Maktub'n Pol ndang ad Tit 2 - BIBLE MBAÏ 1980

Ta dø nyandoot kïjaraw

¹ Na î, el nyag'n sumba kad i ndoo deg kam nyandoot kïjaraw.

² El ngahtøgg kad iren rod njirrirr dø nyagt kïmajal tube, kï în deg kï asïn ta køsïgon, kï în ngéhal kïmaj, kï ðanbijir kam kadkam Krist't, kï kam tart, kï kam høtøgbát.

³ El dekïdëg, kï ngahtøgg titbe tø, kad nyaðad i kï sumba lo deg kïjaþat, kad în ngélata kø degt al, kï în þerg lo kasï kï kãi al. Sumba kad în ngéndoo deg nya kïmaj.

⁴ Kad ndoon dekïdë kïdødug kad tarïn ngawdg kï ngandg.

⁵ Sumba kad în ngéhal kïmaj, kï în kï ro kïjanjoi, kad în ngéhø ta þe lod sem, kï în dekïdëg kïro, ngételrod go tat lo ngawdg kad deg elïn takïmal dø tat lo Luwah al.

⁶ Øj basag kad în deg kï ngékumtøg.

⁷ Kam nyagt tube i ndï i daroi nyandajt kam kïlaðaigt kïmaj. Kam nyandoot'n i ndï i ndoo, a i da deg hal kïjaþat kï asï ta køsïgon.

⁸ Kï takeli i kïjaraw kï de asï høi kï ta døt al kïtakad ro madngétaig søldïn, kad oon nya mad kïmajal kï a eljïn ne ta al.

⁹ Øj þerg kad lan død girr tøgt lo ngédg, kad în ngéða nya kï neld kam kïlaðadgt tube, kad în ngémájd ta al,

¹⁰ ke ngékød nya lemlem, na i soot kad în deg kïmaj, kï asïn kad ngédg þan kuld. Kï ðan nyaðakïro kanj nyà ta kïtakad lan ne køsïgon dø nyandoot lo Luwah Ngekaj'j kam nyagt tube.

¹¹ Kïtø Luwah tee kï kamkë lon kï tïga wakïsï kïtakad deg tube ajïn ne.

¹² Kamkë lo Luwah'n non ndï ndooj, kad kï nyàgo nyaða kïgo lo Luwaht al, kï nyurkõg kï duniat kø, kïtakad kï ndïn kï døj dõ kam kaglot'n ðan, kï hal kï søl kï nyaða kïdenesew kïgo lo Luwaht.

¹³ Titbe la kamkë lo Luwah'n non ndï ndooj kad kï ngoon ndø ronel'n kï ndï kï ndah kamj døt, ad i ndø'n Luwah loj kïþe Ngekaj'j Jeju Krist a tee høi kam kunjt kïðangereng.

¹⁴ Jeju Krist ad ron koi kïtatøj kïtakad ban døj kam majalt kï ða tube, ndig kad jî girrdeg kï kar, girrdeg lon, kad kï ðan kïlag kïmaj kï ndøgbe.

¹⁵ Nyag 'nten ye, maj kad i ndáng deg døt kï tøgi, kad awïn kï ketekete kam kadkam Krist't, kad de mad kidi al.