Mbɛbusɛm 3 - BAEBOR

Afotu Ma Mbabun

¹ Me ba, mma wo werɛ mmfir me mbra; Na ma w’akoma ndzi me mbrasɛm do:

² Na nda tsentsen, na nkwa mfe, Na asomdwee, na wɔdze bɛka wo ho.

³ Mma mma adɔyɛ na nokwardzi mmpar wo: Fa hyɛ wo kɔn; Kyerɛw no wɔ w’akoma pon do:

⁴ Nna ibenya enyimpa na atsenka pa Wɔ Nyankopɔn na nyimpa enyim.

⁵ Fa wo werɛ nyina hyɛ EWURADZE mu, Na mma nntwer wankasa wo ntseasee.

⁶ Fa w’akwan nyinara hyɛ ne nsa, Na ɔno na ɔbɛkyerɛ wo kwan.

⁷ Mma nnyɛ wankasa w’enyiwa do onyansafo; Suro EWURADZE, na yi mbusu akwa:

⁸ Ɔbɛyɛ nkwa ama wo funuma, Na ehuon ama wo mbiew.

⁹ Fa w’ahodze hyɛ EWURADZE enyimnyam, Ɔnye wo ndɔbaa nyinara mu nduadzewakan no;

¹⁰ Nna w’asan bɛhyehyɛ amaama, Na wo nsatwer mu nsa fofor bobu do.

¹¹ Me ba, mma mmbu EWURADZE ne ntsea enyimtsia; Eso mma ne nkaenyim mmfon wo:

¹² Na nyia EWURADZE dɔ no no na ɔka n’enyim; Dɛ mbrɛ egya ka ɔba a ɔdɔ no no n’enyim no.

¹³ Osiarfo nye nyimpa a ohu nyansa, Na nyimpa a onya ntseasee.

¹⁴ Na n’eguadze ye kyɛn dwetɛ n’eguadze, Na ne mfaso kyɛn sika mapa.

¹⁵ Ɔsom bo kyɛn mbota: Na ndzɛmba a wo kɔn bɔdɔ mu biara wɔmmfa nnto ho.

¹⁶ Nda tsentsen wɔ ne nsa nyimfa mu; Ne nsa bankum mu wɔ ahonya na enyidzi.

¹⁷ N’atsempɔn yɛ atsempɔn a ɔyɛ fɛw, Na n’akwan nyinara asomdwee a.

¹⁸ Ɔyɛ nkwa dua ma hɔn a wosuo no mu: Na osiarfo nye obiara a ɔkora no.

¹⁹ EWURADZE dze nyansa hyɛɛ asaase ase; Ɔdze ntseasee dze ɔsorsor tsintsiim hɔ.

²⁰ Ne nyimdzee do na esubun no mu paapaae, Na wimu sosɔw ɔbɔnsu.

²¹ Me ba, fa nyansa mapa na adwenmutsewee sie; Na mma mma wɔnndan mmfi w’enyiwa do;

²² Nna wɔbɛyɛ nkwa ama wo kra, Na enyimnyam ama wo kɔn.

²³ Ɔno na ebɛnantsew wo kwan do sɔkyee, Na w’anamɔn nnkefintsiw.

²⁴ Sɛ ekɛda a, innkosuro: Nyew, ebɛda, na wo nda bɛyɛ wo dɛw.

²⁵ Mma nnsuro awerɛfir mu ehuyi, Anaaso emumuyɛfo hɔn sɛɛe, wɔ aber a ɔbɛba:

²⁶ Na EWURADZE bɛyɛ w’awerɛhyɛmu, Na obesie w’anan efi ɔkyer mu.

²⁷ Mma mmfa yieyɛ nnkam nyia odzi wɔ no, Ber a ewɔ wɔ wo nsamu dɛ ibotum yɛ no,

²⁸ Mma nnse wo nyɛnko dɛ, Kɔ, ana aba bio, Na ɔkyena na medze bɛma wo; Ber a ewɔ adze no wɔ wo nkyɛn.

²⁹ Mma nndwendwen mbusu nntsia wo nyɛnko, Ber a ɔnye wo tse hɔ dwudwoodwo yi.

³⁰ Mma nnye nyimpa biara nndzi aper kwa, Ber a ɔmmbɔɔ wo mbusu biara.

³¹ Mma w’enyi mmber nyimpa otsirmɔdzenfo no, Na mma nnsan mu nnyi n’akwan no mu biara.

³² Na ɔkɔnkɔnsanyi no yɛ ekyiwadze ma EWURADZE: Na mbom ɔnye atseneneefo dzi etsirmsɛm.

³³ EWURADZE no ndom wɔ emumuyɛfo fi mu; Na ohyira Ndzeyɛtsenenee tsenabea.

³⁴ Ampaara, osi atwetwesifo atwetwe, Na ɔma ahobrɛadzefo adom.

³⁵ Enyansafo benya enyimnyam dɛ egyapadze; Na nkwasea dze, enyimguase bɛyɛ hɔn ntodo.