Јован 19 - Свето Евангелие 2008

ГЛАВА 19

¹ Тогаш Пилат Го фати Исуса и Го бичува.

² И војниците, кога сплетоа венец од трње, Му го кладоа на главата и Му облекоа пурпурна наметка,

³ и велеа: – Радувај се, Царе Јудејски! И Го удираа по образите.

⁴ Пилат повторно излезе надвор и им рече: – Еве, ви Го изведувам надвор, за да разберете дека не наоѓам во Него никаква вина.

⁵ Тогаш излезе Исус надвор, со трнов венец и пурпурна наметка. И им рече Пилат: – Еве Го Човекот!

⁶ А кога Го видоа првосвештениците и слугите, завикаа и рекоа: Распни Го, распни! Пилат им рече: – Земете Го вие и распнете Го, оти јас не наоѓам во Него вина.

(Зачало 60)

⁷ Јудејците му одговорија: – Ние имаме Закон и според нашиот Закон, Он треба да умре, зашто Самиот се направи Син Божји.

⁸ Кога го чу Пилат овој збор, повеќе се уплаши.

⁹ И пак влезе во судницата и Му рече на Исуса: – Од каде си Ти? Но Исус не му даде одговор.

¹⁰ Пилат Му рече: – Мене ли не ми одговараш? Не знаеш ли дека имам власт да Те распнам, и власт имам да Те пуштам?

¹¹ Исус одговори: – Ти не би имал никаква власт над Мене, ако не ти беше дадено одозгора; Изостави на св. крст затоа поголем грев има оној, којшто Ме предаде на тебе.

¹² Оттогаш Пилат гледаше да Го пушти. Но, Јудејците викаа, зборувајќи: – Ако Го пуштиш Него, не си му пријател на императорот. Секој што се прави себеси цар, противник е на императорот. Читај на св. крст

¹³ Штом го чу овој збор, Пилат Го изведе Исуса надвор и седна на судискиот стол, на местото, кое се вика Литостротон, а по еврејки Гавата.

¹⁴ Тогаш беше петок пред Пасха, околу шестиот час. И им рече Пилат на Јудејците: – Еве Го вашиот Цар!

¹⁵ Но тие викаа: – Земи, земи, распни Го! Пилат им рече: – Царот ваш ли да Го распнам? Првосвештениците одговорија: – Ние немаме цар, освен императорот.

¹⁶ И тогаш им Го предаде, за да биде распнат. Крај на четвртото евангелие за св. страданија Христови И Го зедоа Исуса, и Го поведоа.

¹⁷ И, носејќи го Својот крст, Он излезе на местото, кое се вика Черепница, а по еврејски Голгота;

¹⁸ Таму Го распнаа, а со Него и други двајца, од едната и од другата страна, а насреде – Исуса.

¹⁹ Пилат, пак, напиша и натпис, и го постави на крстот. А беше напишано: Исус Назареецот, Царот Јудејски.

²⁰ Овој натпис го читаа мнозина од Јудејците, бидејќи местото, каде што беше распнат Исус, беше близу до градот; а беше напишано на еврејски, грчки и латински. Изостави на св. крст

²¹ Тогаш првосвештениците јудејски му рекоа на Пилата: – Не пишувај: Царот Јудејски, но дека Самиот Он рече: Цар Јудејски сум.

²² Пилат одговори: – Што напишав, напишав!

²³ А војниците кога Го распнаа Исуса, ги зедоа алиштата Негови – и ги разделија на четири дела, по еден дел на секој војник – и хитонот. Хитонот не беше шиен, туку исткаен одозгора па додолу.

²⁴ Тогаш си рекоа: да не го расипуваме, но да фрлиме за него ждрепка, чиј ќе биде; за да се исполни кажаното во Писмо то: „Ги разделија алиштата Мои меѓу себе и за облеката Моја фрлија ждрепка“. Така и направија војниците. Читај на св. крст

(Зачало 61)

²⁵ При крстот Исусов стоеја мајка Му Негова и сестрата на мајка Му, Марија Клеопова, и Марија Магдалина.

²⁶ А Исус, штом ја виде мајка Си, и ученикот, кого го љубеше, како стои, ѝ рече на мајка Си: – Жено, ете ти син!

²⁷ Потоа му рече на учени кот: – Ете ти мајка! И од тој час ученикот ја зеде при себе. Изостави на св. Јован Богослов и премини на зачало 67

²⁸ По ова, знаејќи Исус дека е сѐ свршено, Изостави на св. крст за да се исполни Писмото, рече: – Жеден сум!

²⁹ Таму стоеше сад, полн со оцет; тие наквасија сунѓер во оцетот, го закачија на трска и Му принесоа до устата Негова.

³⁰ А Исус кога вкуси оцет, рече: – Се сврши! Читај на св. крст И откако ја наведна главата, го предаде духот. Овде читај на Вел. Петок, вечерта

³¹ Бидејќи беше петок, Јудејците, за да не останат телата на крст во саботата, – оти таа сабота беше голем ден – го замолија Пилата да им ги прекршат колената и да ги симнат.

³² Тогаш дојдоа војниците и му ги прекршија колената на првиот, како и на вториот, што беше распнат со Него.

³³ А кога дојдоа до Исуса и Го видоа дека беше веќе умрен, не Му ги прекршија колената;

³⁴ но еден од војниците со копје Му ги прободе ребрата, и наеднаш истече крв и вода.

³⁵ И кој виде – посведочи, и сведоштвото му е вистинско; Крај на св. крст и знае дека кажува вистина, за да поверувате вие.

³⁶ Оти ова стана, за да се исполни Писмото: „Коска Негова нема да се скрши“.

³⁷ И друго Писмо повторно вели: „Ќе погледнат на Оној, Кого Го прободоа“. Крај на деветтото евангелие за св. страданија Христови и на деветтиот час. А на Вел. Петок, врати се на зачало 113-то според Матеја.

(Зачало 62)

³⁸ Потоа Јосиф од Ариматеја, таен Исусов ученик, поради страв од Јудејците, – го замоли Пилата да го симне телото Исусово и Пилат му дозволи. Тој дојде и го симна телото Исусово.

³⁹ А дојде и Никодим, – кој порано беше отишол ноќе при Исуса – и донесе околу сто литри смеса од смирна и алој.

⁴⁰ И го зедоа телото Исусово и го завиткаа во платно со мирисите, како што е обичај кај Јудејците да погребуваат.

⁴¹ На она место, каде што беше распнат, имаше градина и во градината – нов гроб, во кој уште никој не беше полаган.

⁴² Таму Го положија Исуса, поради петокот Јудејски, зашто гробот беше близу. Крај на 11-то евангелие за светите страданија Христови