Ester 10 - BAEBOR

Modekai Ne Kɛseyɛ

¹ Na ɔhen Ahasuerus dze asaasetow too asaase no na po mu nsupɔw no do.

² Na no tum na ne mbanyindze ho asɛm nyinara, na Modekai n’akɛseyɛ a ɔhen no maa ɔyɛe no no ho asɛm no, ana wɔnnkyerɛɛw no wɔ Media na Persia ahemfo hɔn Mbermunsɛm nwoma no mu?

³ Osiandɛ Jewnyi Modekai no nye nyia otsia ebien a odzi ɔhen Ahasuerus n’ekyir, na ɔyɛ nyimpa kɛse wɔ Jewfo mu, na no nuanom nyimpadodow no penee no; ɔhwehwɛɛ ne man ne yieyɛ, na ɔkaa asomdwee nsɛm kyerɛɛ n’asefo nyinara.