Броеви 33 - Свето Писмо: Стандардна Библија 2006 (со девтероканонски книги)

Список на местата, каде што беа сместувани логорите по излегувањето од Египет

¹ Ете тоа се патувањата на синовите израилски, откако излегоа од египетската земја, групирани во легиони под водството на Мојсеј и на Арон.

² По заповед на Господ Мојсеј ги опи­ша нивните патувања и престојувањата нивни, и еве ги престоите на нивното патување:

³ Од Рамзес тие тргнаа во првиот месец, на петнаесеттиот ден од првиот месец, – утрината по Пасха излегоа си­новите израилски – слободно, пред очи­те на сите Египќани;

⁴ а во тоа време Египќаните ги погребуваа сите првородени, кои ги порази Господ меѓу нив, извршувајќи, на тој начин суд над нивните богови.

⁵ Така тргнаа синовите израилски од Рамзес и се сместија во Сукот.

⁶ Потоа појдоа од Сукот и се сместија во Етам, кој е на крајот од пустината.

⁷ Се кренаа од Етам, и се упатија кон Пи-Хахирот, кој е спроти Ваал-Цефон, и се сместија спроти Мигдол.

⁸ Откако тргнаа од Пи-Хахирот, ми­наа преку морето во пустината, и патуваа три дена по пустината Етам, и се улогорија во Мара.

⁹ И се кренаа од Мара, и пристигнаа во Елим; а во Елим имаше дванаесет водни извори и седумдесет палми; и се сместија таму.

¹⁰ Потоа појдоа од Елим и се сместија крај Црвеното Море.

¹¹ И тргнаа од Црвено Море и се смес­тија во пустината Син.

¹² Па се кренаа од пустината Син и се сместија во Дофка.

¹³ Од Дофка заминаа и дојдоа во Алуш.

¹⁴ Тргнаа од Алуш и се сместија во Рефидим, а таму немаше вода да пие народот.

¹⁵ Појдоа од Рефидим и се сместија во Синајската Пустина.

¹⁶ Заминаа од Синајската Пустина и се сместија крај Киврот-Таава.

¹⁷ Тргнаа од Киврот-Таава и се улогорија во Хацерот.

¹⁸ Од Хацерот појдоа и се сместија во Ритма.

¹⁹ Потоа се кренаа од Ритма и се сместија во Римон-Перец.

²⁰ Појдоа од Римон-Перец и се сместија во Ливна.

²¹ Од Ливна заминаа и се сместија во Риса.

²² Тргнаа од Риса и се сместија во Ке­хелата.

²³ Се кренаа од Кехелата и се сместија на гората Шефер.

²⁴ Тргнаа од планината Шефер и се сместија во Харада.

²⁵ Тргнаа од Харада и се сместија во Макхелот.

²⁶ Од Макхелот се кренаа и се сместија во Тахат.

²⁷ Тргнаа од Тахат и се сместија во Тара.

²⁸ Појдоа од Тара и се сместија во Митка.

²⁹ Заминаа од Митка и се сместија во Хашмона.

³⁰ Од Хашмона тргнаа и се сместија во Мосерот.

³¹ Тргнаа од Мосерот и се сместија во Бене-Јаакан.

³² Заминаа од Бене-Јаакан и се сместија во Хор-Гидгад.

³³ Се кренаа од Хор-Гидгад и се сместија во Јатевата.

³⁴ Појдоа од Јатевата и се сместија во Аврона.

³⁵ Тргнаа од Аврона и се сместија во Ецјон-Гевер.

³⁶ Од Ецјон-Гевер тргнаа и се сместија на стан во пустината Син, т.е. во Ка­дис.

³⁷ Појдоа од Кадис и се сместија во планината Ор, близу до земјата Едо­м­ска.

³⁸ Тогаш по заповед на Господ свеш­теникот Арон се искачи на планината Ор и умре таму на четириесеттата го­ди­на по излегувањето на синовите из­раилски од египетската земја, во петтиот месец, на првиот ден од месецот;

³⁹ Арон имаше сто дваесет и три години кога умре на планината Ор.

⁴⁰ Тогаш царот на Арад, еден од хананските цареви, кој живееше на југ во хананската земја, чу дека идат си­новите на Израил.

⁴¹ И тие тргнаа од Ор-Планина и се сместија во Салмона.

⁴² Појдоа од Салмона и се сместија во Пунон.

⁴³ Се кренаа од Пунон и се сместија во Овот.

⁴⁴ Потоа заминаа од Овот и се сместија во Ије-Аварим, од спротива на пределите моавски.

⁴⁵ Тргнаа од Ије-Аварим и се сместија во Дивон-Гад.

⁴⁶ Појдоа од Дивон-Гад и се сместија во Алмон-Дивлатаим.

⁴⁷ Се кренаа од Алмон-Дивлатаим и се сместија на планината Аварим, спроти Нево.

⁴⁸ Тргнаа од Аваримската планина и се сместија во рамнините моавски, крај Јордан, спроти Ерихон;

⁴⁹ тие беа сместени на брегот од Јор­дан, во Моавската Рамнина, од Бет-Јешимот до Авел-Ситим.

⁵⁰ Тогаш му рече Господ на Мојсеј во Рамнината Моавска, кај Јордан, спроти Ерихон, велејќи:

⁵¹ „Кажи им на синовите израилски и речи им: кога ќе минете од онаа страна на Јордан, во хананската земја,

⁵² протерајте ги од пред себе сите жи­тели на оваа земја, разрушете ги сите нивни камени идоли и сите нивни из­леани идоли, и сите нивни жртвеници разорете ги;

⁵³ и завладејте ја таа земја, и населете се во неа, зашто Јас ви ја давам во нас­ледство;

⁵⁴ и поделете ја земјата со ждрепка на делови меѓу вашите племиња: на мно­губројните дајте им поголем дел, а на малубројните дајте им помал дел; како кому ќе му се падне ждрепката, таму да му биде и делот; земете си делови спо­ред родовите на предците ваши.

⁵⁵ Ако, пак, не ги протерате од пред себе жителите на таа земја, тогаш оние што ќе останат, ќе бидат трн во очите ваши и бодила во слабините ваши и ќе ве притеснуваат во земјата каде што ќе живеете,

⁵⁶ и тогаш, она што мислев да им го направам ним, ќе ви го направам вам.“