Génesis 5 - La'qaatqa ñi qota'olec Qota'olec & Qota'olec Novita Na Qomyipi

So llaalqaipi so Adán

¹ Ca' anajo aná'maq lomalate so llaalqaipi so Adán. Co'na' ñi qota'olec ỹo'uet so qom, ca chi nadenaxatalta'. Ca' ỹaatqajam chaqai 'ec da no'ueenataxac ñi qota'olec nqai'en so'maxare.

² Ỹo'uet so ỹale chaqai aso 'aalo, ca' ỹaanem da no'uen llicyaxac. Ca quesó'maq na'xa'a na' qaỹo'ueete', ca ñi qota'olec 'naaco': Leenaxato'o' nqohine', qomi'.

³ So Adán ỹovito'o' saua ciento treinta ñaxari co'na' ne'qaañi so llaalec ỹaatqajam imaho lashiquiaxaua. Ca' ỹanco' quiyim leenaxat Set.

⁴ Ca co'na' ime dajo, ca' so Adán ñaqai queuguilo saua liỹa' ochocientos ñaxari quiyim nca'leetauec. Ca' 'vio' saua liỹa' llaalqa chaqai saua llaale.

⁵ Ca' queda, ca' quesá'ogo' ỹovi' novecientos treinta ñaxari quiyim nca'leetauec. Ca co'na' ỹovite' sauajo ñaxari, ca' ileu.

⁶ Ca' so Set ỹovito'o' saua ciento cinco ñaxari co'na' ne'qaañi so llaalec Enós.

⁷ Ca co'na' ime dajo, ca' so Set ñaqai queuguilo saua liỹa' ochocientos siete ñaxari quiyim nca'leetauec. Ca' 'vii saua liỹa' llaalqa chaqai saua llaale.

⁸ Ca' quesá'ogue, ca' ỹovi' novecientos doce ñaxari quiyim nca'leetauec. Co'na'le, ca' ileu.

⁹ Ca' so Enós ỹovito'o' saua noventa ñaxari co'na' ne'qaañi so llaalec Cainán.

¹⁰ Ca co'na' ime dajo, ca' so Enós ñaqai queuguilo saua ciento quince ñaxari liỹa' quiyim nca'leetauec. Ca' 'vio' saua liỹa' llaalqa chaqai saua llaale.

¹¹ Ca' quesá'ogue, ca' ỹovi' novecientos cinco ñaxari. Ca co'na' ỹovite' sauajo ñaxari, ca' ileu.

¹² So Cainán ỹovito'o' saua setenta ñaxari co'na' ne'qaañi so llaalec Mahalaleel.

¹³ Ca co'na' ime dajo, ca' so Cainán ñaqai queuguilo saua liỹa' ochocientos cuarenta ñaxari quiyim nca'leetauec. Ca 'vii saua liỹa' llaalqa chaqai saua llaale.

¹⁴ Ca' quesá'ogue, ca' ỹovi' novecientos diez ñaxari quiyim nca'leetauec. Ca co'na' ỹovite' sauajo ñaxari, ca' ileu.

¹⁵ Ca' so Mahalaleel ỹovito'o' saua sesenta y cinco ñaxari co'na' ne'qaañi so llaalec Jared.

¹⁶ Ca co'na' ime dajo, ca' so Mahalaleel ñaqai queuguilo saua liỹa' ochocientos treinta ñaxari quiyim nca'leetauec. Ca 'vio' saua liỹa' llaalqa chaqai saua llaale.

¹⁷ Ca' quesá'ogue, ca ỹovi' ochocientos noventa y cinco ñaxari quiyim nca'leetauec. Ca co'na' ỹovite' sauajo ñaxari, ca' ileu.

¹⁸ Ca' so Jared ỹovito'o' saua ciento sesenta y dos ñaxari co'na' ne'qaañi so llaalec Enoc.

¹⁹ Ca co'na' ime dajo, ca' so Jared ñaqai queuguilo saua liỹa' ochocientos ñaxari quiyim nca'leetauec. Ca 'vio' saua liỹa' llaalqa chaqai saua llaale.

²⁰ Ca' quesá'ogue, ca ỹovi' novecientos sesenta y dos ñaxari quiyim nca'leetauec. Ca co'na' ỹomate' sauajo ñaxari, ca ileu.

²¹ So Enoc ỹovito'o' saua sesenta y cinco ñaxari co'na' ne'qaañi so llaalec Matusalén.

²² Qam so Enoc quejlgoto nauá'maq lelaataxanaxaco ñi qota'olec. Ca co'na' ime ne'qaañi so llaalec Matusalén, ca' so Enoc ñaqai queuguilo saua trescientos ñaxari liỹa' quiyim nca'leetauec. Ca 'vii saua liỹa' llaalqa chaqai saua llaale.

²³ Ca' quesá'ogue, ca ỹovi' trescientos sesenta y cinco ñaxari quiyim nca'leetauec.

²⁴ Qam ma' so Enoc quejlgoto naua laqataxaco ñi qota'olec, ca 'uo' ca na'xa'a, ca' có, qaỹo'uaatetac, ma' qai'xato' na'le quiñi qota'olec.

²⁵ Ca' so Matusalén ỹovito'o' saua ciento ochenta y siete ñaxari co'na' ne'qaañi so llaalec Lamec.

²⁶ Ca co'na' ime dajo, ca' so Matusalén ñaqai queuguilo saua liỹa' setecientos ochenta y dos ñaxari quiyim nca'leetauec. Ca 'vio' saua liỹa' llaalqa chaqai saua llaale.

²⁷ Ca' quesá'ogue, ca ỹovi' novecientos sesenta y nueve ñaxari quiyim nca'leetauec. Ca co'na' ime' sauajo ñaxari, ca' ileu.

²⁸ Ca' so Lamec ỹovito'o' saua ciento ochenta y dos ñaxari co'na' ne'qaañi so llaalec,

²⁹ ca ỹanco' leenaxat Noé. Ma' 'naaco': Ñi qara'gaxala' huaalec nqai'en da se no'uen na 'laua. Ca' ỹaatqajam resalli nqai'en da qaro'ueenataxanaxac quiyim so'ueetaq na 'laua. Qam najo noctoqui' ỹo'uet ma'le quiyim ñco'mataxauec.

³⁰ Ca co'na' ime ne'qaañi so Noé, ca' so Lamec ñaqai queuguilo saua liỹa' quinientos noventa y cinco ñaxari quiyim nca'leetauec. Ca 'vio' saua liỹa' llaalqa chaqai saua llaale.

³¹ Ca' quesá'ogue, ca' ỹovi' setecientos setenta y siete ñaxari quiyim nca'leetauec. Ca co'na' ỹovite' sauajo ñaxari, ca' ileu.

³² Ca' so Noé mashic ỹovito'o' saua quinientos ñaxari co'na' ne'qa'iñi saua llaalqa: Sem, Cam chaqai so Jafet.