Yaɓooda 50 - BIBLE MBAÏ 1980

¹ Jojep so kï takum bøwïnt, nõ kïdøat, na hø kuya kï ront.

² Jojep ndamber døktorg ngékïlaþerg lon kad kï wurïn nin bøwïn kï kî køg nin ndum. Døktorg tø wurïn Israel kï kî.

³ Ðan mbã ndø døsøø, kïta titbe la i ndø wur nin de kï kî ye. Ejiptiag nõna ndø døtanãimïta.

⁴ Lon ndø høndo tøi oi ye, Jojep elta kï ngékïþe lo Paraõ, an: Îla m'ngah maj takumsït a ne, m'køsï kad elïn ta kï mbi Paraõt anan:

⁵ bøwïm adïm m'nda yo an: Oo m'to m'oi Kam bulot lom'n murr kam døning Kanaat, nu nõ la a i duwïmt ye. Tajigla m'køi kï i nyam ad m'aw m'duw bøwïm, na m'a m'tel.

⁶ Paraõ el an: Aw, i duw bøwi kïgo yot'n ad i nda.

⁷ Jojep aw kïta duw bøwïn. Þerg lo Paraõ tube, kï bïradøg kï kuju loa, kï bïradøg tube kï døning Ejipt,

⁸ kï ngékïþe lo Jojep, tube kï ngankõa kï ngékïþe lo bøwa tube awïn nat sia: Na nyan ngandg kïdu, kï þut batg lod kï þut mangg lod koon kam døning Gosent.

⁹ Pusïg kï ngékal sïndag awïn nat sia i koosïg kï toþool.

¹⁰ Ðen gar ndah nyakot lo Atad kï gid bah Jurdët. Nu la gan guud kï nõ kï kamkil. Jojep ad høn ndo bøwïn ndø tanãimïta.

¹¹ Lon ngendï døning Kanaat oon høndo'n non dø gar ndah nyakot lo Atad ye, elïn anan: Oon høndo kïngãi lo Ejiptiag Kïtø 'nten la, kunïn ne tø lo'n non høndo lo Ejiptiag kï gid bah Jurdët.

¹² Titbe la ngan Jakob ðan ne kï bøwd kïgo tat'n bøwd ndad mbera.

¹³ Nganag unïn na awïn sia døning Kanaat, duwïna kam bulombalt kïkam ndøøt lo Makpela, în Abraham ndugo ji Epront kï Hetia, nyakagþet, kad i lo duw ngékoig, kï i nõ Mamret.

¹⁴ Lon Jojep duw bøwïn oi ye, tel kï døning Ejipt't nat kï ngankõn kï tubeg'n awïn sia kad duw bøwïn. Jojep søl kam ngankõn.

Go koi Jakobt

¹⁵ Lon ngankõ Jojep oon kad bøwd oi ye, elïn anan: Maj a ne, Jojep a øsïd ta, na a tel bad majal tube'n n'ðan sia.

¹⁶ Lan kïla ro Jojept, anan: Bøwi ndamber kete nõ koint an:

¹⁷ a elïn Jojep titbe: I nyàgo tøidøtag lo ngankõig kï majalg lod kø kïta ðan sei rnajal Tajigla kï køi, i nyàgo tøidøta lo þerg lo Luwah lo bøwi kø. Lon Jojep oo dø tag'n non ye, nõ.

¹⁸ Kamla ngankõa kïdød aw son kïnõat, elïna anan: Oo jî þerg loi.

¹⁹ Jojep eld an: Ot þoolïn, mî ye m'ga goot Luwah a?

²⁰ Îng, øjïn ta kamsït kad i ðamïn majal, na køjta lo Luwah ad maj tee kamt, kïtakad ajïn deg ngãibe kad ndïn kï død dõ, tit'n hã în ne þone.

²¹ Kïtø 'nten, ot þoolïn, m'a m'oo goosï kï ngansï. Titbe la eldïn ta soolïn kamd ye.

Koi Jojep

²² Jojep ndï Ejipt, în kï ngékïþe lo bøwïn: Þal ndï kï dø dõ lo Jojep i þu kïkïlah.

²³ Jojep oo ngan Epraim mbã kï ngaka kï ngékõmïta, ngan Makïr ngon Manase tø oojïnd ndand dø bing Jojept.

²⁴ Jojep el ngankõn an: M'to m'oi, na rota Luwah a ðe rosït, a tee sesï kam døningt 'nten kø, kï n'aw sesï kï døningt'n unïn kø'n kï yo kï nda yo ad Abraham kï Isaak kï Jakob.

²⁵ Kamla Jojep ad ngan Israel ndan yo adïna, an: Rota, Luwah a ðe rosït, na a unïn kïngam në be awïn ne nu.

²⁶ Jojep oi. Þala i þu kïkïlah. Wurïna kï kî køg nin ndum, lana kes nint kam døning Ejipt't.