Ibraawe 1 - ኦሮ ጫቆ

ናአይ ኪታንችታይፕ ኣ

¹ ብኒ ብንኮ ጾስ፥ ኑ አድታይስ ናብታይ ባጋር ዱማ ዱማ ኦገር ጋመ ዎደ ኦዴዛ።

² ዝን Ꮊ ዉርስ ዎደ ኡባ ባዝ ኤዛ ላትሴዝ፥ ማ አላማካ ኤ ባጋር መዝ ፋ ናአይ ባጋር ኑስ ኦዴዛ።

³ ናአይ ጾስ ቦንቾ ፖጭኔ ሀናይር ሙመር ጾስ ኣዚ ኩን ጾስ ጾሳት ኤኪ፥ ፋ ማዉተ ቃላይር Ꮊ አላማ ሚን አይኬዛ። አሳ ኡ ናጋራይፕ ሻግሼዛይፕ ጉየ ኡባፕ አፋ ጾስ ኡሻች ሳሎ በቴዛ።

⁴ ኤስ እንግንቴዝ ሱንይ ኪታንችታይ ሱንይፕ ኣ ማቄዛይ ጋርክ ኤ ኡንታፕ ሎእ ኣዝ ግሾሲ።

⁵ ይኬ፥ ጾስ ኪታንችታይፕ ኦኮ፥ «ኔኒ ታ ናአ፤ ታ Ꮊይኖ ኔስ አደ ማቄዛ» ዬጌኔ? ዎይ ኦኮ፥ «ታኒ ኤስ አደ ማቆዳ፤ ኤካ ታስ ናአ ማቆዳ» ዬጌኔ?

⁶ ማ ጾሲ ፋ ባይራ ናአ Ꮊ አላመ ኪትታር፥ «ጾስ ኪታንችታይ ኡባይ ኤስ ጎይኖ» ዬጌዛ።

⁷ ጾስ ኪታንችታይ ባጋ ኦድታር፥ «ጾሲ ፋ ኪታንችታ ጫርክታ፥ ፋ አይልታ ታማ ላ ኡድዛ» ዬግዛ።

⁸ ዝን ፋ ናአይ ባጋ ኦድታር፥ «ጾሶ፥ ነ ካተትይ መናስ የዝዛ። ነ ካተት ነ ጽሎትር አቅሶዳ።

⁹ ኔኒ ጽሎት ዶሴዛ፤ ኢታት እጼዛ። ጾሳይ፥ ነ ጎዳይ፥ ነና ነ ዣምታይፕ ኣ ዶሬዛ፥ ኡፋይስ ዛይተ ነና ትዤዛ» ዬግዛ።

¹⁰ ጾሲ ማሂ፥ «ጎዳዮ፥ ቲና ኔኒ ሳአ መዛ፤ ሳልታይ ነ ኩሸ ኦስታ።

¹¹ የይትታይ ኡባይ ቦዳ፤ ዝን ኔኒ የዞዳ። ኡንቲ ኡባይ አፍላ ጋርክ ዉሮዳ።

¹² ኔኒ ኡንታን ሳልነ ጋርክ ጻጾዳ፤ ማ ኡንቲ አፍላ ጋርክ ላምንቶዳ። ዝን ኔኒ ኡባ ዎደ ነና፤ ነ ላይታይስካ ዉርስ ባያ» ዬግዛ።

¹³ ዝን ጾሲ ኪታንችታይፕ ኦኮ፥ «ታኒ ነ ሞርክታ ነ ቶካይ የዝ አቆ ኡዶድ ሄሎዳይስ፥ Ꮊይዳ ታፕ ኡሻች ባጋር በቶባ» ዬጌኔ?

¹⁴ ኪታንችታይ ኡባይ አቶት ደንጎዳይስ የዝ አስታ ማዶዳይስ ጾስ ኪቴዝ አያንታ ባሳኔ?