Ndwom 1 - BAEBOR

NWOMA A ODZI KAN ( Ndwom 1—41 ) Ɔtseneneenyi Na Omumuyɛnyi

¹ Osiarfo nye nyimpa a ɔnye emumuyɛfo nntu egyina, Na ɔnnantsew ndzebɔnyɛfo kwan do, Eso ɔnntsena atwetwesifo tsenabea.

² Na mbom n’enyi gye EWURADZE ne mbra ho; Na ɔdwen ho adzekyee na adzesaa.

³ Na ɔbɛyɛ dɛ dua a ɔtsɛw esutsen ho a Ɔsow n’aba wɔ ne ber mu, N’ahataw so mmpo; Na dza ɔyɛ nyinara bowie yie.

⁴ Na ndzebɔnyɛfo dze wɔnntse dɛm, Wɔtse dɛ ntsɛw a mframa bɔ petse.

⁵ Dɛm ntsi emumuyɛfo rinndzi bem wɔ atsɛmbu mu, Eso ndzebɔnyɛfo rummpue atseneneefo bagua mu.

⁶ Osiandɛ EWURADZE nyim atseneneefo kwan: Na emumuyɛfo kwan dze ɔbɛhera.