Maktub'n Pol ndang ad Tit 3 - BIBLE MBAÏ 1980

Ðob nyaða lo ngétaata lo Krist

¹ Ad kam ngékawnag gah døt kad lan død girr tøgt lo ngarg kï ngékõþeg. Maj kad telïn rod gotat lod, kad ðan go rod woi kïta kïla kïmaj tube.

² Eld kad elïn ta kïmajal dø det mad al. Kad în ngésahta al, kad în deg kï sølïn lomlom ho, kï øjïn hal kï sayelïl kïtaagbe ro degt tube ho.

³ Kïtø jî kïþe kïdøj, maði jî deg kï kurdøj woi, jî ngétel roj go tat al, jî deg kï kud mut, jî þerg lo nyurkõg kïmajal kï koomajrog kïdangdang, kï ndï kï døj dõ kam ndángt, kï jang kï deg, jî nyakøsïta kokïro degt, na jî kaa, j'øsï ta deg ho.

⁴ Na lon Luwah Ngekaj'j tee kï kamkë kï tar lon høi kï ro degt ye,

⁵ aj'j. I kïtakul nyaðaj kïdenesew hã aj'jïn al, na i kïta ðamaj loa, kïtakul man baptem lo koojt kij, teljïn kï kijt kïtakul Ndil kïkunjðang.

⁶ Kïtø Luwah ü Ndil kï Kunjðang døjt kï nõbe kïtakul Jeju Krist Ngekaj'j.

⁷ Kïtø kørr'n ørr ta døjt kïtakul kamkë lo Jeju Krist la j'asïn ta ngah kumkajir kï mbãkïnõt'n kï nda kamj døt.

⁸ Ta 'nten i ta kï jeje. M'ndig kad i høndoo deg nyag 'nten kï tøg kïtakad ngétaata lo Luwah oon maj kad høn go ða kïlag kïmaj. Nyag 'nten în kïmaj; majd tot kïta deg.

⁹ Maj kad i gong tag kï ndïje kïgo lo þoodt kï kørr girr kaag, kï gakïnag dø Mberkïndat lo Moij kïta majd goto, în nyag kï kïndang pãbe.

¹⁰ I tuþa de kï ngeþai kï gangnag ku ngékawnat kø, go ndángt kïdasa kï kïkõjoo.

¹¹ I ger, de kï tit'n non tørr jin girr rotat kø, na ndï høða majal høn ron kï ta.

Ta køjg kï døboit

¹² M'a m'la Artemas ke Tirsikï, lon ten roit a ne, i sah tot be kad i ðe i ngah'm kam þet kï Nikopolis. Kïtø m'nda kamt kad m'ndït nu kaglot kï þara.

¹³ I la roi kï nat kad i ða kï Jenas kï ngenaj dø deg kï Apolos tø, dø kaw mbaht lod kad nalïn nya mad al.

¹⁴ Sumba kad deg kï ngétaata lo Krist ndoon ða kïla kïmaj, kïtakad ðan ne kï deg dø nya geegt lod. Ot kad ndïn kï død dõ kari kïkanj ða maj kï deg.

¹⁵ Deg tube'n în nat sem ðain lapia. I ða lapia ngétar loj adj. Kï majkurr lo Luwah i nat sesï.