Teekɨtɨga 40 - BIBLE MBAÏ 1980

Tïlan kujkub ndødna kï Luwah ta nat

¹ Bïraþe el Moij an:

² Ndøt kïdasa lo nah kïdasa i tïla kujkub londï, kujkub ndødna kï Luwah ta nat.

³ A i nda sund najkïma gid kubganglot.

⁴ A i ðe kï table kamt, na a i ndah nyag døt kïgoagoa. A i ðe kï kag lambag, na a i ðago bailambag loa.

⁵ A i nda dïngïr l'ør kïta mbikám nõ sund najkïmat, na a i ga kubkut tabit kand kam kujkub londït dõ.

⁶ A i nda dïngïr kadkari kïlahorrt nõ tabit kand kam kujkub londït, kujkub ndødna kï Luwah.

⁷ A i nda baigirr kut gid njat mbïna kujkub ndødnat kï Luwah kï dïngïr kadkari, a urr man tit.

⁸ A i tïla palkubg nyag tube ta nat gugïn dø natlo. A i ga kubkut lo kand kam natlot dõ.

⁹ A i un yib kurdøt urïn kujkub londï kï nyag kïkamt tube. A i ndaha køtko kïða kï nyag tube kïkamt, kad i kïjaþat

¹⁰ A i wur yib dingïr kadkari kïlahorrt kï nyaðakïlaag tube. A i ndaha køtko kïða, na dïngïr kadkari a i kïjaþat kïtaitøi.

¹¹ A wur yib bai girr kutg ho, a i telan kïjaþat't.

¹² A i ðe kï Aarõ kï ngana ta tabit kand kam kujkub ndødnat kï Luwah, na a i ndogd man.

¹³ A i la kubg kïjaþat ro Aarõt, a i wura yib, a i ndaha køtko kïða kïtakad ða kïlaþer adïm kam kïla jamosïkadkarit.

¹⁴ A i ðe kï ngana, na a i la kubg rodt.

¹⁵ A i wurd yib tit'n urïn bøwd kïtakad ðan kïlaþer admïn kam kïla jamosïkadkarit Kur yib'n non a ad'd kïla jamosïkadkari mbãkïnõt kï ngakat kï ngaka.

Moij ad ndan dïngïr kadkari

¹⁶ Moij ða titbe kïgo nyagt tube'n Bïraþe ndaa mbera, titbe la ðan ye.

¹⁷ Taa ne, kam naht kïdasa lo þal kïkõjoo, ndøt kïdasa, tïlan kujkub londï ta nat.

¹⁸ Moij tïla kujkub londï ta nat, ndah nyahøag ber, na øsï barkag loa dõ, la kag kïngalg tit, na øsï pilieg kïdõ.

¹⁹ Ga kub kutdø kuj londï dõ, na la nyakutdø kujkub'n non dõ døt, tit'n Bïraþe ndan mbera Moij.

²⁰ Kamla un bar mbalg najkïma kïndang nya døt, ndaha kam sundt, la kag kïngalg kad sund, na ndah nyakutdø dø sund.

²¹ Un sund ðen kam kujkub londït, na ga kub ganglo dõ utïn sund najkïma kï keme tit'n Bïraþe ndan mbera Moij.

²² Nda table kam kujkub ndødnat kï Luwah kad kujkub londï ko þodo nõ kubganglot.

²³ Nda bïnã kï løi kï njøra njøra døt nõ Bïraþet, tit'n Bïraþe ndan mbera Moij.

²⁴ Nda kaglambag kam kujkub ndødnat kï Luwah sumba nõ table sew, kad kujkub londï ko døø.

²⁵ La horr bailambag nõ Bïraþet, tit'n Bïraþe ndan mbera Moij.

²⁶ Nda dïngïr l'ør kam kujkub ndødnat kï Luwah nõ kubganglot.

²⁷ La horr mbikám kï ða kï nõkagg kïkootmbî, tit'n Bïraþe ndan mbera Moij.

²⁸ Ga kubkut tabit kand kam kujkub londït dõ.

²⁹ Nda dïngïr kadkari kïlahorrt nõ tabit kand kam kujkub ndødnat kï Luwah, na la kadkari kïlahorrt døt kï kadkari nduj ko tit'n Bïraþe nda'n mbera Moij.

³⁰ Nda bainja mbïna kujkub ndødnat kï Luwah kï dïngïr kadkari, urr man kamt kïta tugo ro.

³¹ Moij kï Aarõ kï ngana awïn ta bai girrkut't nõ, tugon jid kï njad.

³² Lon a andïn kam kujkub ndødnat kï Luwah a ndøtïn kïkad dïngïr kadkarit ye, a tugon rod tit'n Bïraþe ndan mbera Moij.

³³ Tila palkub lo natlo ta nat gugïn dø kujkub londï kï dingïr kadkari, na ga kubkut tabit kand kam natlot dõ. Titbe la Moij tølïn køn kïla ye.

Kunj Bïraþe kïðangereng unj kam kujkub ndødnat kï Luwah

³⁴ Kilndii ut dø kujkub ndødna kï Luwah, na kunj Bïraþe kïðangereng unj kam kujkub londït kïtaagbe.

³⁵ Moij asï kand kam kujkub ndødnat kï Luwah al kïta kilndii ndïdøt, na kunj Bïraþe kïðangereng unj kam kujkub londï kïtaagbe.

³⁶ Kaglo ndiadt tube, lon kilndii þai dø kujkub londït a ne, ngan Israelg tø a þai awïn,

³⁷ na lon kilndii þai al a ne, în tø a þai awïn al mbã ndøt'n kilndii þai kamtã.

³⁸ Kïtø kilndii lo Bïraþe a ndï dø kujkub londït kàda, na horr a i kamt ndø takum ngékïþe lo Israel tube kaglo ndia mbaht lod tube.