ወማ 9 - መጣፍ ቅዱስ በጉራጌኛ

ኻሪነትም ጋውነትም

¹ ኻሪነት ቤተታ አረሸም፤ ሰባት ኧችባም የቤተታ አቈመም።

² የደጐሰንም ድግስ ቦራ አንጠም፤ ይተም የዌን ጠጅም በረም፤ ይወደረም ዝራካም ሸረት አፈጠረም።

³ የቤትግሬደታ ናኸምታ በከተማ ከፍተነ መደር ቈመማምታነ፥

⁴ «ኻሪነት የቀፐረናኹ ሰብ እንም ዝኼንየ ኔኹ!» ባረማም ይጠረማኸማ ኤፐም፤ ጋዋም ሰብ ዝካ ይውን፥

⁵ «ኔኸ ያፈጠርን ሸረት ብራ! የበርንም የዌን ጠጅ ስጤ!

⁶ ኻሪነት ተቀፐረኖ ሰብ ተቤተርም ኤያም ኽርም ንበር፤ በበስሮትም ኤማ ይፍቴንየ ወር።»

⁷ ሸተነ ሰብ ብትመን ይቀርምኸ፤ አልም ሰብ ብትቈጣን ዳት ይሰራብኸ።

⁸ ሸተነ ሰብ ብትመን ይጠራኸ፤ ኻሪ ሰብ ጭን ብትመን ይረምድኸ።

⁹ ኻሪ ሰብ አትን፤ ንቃር ኻሪ ይኽርሸ፤ ወኼ ሰብ አትን፤ ውቀት ይድብርወሸ።

¹⁰ እግዘር ስረፎት ተኻሪነት እንም ይርቅ፤ የትቀደሰም እግዘር ወኻር በስሮቱ።

¹¹ ኻሪነት ብድሜያኸ ር ኧድሜ ይደብንኸ።

¹² ኻሪነት ቢረብርኸ የገግማኸ ያርኸ፤ ኻሪነትም ብትጠራ ትትጐዳ አኸትንኸ።

¹³ ኻሪነት ብኸሮት፥ እክም ትዝረ፥ አትምቃር አትር ጠንቋራም ቀመጥኤባርም ምሽትኸማ ኽሮቱ።

¹⁴ ት በቤተታ ወረጀ ዌም በከተማ ከፍተነ መደር ትቾና፤

¹⁵ ስ ባሮም ቤተና ያሮ ሰብ እንም ዝካ ትትብር ትጠራኖ፤

¹⁶ «አኹ ኻሪነት ኤነናኹ ሰብ ይያኼንየ ኔኹ!» ጋዋምት፥

¹⁷ «ሰነም ይሰጪ እኻ ይተም፤ ሰነም ይወሬ ሸረት ያትብራንቅ» ትብኖ።

¹⁸ ትም ቤትመታ ያሮ እንም ይሞቶኸማም ኧዃም ስን ቤተታ የገፓ ሰብ የቶ ሰብ ገነ ዮሮኸማ ኤር።