Броеви 17 - Свето Писмо: Стандардна Библија 2006 (со девтероканонски книги)

Ароновиот жезол

¹ И му рече Господ на Мојсеј, велејќи:

² „Кажи им на синовите израилски и земи од нив по еден жезол од колено, по еден жезол од секој нивни кнез, дванаесет жезла, и името на секој напиши го на жезолот;

³ Ароновото име напиши го на Левие­виот жезол, зашто тие треба да дадат еден жезол, според племето на нивниот род,

⁴ и стави ги во скинијата на собранието, пред ковчегот на заветот, каде што ви се јавувам;

⁵ и кого Јас ќе го одберам, неговиот жезол ќе расцути; и така ќе го отстра­нам незадоволството на синовите изра­илски, што го креваат против вас.“

⁶ И им рече Мојсеј на синовите на Израил, и сите началници нивни им да­доа, од секој началник по еден жезол, дванаесет жезла, според кнежествата свои и родовите нивни; и Ароновиот жезол беше меѓу жезлата нивни.

⁷ Тогаш Мојсеј ги постави жезлата пред лицето Господово во скинијата на собранието.

⁸ На вториот ден влезе Мојсеј (и Арон) во скинијата на собранието, и ете, Ароновиот жезол, од Левиевиот дом, беше напупил, расцветал и родил бадеми.

⁹ И ги изнесе Мојсеј сите жезла од ли­цето Господово пред сите синови на Израил; и тие го видоа тоа и секој си го зеде својот жезол.

¹⁰ И му рече Господ на Мојсеј: „Постави го пак Ароновиот жезол пред ковчегот на заветот да се чува, како опомена за непокорните, па ропотот против Мене да престане и тие да не умираат.“

¹¹ И Мојсеј го направи тоа; како што му заповеда Господ, така направи.

Службата на свештениците и на левитите

¹² И му рекоа синовите израилски на Мојсеј: „Ете, ние умираме, гинеме, сите ќе изумреме;

¹³ секој, кој се приближува кон скинијата Господова, умира: дали ќе изумреме така сите?“