Mattayo 1 - Kilagano kya hino 1937

¹ Kitabu kya uhogosi wa Yesu Kristo, mwana wa Daudi, mwana wa Ibrahimu.

² Ibrahimu akamhogwili Isaak; nu Isaak akamhogwili Yakobo; nu Yakobo akamhogwili Yuda na wa nung’una mundu;

³ nu Yuda akawahogwili Perez na Zera wa Tamar; nu Perez akamhogwili Hezron; nu Hezron akamhogwili Aram;

⁴ nu Aram akamhogwili Aminadab; nu Aminadab akamhogwili Nahashon; nu Nahashon akamhogwili Salmon;

⁵ nu Salmon akamhogwili Boaz wa Rahab; nu Boaz akamhogwili Obed wa Ruth; nu Obed akamhogwili Yesse;

⁶ nu Yesse akamhogwili Daudi mutwa.

⁷ Nu Daudi akamhogwili Solomon wa yula wa Uria; nu Solomon akamhogwili Rehoboam; nu Rehoboam akamhogwili Abia;

⁸ nu Abia akamhogwili Asa; nu Asa akamhogwili Yehoshafat; nu Yehoshafat akamhogwili Yoram; nu Yoram akamhogwili Uzia;

⁹ nu Uzia akamhogwili Yotham; nu Yotham akamhogwili Ahaz; nu Ahaz akamhogwili Hezekia;

¹⁰ nu Hezekia akamhogwili Manasse; nu Manasse akamhogwili Amon;

¹¹ nu Amon akamhogwili Yosia; nu Yosia akamhogwili Yekonia na wa nung’una mundu, pa lukumbi lwakutoleka ku Babel.

¹² Na panyuma pa kutoleka ku Babel, Yekonia akamhogwili Salathiel;

¹³ nu Salathiel akamhogwili Zerubbabel; nu Zerubbabel akamhogwili Abiud; nu Abiud akamhogwili Eliakim;

¹⁴ nu Eliakim akamhogwili Azor; nu Azor akamhogwili Sadok; nu Sadok akamhogwili Akim; nu Akim akamhogwili Eliud;

¹⁵ nu Eliud akamhogwili Eleazar; nu Eleazar akamhogwili Mattan; nu Mattan akamhogwili Yakobo;

¹⁶ nu Yakobo akamhogwili Yosefu, ngwana mundu Mariamu, wa yula akahogoliki Yesu, wakukemeleka Kristo.

¹⁷ Mumu fihogosi fyoha kitumbulile Ibrahimu mpaka Daudi fiyii fihogosi kumi na ncheche; na kitumbulile Daudi mpaka kutoleka kula ku Babel fihogosi kumi na ncheche; na kitumbulile kutoleka kula ku Babel mpaka Kristo fihogosi kumi na ncheche.

¹⁸ Kuhogoleka kwake Yesu Kristo kukayili wila: Mariamu nyongolo pakahongiki nu Yosefu, wakona nukuwandamana pamonga, akawoniki ayii nu luleme lwa Roho Mbalafu.

¹⁹ Leka Yosefu ngwana mundu, pakuya mundu ngolofu, nukugana lepa kunkitila ndingo pa chengo kya wandu, akaholiti kunsula pa mweya.

²⁰ Leka bahapa akaholiti ifi, lola malaika wa Bambo akambonakili pa kulota, kujowa, Yosefu, mwana wa Daudi, usiyogopa kwitolela Mariamu mhanuwo: pakuya iki ayima luleme nakyo kiyii kya Roho Mbalafu.

²¹ Leka yahogole mwana ngosi; na yaunkemele lihina lyake YESU; pakuya yuyu yayokole nsafi wake pa sambi syawe.

²² Leka iki kya mfilimila kikapatiti kuya, nausi limemasike lila Bambo akalijowiti pa ndomo pa wakulweta, kujowa,

²³ Lolaye, bikira yayime luleme, na yahogole mwana, Na yawankemele lihina lyake Emmanueli; lili kokokoseka, Mulungu pamonga nu tenga.

²⁴ Leka Yosefu akayimwiki pa lugono lwake, na akakiti umu malaika wa Bambo akantaukili, nakitolili mhanu mundu;

²⁵ na akammanyiti lepa mpaka apa akamhogwili mwana ngosi: leka akankemili lihina lyake YESU.