Марко 8 - Свето Писмо: Стандардна Библија 2006 (со девтероканонски книги)

Исус нахранува четири илјади луѓе

¹ Во тие дни, кога се беше собрал многу народ и немаше што да јадат, Исус ги повика учениците Свои и им рече:

² „Ми е жал за народот, зашто веќе три дни стојат кај Мене и нема што да јадат.

³ Ако ги пуштам да си одат гладни по куќите нивни, ќе премалеат по патот, зашто некои од нив се дојдени одда­ле­ку.“

⁴ Учениците Му одговорија: „Од каде може човек сите овие да ги нахрани со леб, овде во пустинава?“

⁵ И ги праша: „Колку лебови имате?“ А тие одговорија: „Седум.“

⁶ Тогаш му заповеда на народот да по­седне по земјата; па, откако ги зеде се­думте лебови, заблагодари, ги раскрши и им ги даде на учениците Свои да ги разделат; и тие ги разделија на народот.

⁷ Имаа и малку рипчиња; ги бла­гослови и заповеда да ги раздадат и нив.

⁸ И јадеа, и се наситија; и собраа се­дум кошници останати парчиња.

⁹ А оние, што јадеа, беа околу четири илјади. И ги распушти.

¹⁰ И веднаш влезе во кораб со уче­ни­ците Свои и дојде во пределите Дал­ман­утски.

Фарисеите бараат чудо

¹¹ И излегоа фарисеите и почнаа да се препираат со Него, па искушувајќи Го, бараа од него знак од небото.

¹² А Тој воздивна длабоко и рече: „Зошто овој род бара знак? Вистина ви велам: нема да му се даде знак на овој род.“

¹³ И кога ги остави, пак влезе во ко­ра­бот и премина на другата страна.

За штетниот „квасец“

¹⁴ А учениците Негови беа заборавиле да ги земат лебовите и немаа со себе во коработ, освен еден леб.

¹⁵ А Тој ги опоменуваше, велејќи: „Вни­ма­вајте, чувајте се од квасот фари­сејски и од квасот Иродов!“

¹⁶ И си размислуваа меѓу себе, ве­леј­ќи: „Тоа е затоа што немаме леб.“

¹⁷ А Исус, кога ги разбра, им рече: „Зошто зборувате за тоа што немате леб? Зар уште не сфаќате и не разбирате? Уште ли е скаменето вашето срце?

¹⁸ Очи имате, не гледате ли? Уши имате, не слушате ли? И не помните ли?

¹⁹ Кога ги раскршив петте леба, за пет илјади души, колку полни кошеви со парчиња собравте?“ Му рекоа: „Два­на­есет.“

²⁰ „А седумте – за четири илјади, кол­ку полни кошници со останати парчиња соб­равте?“ Тие одговорија: „Седум.“

²¹ И им рече: „Па како тогаш не раз­бирате?“

Исцелувањето на слеп човек

²² Потоа дојде во Витсаида; и доведоа кај Него слеп и Го молеа да се допре до него.

²³ И кога го зеде слепиот за рака, го изведе надвор од селото и, откако плукна на очите негови, ги положи рацете над него, па го праша дали гледа нешто.

²⁴ Тој, кога погледна, рече: „Ги гледам луѓето да одат како дрвја.“

²⁵ Потоа пак ги положи рацете над очите и направи да прогледа. И се излекува и ги гледаше сите јасно.

²⁶ И го испрати во домот негов и му рече: „Ниту в село влегувај, ниту в село некому рас­ка­жу­вај!“

Петровото исповедање на верата

²⁷ И излезе Исус со учениците Свои по селата на Кесарија Филипова. По па­тот ги праша учениците Свои и им ре­че: „Што велат луѓето, Кој сум Јас?“

²⁸ Тие одговорија: „Јован Крс­ти­тел, некои Илија, а други, пак, не­кој од пророците.“

²⁹ Тој, пак, им рече: „А вие, што велите, Кој сум Јас?“ Петар Му одгово­ри и ре­че: „Ти си Христос!“

³⁰ И им заповеда никому да не говорат за Него.

Исус ја навестува Својата смрт и воскресение

³¹ Па почна да ги учи дека Синот Чо­вечки треба многу да пострада, да биде отфрлен од старешините, прво­свеш­те­ниците и книжниците, и да биде убиен и по третиот ден да воскресне.

³² И говореше за тоа отворено. Но Петар, Го повлече насамо и почна да Го одвраќа.

³³ А Тој, кога се заврте и ги погледна учениците Свои, му забрани на Петар да говори и рече: „Бегај од Мене, са­та­но! Зашто не мислиш на она што е Божјо, туку на она што е човечко!“

Патот на Исусовите следбеници

³⁴ И кога го повика народот и уче­ниците Свои, им рече: „Кој сака да врви по Мене, нека се одрече од себе, и нека го земе крстот свој и нека оди по Мене.

³⁵ Зашто, кој сака да го спаси својот живот, ќе го загуби; а кој го загуби жи­вотот свој заради Мене и Евангелието, тој ќе го спаси.

³⁶ Зашто каква полза има човек, ако го придобие целиот свет, а на душата своја ѝ напакости?

³⁷ Или каков откуп ќе даде човек за својата душа?

³⁸ Зашто, кој се срами од Мене и од зборовите Мои во овој прељубодеен и грешен род, и Синот Човечки ќе се сра­ми од него, кога ќе дојде во славата на Својот Отец со светите ангели.“