NDANIELI 11 - Mbivilia

¹ Nakwa nyie, mwaka wa mbee wa kũsumbĩka kwa Ndalio Mũmeti, naũngama kũmũlũlũmĩlya na kũmwĩkĩa vinya.

Mũsumbĩ wa ngalĩ ya ĩtheo na mũsumbĩ wa ngalĩ ya ĩũlũ

² Na yu nĩngũkwon’ya ũla w’o. Sisya, makaũngama ĩtina asumbĩ atatũ kũu Velisia; na ũla wa kana akeethĩwa na ũthwii mwingĩ kũvĩta angĩ onthe: nake aya vinya kwondũ wa ũthwii wake, akaingĩanĩsya onthe mokite na ũsumbĩ wa Ngiliki.

³ Na mũsumbĩ wĩ vinya akaũngama, ũla wĩsumbĩka na ũsumbĩko mũnene, na kwĩka kwĩanana na kwenda kwake.

⁴ Na yĩla wĩũngama, ũsumbĩ wake ũkatilĩkana na ũkaaanw’a kwa iseve inya sya ĩtu, o na ti kwa mosyaanĩo make, o na ti kũatĩĩa ũsumbĩko wake ũla wasumbĩkĩte; nũndũ ũsumbĩ wake ũkakũwa, o na kwondũ wa angĩ eka asu.

⁵ Na mũsumbĩ wa ngalĩ ya ĩtheo akeethĩwa na vinya, na ũmwe wa anene make me mbee ũsumbĩnĩ; nake akeethĩwa na vinya kũmũvĩtũka, na akeethĩwa na ũsumbĩko; ũsumbĩko wake ũkeethĩwa wĩ ũsumbĩko mũnene.

⁶ Na mũminũkĩlyo wa myaka makalũman’ya; na mwĩĩtu wa mũsumbĩ wa ngalĩ ya ĩtheo akooka kwa mũsumbĩ wa ngalĩ ya ĩũlũ kwĩw’ana nake: ĩndĩ mwĩĩtu ndakaendeea na vinya wa kw’oko kwake; o na mũsumbĩ ndakaũngama, o na kw’oko kwake; ĩndĩ ũla mwĩĩtu akavetwa, o na ala mamũetie, o na ũla wamũsyaie, o na ũla wamwĩkĩie vinya mavinda asu.

⁷ Ĩndĩ kuma nthongoonĩ ya mĩi yake ũmwe akaũngama vandũ vake, ũla wĩũka na ita, na akalika ngomenĩ ya mũsumbĩ wa ngalĩ ya ĩũlũ, nake akameka maũndũ, na kũkĩlya vinya.

⁸ O na ngai syoo, vamwe na mĩvw’anano yoo ya syĩndũ itwekethetw’e, na mĩio yoo yĩ vata mũno ya vetha na thaavu, akatava atwae Misili; nake akaekana na mũsumbĩ wa ngalĩ ya ĩũlũ myaka ĩmwe.

⁹ Nake akalika ũsumbĩkonĩ wa mũsumbĩ wa ngalĩ ya ĩtheo, ĩndĩ akasyoka nthĩ yake mwene.

¹⁰ Na ana make makokita, na makoomban’ya wingĩ wa nguthu ila nene, ala meũka mateũtĩa, na kusũa, na kũvĩta mũkuthũ; namo makasyoka na kũkita, o na kũvika ngomenĩ yake.

¹¹ Na mũsumbĩ wa ngalĩ ya ĩtheo akakwatwa nĩ ũthatu, na akaumaala na kũkita nake, o mũsumbĩ ũsu wa ngalĩ ya ĩũlũ; nake akaumya nguthu nene, na ĩla nguthu ĩkanenganwe kw’okonĩ kwake.

¹² Na amina ũkũa ĩla nguthu, ngoo yake ĩkookĩlw’a; na akavalũkya ngili makũmi, ĩndĩ ndakakĩlya vinya.

¹³ Na mũsumbĩ wa ngalĩ ya ĩũlũ akasyoka, na akaumya nguthu nene kwĩ ĩla ya mbee; na akooka mũminũkĩlyonĩ wa mavinda, no myaka, e na ita nene na ũthwii mwingĩ.

¹⁴ Na mavindanĩ asu aingĩ makaũngama kũsiĩĩa mũsumbĩ wa ngalĩ ya ĩtheo: na ĩngĩ ana ma ang’endu katĩ wa andũ maku makeeyũkĩlya kũlũlũmĩlya ũla woni; ĩndĩ makavalũka.

¹⁵ Na ĩndĩ mũsumbĩ wa ngalĩ ya ĩũlũ akooka, na kũmba kĩvumbu, na kwosa ndũa mbiie nesa: o na okiti ma ngalĩ ya ĩtheo maikakĩlya vinya, o na andũ anyuve make, o na kũikethĩwa vinya wa kũkĩlya.

¹⁶ Ĩndĩ we ũla wũkĩte kũkita nake akeeka kwĩanana na kwenda kwake mwene, o na vati ũkaũngama mbee wake; nake akaũngama ĩla nthĩ nzeo, na kw’okonĩ kwake vakeethĩwa wanangĩko.

¹⁷ Na akeelekelya ũthyũ wake kũka na vinya wa ũsumbĩ wake w’onthe, na e na maũndũ ma ũlũngalu; nake akeeka ũu: nake akamũnenga mwĩĩtu wa aka, kũmwananga; ĩndĩ ndakaũngama, o na kwĩthĩwa ngalĩ yake.

¹⁸ Ĩtina wa ũu akathyũũa ũthyũ wake elekele ithama, na akoosa nyingĩ: ĩndĩ mũnene ũmwe wĩ mbee ũsumbĩnĩ akatuma kĩvũthya kĩla kyaetiwe nĩ ũsu kĩthela; ĩĩ, na ĩngĩ, akatuma kĩvũthya kyake kĩmũsyokea mwene.

¹⁹ Nĩvo ĩndĩ ũkathyũũa ũthyũ wake elekele ngome sya nthĩ yake mwene; ĩndĩ akatũlw’a na kũvalũka, na ndakoneka.

²⁰ Nĩvo ĩndĩ ũmwe ũkaũngama vandũ vake ũla ũkavĩtĩlya mumya wa koti ndaĩanĩ ya ũsumbĩ; ĩndĩ ĩvinda ya matukũ mavũthũ akaanangĩka, ti kwondũ wa ũthatu, o na ti kwondũ wa kaũ.

²¹ Na vandũ vake mũndũ mũvũthye akaũngama, ũtaanengwa nĩmo ndaĩa ya ũsumbĩ: ĩndĩ akooka ĩvinda ya mũuo, na akoosa ũsumbĩ kwondũ wa kũkathĩĩanga.

²² Na nguthu ila ikĩlasya vinya ikakĩlw’a vinya mũno nĩwe, na ikatũlĩka; ĩĩ, o na mũnene wa ũtianĩo nake.

²³ Na ĩtina wa kũseũvya wĩw’ano nake akeeka na ũkengani; nũndũ akambata na andũ avũthũ, na akeethĩwa na vinya.

²⁴ Ĩvinda ya mũuo akooka o na kũvika kũla kũnou mbee kwa kĩlungu kyu kĩnene kya nthĩ; nake akeeka ũla aaĩthe make mataaĩka, o na aaĩthe ma aaĩthe make; akamaaan’ya syĩndũ sya mbuta, na mũtavo, na ũthwii: ĩĩ, akasũanĩa kwĩka ngome syĩ vinya maũndũ, kũvika ĩvinda.

²⁵ Nake akakan’ya ũtonyi wake na ũnyiau wake elekele mũsumbĩ wa ngalĩ ya ĩtheo e na ita nene; nake mũsumbĩ wa ngalĩ ya ĩtheo akokita kaũ e na ita nene mũno, syĩ vinya; ĩndĩ ndakaũngama; nũndũ makamũsũanĩĩa maũndũ.

²⁶ Ĩĩ, ala maĩsaa kya ũya kyake kĩseo makamwananga, na ita syake ikausũa itivũke; na aingĩ makavalũka me oae.

²⁷ Na ũndũ wa asumbĩ asu elĩ, ngoo syoo ikeethĩwa sya kwĩka ũthũku, nao makaneena movũngũ me mesanĩ ĩmwe: ĩndĩ ndũkaathimĩka; nũndũ mũminũkĩlyo ũkeethĩwa wĩ o wa ĩvinda yĩla yatwiwe.

²⁸ Nĩvo ĩndĩ ũkasyoka nthĩ yake na ũthwii mwingĩ; na ngoo yake ĩkeethĩwa yĩ na kĩmena na ũtianĩo mũtheu; na akeeka kwenda kwake, na kũsyoka nthĩ yake mwene.

²⁹ Ĩvinda yĩla yatwiwe akasyoka, na kũvika ngalĩ ya ĩtheo; ĩndĩ ndũkethĩwa ĩvinda ya mũminũkĩlyo o tondũ weethĩiwe ĩvinda ya mbee.

³⁰ Nũndũ ngalawa sya Kitimu nikoka kwake; nũndũ wa ũu akeew’ĩthw’a woo, na akasyoka, na akathilĩkĩa ũtianĩo mũtheu, na akeeka kwenda kwake: o na akasyoka, na kwĩthukĩĩsya ala matiĩte ũtianĩo mũtheu.

³¹ Na okiti makaũngama ngalĩ yake, nao makavukya vala vandũ vatheu, o na ngome, na makaveta nthembo ya kũvĩvw’a ĩtatw’ĩkanaa, na makaũngamya ũthatyo ũla wanangaa.

³² Na ala mekaa ũtianĩo naĩ akamasya na ndeto sya kũkathĩĩanga; ĩndĩ ala mesĩ Ngai woo makeethĩwa na vinya, na makeeka maũndũ manene.

³³ Na ala me na ũĩ andũnĩ makamanyĩsya aingĩ; ĩndĩ makavalũkw’a mĩthenya mingĩ na ũvyũ na mwaki, na kũtavwa na kũvutwa.

³⁴ Na ĩndĩ yĩla mevalũka, makatetheew’a na ũtethyo mũnini; ĩndĩ aingĩ makalũman’ya nao na ndeto sya kũkathĩĩana.

³⁵ Na amwe ma ala oĩ makavalũka, matheethw’e, na kũthew’a, na kweũvw’a, o kũvika ĩvinda ya mũminũkĩlyo; nũndũ nĩ wa o yĩla ĩvinda yĩtw’ĩtwe.

³⁶ Na mũsumbĩ akeeka kwĩanana na kwenda kwake; na akeetũlya, na kwĩnenevya ĩũlũ wa kĩla ngai, na akaneenea Ngai wa ngai maũndũ ma kũseng’ya; nake akaunĩka kũvika ũthilĩku wĩanĩw’e; nũndũ ũla watwiwe ũkeekwa.

³⁷ O na ndakona ngai sya aaĩthe make ta kĩndũ, o na kwenda kwa aka, kana kwona ngai o na yĩva ta kĩndũ; nũndũ akeenenevya ĩũlũ wa syonthe.

³⁸ Ĩndĩ vandũ vake akataĩa ngai ya i ngome; na ngai ĩla aaĩthe make matamĩsĩ akataĩa na thaavu, na vetha, na tũvila twĩ thooa mũnene na syĩndũ sya kwendeesya.

³⁹ Na akatwaatwaana na ngome ila syĩ vinya mbee kwondũ wa ũtethyo wa ngai ngeni: o ũla wĩmwĩtĩkĩla akamwongela ndaĩa; na akamasumbĩkĩthya aingĩ, na akaaan’ya nthĩ kwondũ wa ĩtuvi.

⁴⁰ Na ĩvinda ya mũminũkĩlyo mũsumbĩ wa ngalĩ ya ĩtheo nũkakĩlan’ya vinya nake; na mũsumbĩ wa ngalĩ ya ĩũlũ nũkoka ta kĩlingi okite nake, e na makasya ma kaũ, na ala matũlĩte mbalasi, na ngalawa nyingĩ; nake nũkavota nthĩ isu, na kusũa na kũvĩtĩla mũkuthũ.

⁴¹ Nake nũkavota ĩ nthĩ nzeo, na nthĩ nyingĩ nikakũlumanw’a; ĩndĩ ii nikatangĩĩwa kuma kw’okonĩ kwake: Etomu, na Moavi, na ala me mbee ma ana ma Amimoni.

⁴² Na ĩngĩ nũkatambũũkya kw’oko kwake ĩũlũ wa i nthĩ; na nthĩ ya Misili ndĩkavonoka.

⁴³ Ĩndĩ nũkethĩwa na ũtonyi mothwiinĩ maie ma thaavu na ma vetha, na syĩndũnĩ syonthe syĩ vata sya Misili; na Alivia na Aethiovia nĩmakethĩwa makĩmũatĩĩa.

⁴⁴ Ĩndĩ maũvoo ala makauma wumĩlonĩ wa syũa na ala makauma ngalĩ ya ĩũlũ nĩmakamũthĩn’ya; nake nũkauma athi na ũthilĩku mũnene kwananga na kũmaveta vyũ aingĩ.

⁴⁵ Na nũkamba maeema ma nyũmba yake nene mbanakavye katĩ wa ũkanga na kĩla kĩĩma kĩseo kĩtheu; ĩndĩ nũkavika mũminũkĩlyo wake, na vati ũmwe ũkamũtethya.