Baruch 6 - Matu Bible

¹ Jerusalem aw kothaenah neh ngaihmangnah himbai te pit laeh. Pathen taengkah thangpom mueithen te bai yoeyah laeh.

² Pathen lamkah aka loh duengnah himbai te bai laeh, Na lu dongah dungyan thangpomnah rhuisam te khuem laeh.

³ Pathen loh vaan hmui boeih ah na rhuepomnah a tueng sak ni.

⁴ “Duengnah, Rhalmongnah, Pathen Thangpomnah,” tila ming tanglue te Pathen loh m'paek pawn ni.

⁵ Jerusalem aw tho laeh, Hmuen sang ah pai lamtah khcuk he dan laeh. Na ca rhoek tah khocuk khotlak lamkah tingtun coeng ke, A Cim Pathen kah ol van bangla, Pathen loh amih a thoelh dongah omngaih laeh.

⁶ Amih te rhal loh a khuen tih, a khotling la cet uh coeng dae, Pathen loh nang taengla koep hang khuen ni, boei ngolkhoel dongkah bangla thangpomnah neh a khueh.

⁷ Pathen loh tlang sang boeih neh, dungyan molmae te khaw hlak hamla. Solong te boeih hnil tih, lairhi ah vandaep om sak ol a paek coeng. Te daengah ni Israel te Pathen kah thangpomnah khuiah sading la a caeh thai pai eh.

⁸ Thing neh botui thing boeih khaw, Pathen olpaek bangla Israel te hlipdah saeh.

⁹ Pathen loh Israel te omngaihnah neh, thangpomnah khosae then ah, Amah taeng lamkah duengnah, sitlohnah neh a mawt pawn ni.