите?

⁴² Тогаш Господ рече: Кој е тој верен и мудар управник, кого што го поставил неговиот господар над своите слуги, за да им дава потребна храна навреме?

(Зачало 68)

⁴³ Блазе на тој слуга, чијшто господар, кога ќе дојде, ќе го затече така да постапува;

⁴⁴ вистина ви велам, дека тој ќе го постави него над целиот свој имот.

⁴⁵ Ако, пак, тој слуга рече во срцето свое: – нема скоро да дојде мојот господар, па почне да ги бие слугите и слугинките, да јаде и пие и да се опива,

⁴⁶ господарот на тој слуга ќе дојде во ден, во којшто не очекувал, и во час што не го знаел, па ќе го оддели и срамни со неверните.

⁴⁷ А оној слуга, што ја знае волјата на својот господар и не се подготвил и не постапил според волјата негова, ќе биде многу биен;

⁴⁸ кој, пак, не знаел и направил нешто достојно за наказание, ќе биде малку биен. Кому му е многу дадено, многу и ќе се бара од него; и кому му е повеќе доверено, повеќе ќе се бара од него. Крај на вторникот

(Зачало 69)

⁴⁹ Јас дојдов да донесам оган на земјата и колку би сакал веќе да беше се разгорел.

⁵⁰ Со крштение треба да се крстам и колку Ми е мачно додека не се сврши тоа.

⁵¹ Мислите ли дека сум дошол да дадам мир на земјата? Не, ви велам, туку да разделам;

⁵² оти отсега, петмина во една куќа ќе бидат разделени: тројца против двајца и двајца против тројца;

⁵³ ќе биде татко против сина си и син против татка си; мајка против ќерка си и ќерка против мајка си; свекрва против снаата своја и снаата против свекрвата своја.

⁵⁴ А на народот му рече: Кога ќе видите дека се крева облак од запад, тогаш велите: – ќе врне дожд; така и бива.

⁵⁵ а кога дува јужниот ветер, велите: ќе биде вруќина; па така и бива.

⁵⁶ Лицемери, лицето на небото и земјата умеете да го распознавате, а ова време, како не го распознавате?

⁵⁷ Зошто и самите од себе не судите што е праведно?

⁵⁸ Кога одиш со својот противник пред власта, гледај уште патем да се измириш со него, за да не те предаде на судијата, а судијата на слугата и слугата да те фрли во затвор.

⁵⁹ Тебе ти велам, оттаму нема да излезеш, додека не ја дадеш и последната пара. Крај на средата