Maktub'n Pol ndang ad Tit 1 - BIBLE MBAÏ 1980

¹ Mî Pol þer lo Luwah kï ngombangkïla lo Jeju Krist, m'ndang maktub 'nten m'ad Tit ngonïm kï jeje kam kadkam Luwaht'n jî døt. Luwah la kïla jimt kad m'la mber ta kï ro degt'n mbed'd kad adïn kamd Luwah. Luwah lam kad m'ad'd gerïn rota kïgo nyandoot loj tø.

² Kïtøkad ngahn ne kam kï ndadø kumkajirt kï mbãkïnõt. Luwah'n a eltakïbal al, un køn adj kete nõ yaþood kaglogt tube an: Na n'adj kumkajir kï mbãkïnõt.

³ Na kaglot'n øj kete woi ye, Luwah tee kï ta lon kï tïga kam tat'n la jimt, na m'ndï m'la mbera kïgo mberkïndat lo Luwah Ngekaj'j.

⁴ Kï Luwah kï Bøw, kï Krist Jeju Ngekaj'j adïn majkurr kï lapia.

Ta dø kïlat'n Pol la ji Tit't kad ða kam þebot kï Kret

⁵ Kïtø nya 'nten la m'nyàin Kret't ye: M'nyai nu kïtakad i ðago ndeg nyag'n i kï ðago al þaitø, kad i ndah kïbog kam ngékawnagt kam þebot kïðen, tit'n m'ndain mbera.

⁶ Maj kad de kï ngekoogo ngékawna i kïkanj ta mad kïgang dønt, i ngedekïdë kïda, kï ngana în ngekadkamd Luwah, kï tød ko kïta ðob nyaðad kïmajal al, ke kïta telrogotat al.

⁷ Ngekoogo ngékawna ndï oo go nyag lo Luwah. Kïtø 'nten sumba kad i kïkanj ta mad kïgang dønt. Sumba kad i ngedøngang al, ke ngekøsï wong rukï, ke ngekãi kasï, ke ngeðøø kï deg al, ke ngeða ta nya kïngah døt kïgootal al.

⁸ Sumba kad i ngeða mbahg, kï ngetar maj kï ða. Sumba kad i ngehal kïmaj, kï ngeða nya kïgoðobat, kï ngejaron þat kad majalt kï ða, kï ngekøg ron ða majal.

⁹ Sumba kad hø go ta kï jeje'n i kïgo nyandoot, kïtakad asï ðan kï deg madg kad awïn kï ketekete kam kadkam Luwaht kïtakul nyandoo kïjaraw, kïtakad høn ngémájtag'n ndï taanðøø rota kï taa,

¹⁰ kïta deg ngãibe în nõ, în ngétel rod go tat al, ndï ndon kum deg kï tag lod kï kari pãbe. Deg kï titbe în ngãibe ku juipgt'n adïn kamd Krist.

¹¹ Kari na, kï i nda ta deg'n non nat kïta ndï tujïn bøw ngon, kï kõ ngon, kï ngan'g tu. Ndï ndoond nya kï sumba kad ndoond al kïtakad'n ngahn ne nar kï goðobat al.

¹² Kï mad ku degt kï Kret, ad i ngendø ndil lod kï køsïdød el an: Deg kï doorlot kï Kret în ngékeltakïbal kïndøgndøg, în tit dãg kï müt kïmajal, în ngengëg, ndan kamd dø nyat mad kïðang al, na dø nyasat kïðabe tã.

¹³ Ta loa'n el nõ i rota, kïta 'nten, i tî roi kat i ndángdïn, kïtakad kadkam lod i kïjaraw.

¹⁴ Kad turïn go sukïdag lo Juipg al, kad telïn rod go mberkïndagt lo deg'n ndï tørrïn jid girr rotat al.

¹⁵ Nyag tube în kï kar kïta deg'n în kï karnyang. Na îgïn yerrïn kï rod ho, ndï mbetïn kadkam Krist ho ye, nya kï kar kïtatød goto, kïta hald, kï ta kï kamdt tu în kïyerr.

¹⁶ Deg kïyerrg'n non ndï elïn kï tïga wakïsï anan: N'gerïn Luwah na kïlaðad i kïmajal. În ngéðanya kïyerr, în ngétel rod go tat al, asï ðan kïla mad kïmaj al.