Tingtoeng 150 - Matu Bible

Hallelujah

¹ BOEIPA te thangthen uh. A hmuencim ah Pathen te thangthen uh. Amah kah sarhi bangyai ah amah te thangthen uh.

² Amah kah thayung thamal dongah amah te thangthen uh. A boeilennah a khawk dongah amah te thangthen uh.

³ Amah te Tuki ol neh thangthen uh. Amah te thangpa rhotoeng neh thangthen uh.

⁴ Amah te kamrhing neh lamnah neh thangthen uh. Amah te rhui neh phavi neh thangthen uh.

⁵ Amah te olthang tlaklak neh thangthen uh. Amah te tamlung tlaklak neh thangthen uh.

⁶ Hiil aka khueh boeih loh BOEIPA thangthen saeh, BOEIPA te thangthen uh.