Esdras 2 - Maayong Balita nga Biblia (2012)

Ang Lista sang mga Nagbalik halin sa Pagkabihag

¹ Madamo sang mga bihag ang naghalin sa probinsya sang Babilonia kag nagbalik sa Jerusalem kag sa Juda, ang tagsatagsa sa iya kaugalingon nga banwa. Ang ila mga panimalay nag-estar subong bihag sa Babilonia halin pa sang si Haring Nabucodonosor nagdala sa ila didto subong mga binilanggo.

² Ang ila mga pangulo amo sanday Zorobabel, Jesua, Nehemias, Seraya, Reelaya, Mardoqueo, Bilsan, Mispar, Bigvai, Rehum, kag Baana. Amo ini ang lista sang mga kabarangayan sang Israel, lakip ang kadamuon sang tagsa ka barangay nga nagbalik gikan sa pagkabihag:

^3-20 Paros – 2,172 Sefatias – 372 Ara – 775 Pahat-moab nga mga kaliwat ni Jesua kag ni Joab – 2,812 Elam – 1,254 Zatu – 945 Zacai – 760 Bani – 642 Bebai – 623 Azgad – 1,222 Adonikam – 666 Bigvai – 2,056 Adin – 454 Ater nga ginatawag man Ezequias – 98 Bezai – 323 Jora – 112 Hasum – 223 Gibar – 95

^21-35 Ang mga tawo nga ang ila mga katigulangan nag-estar sa sini nga masunod nga mga banwa nagbalik man: Betlehem – 123 Netofa – 56 Anatot – 128 Azmavet – 42 Kiryat-jearim, Kefira, kag Beerot – 743 Rama kag Geba – 621 Mikmas – 122 Betel kag Ay – 223 Nebo – 52 Magbis – 156 Ang isa pa ka Elam – 1,254 Harim – 320 Lod, Hadid, kag Ono – 725 Jerico – 345 Senaa – 3,630

^36-39 Amo ini ang lista sang mga kabarangayan sang mga pari nga nagbalik halin sa pagkabihag: Jedaya nga kaliwat ni Jesua – 973 Imer – 1,052 Pasur – 1,247 Harim – 1,017

^40-42 Ang mga kabarangayan sang mga Levita nga nagbalik halin sa pagkabihag: Jesua kag Kadmiel, mga kaliwat ni Odabias – 74 Mga musikero sa templo, mga kaliwat ni Asaf – 128 Mga gwardya sa templo, mga kaliwat ni Sallum, Ater, Talmon, Akub, Hatita, kag ni Sobai – 139

^43-54 Ang mga kabarangayan sang mga manug-obra sa Templo nga nagbalik halin sa pagkabihag: Ziha, Hasufa, Tabaot, Keros, Siaha, Padon, Lebana, Hagaba, Akub, Hagab, Samlai, Hanan, Gidel, Gahar, Reaya, Rezin, Nekoda, Gazam, Uza, Pasea, Besai, Asna, Meunim, Nefisim, Bakbuk, Hakufa, Harhur, Bazlut, Mehida, Harsa, Barkos, Sisera, Tema, Nezia, kag Hatifa

^55-57 Ang mga kabarangayan sang mga alagad ni Solomon nga nagbalik halin sa pagkabihag: Sotai, Hasoferet, Peruda, Jaala, Darkon, Gidel, Sefatias, Hatil, Poqueret Hazebaim, kag Ami

⁵⁸ Ang bug-os nga kadamuon sang mga kaliwat sang mga manug-obra sa Templo kag sang mga alagad ni Solomon nga nagbalik halin sa pagkabihag naglambot sa 392.

^59-60 May 652 nga gikan sa mga kabarangayan ni Delaya, Tobias, kag ni Nekoda nga nagbalik halin sa mga banwa sang Tel-mela, Tel-harsa, Querub, Adan, kag Imer, pero indi sila makapamatuod nga sila mga kaliwat sang mga Israelinhon.

^61-62 Amo ini ang masunod nga mga kabarangayan sang mga pari nga wala makakita sang lista nga makapamatuod sang ila ginhalinan: Habaya, Hakoz, kag Barsilai. (Ang kaliwat sang kabarangayan nga pari ni Barsilai nakapangasawa sang isa ka babayi gikan sa kabarangayan ni Barsilai sang Galaad kag gindala niya ang ngalan sang barangay sang iya ugangan.) Tungod kay indi sila makapamatuod kon sin-o ang ila mga katigulangan, wala sila pagbatuna subong mga pari.

⁶³ Ang gobernador nga Judio nagsiling sa ila nga indi sila makakaon sang kalan-on nga ginhalad sa Dios tubtob may isa ka pari nga makagamit sang Urim kag Tumim.

^64-67 Ang bug-os nga kadamuon sang mga bihag nga nagbalik – 42,360 Ang ila mga alagad nga lalaki kag babayi – 7,337 Mga musikero nga lalaki kag babayi – 200 Mga kabayo – 736 Mga mula – 245 Mga kamelyo – 435 Mga asno – 6,720

⁶⁸ Sang pag-abot sang mga bihag sa Templo sang Ginoo sa Jerusalem, ang iban sang mga pangulo sang mga kabarangayan naghatag sang dulot nga kinabubot-on sa pagbulig patindog liwat sang Templo sa iya daan nga ginhamtangan.

⁶⁹ Naghatag sila sang ila masarangan para sa pag-obra, kag ang kabilogan naglambot sa 1,030 ka libra nga bulawan, 5,740 ka libra nga pilak, kag 100 ka panid nga sutana para sa mga pari.

⁷⁰ Ang mga pari, ang mga Levita, kag ang iban sang mga tawo nag-estar sa sulod ukon malapit sa Jerusalem; ang mga musikero, mga gwardya sa Templo, kag ang mga manug-obra sa Templo nag-estar sa malapit nga mga banwa; kag ang nabilin sang mga Israelinhon nag-estar sa mga banwa nga gin-estaran sang ila mga katigulangan sang una.