Teekɨtɨga 4 - BIBLE MBAÏ 1980

¹ Moij tur an: A admïn kamd al, a oon ta lom al tø, kïta a elïn anan: Bïraþe tee høi kï romt al.

² Bïraþe ndïjea an: Ði i jiit a? Moij tur an: Kag tøsï.

³ Bïraþe el an: I la ningt Moij la kagtøsï lon ningt, na kagtøsï loa tel li. Moij ãi nõ lit'n non.

⁴ Bïraþe el Moij an: I la jii, i høn þonga Moij la jin høn þonga, na li tel kagtøsï gog kam jiat.

⁵ I kïtakad gerï ne Bïraþe Luwah lo bøwdg, Luwah lo Abraham, Luwah lo Isaak, Luwah lo Jakob'n tee høi kï roit.

⁶ Bïraþe ela gog tø an: I nda ji kadit. Moij nda jin kadïnt, kamla ørr jin. Lon un jin a ne, banj ü jiat ad jia ørr nda bung tit bul be

⁷ Bïraþe el an: a i la jii kadit gog Moij nda jin kadïnt gog, na lon un jin gog a ne, jia tel to kari tit ndeg roa.

⁸ Luwah el an: A i titbe: Îla adin kamd al a ne, ke oon ndaa nyakøj kïdasa al kaa ne, maja a oon dø ta lo nyakøj kïkõjoo.

⁹ Na îla a adïn kamd nyakøj kïjoo'n non, ke a oon dø ndii al a ne, ød man bah ü ningt, na man bah'n ød ye, a tel mosï døningt.

Luwah køt Aarõ kad ða kïla nat kï Moij

¹⁰ Moij el Bïraþe an: Bïraþe, mî ngegoosï kelta al, ke maði nu, ke tajigla lon elmïn ta mî þer loi, kïta tam øi ngãi ad m'elta ørr warang al.

¹¹ Bïraþe ela an: Nõ ða ta de a? Nõ tel de mbot, ke ngekelta jïkjïk, ke ngekoolo, ke mundo a? I mî Bïraþe ale?

¹² Kïtø 'nten tajigla aw m'a mî nat kï tai, m'a m'ndooi nya'n a el.

¹³ Moij el an: Bïraþe, m'køi kï i la de mad kïðang

¹⁴ Kamla Bïraþe þawong kï Moij, el an: Ngonkõi Aarõ kï i Lebia i nõ ale? M'ger a asï kelta maj. Oo î kïþe ndï ðe kï n'ndødi. Lon a ooi ye, a ða ronel kamïnt.

¹⁵ A ela ta, a i nda tag taat. Mî tø, m'a mî nat kï tai kï taa, na m'a m'ndoosï nya'n a i ðan.

¹⁶ A i ngekelta deg kïtai, a ga goot tai, na î a i ga goot Luwah kïtaa.

¹⁷ A un kag tøsï 'nten jiit, a i ða'n nyakøjg.

Moij tel kïgog døning Ejipt't

¹⁸ Moij tel aw ro mumïn Jetrot, ela an: M'køi kï i nyam adïm m'tel m'aw ro ngankomt'n ndïn døning Ejipt't, kïtakad m'oo ke ndïn kï død dõ kari a? Jetro tur Moij an Aw kï kamkïsokïber

¹⁹ Bïraþe el Moij kam døning Madiãt an: Aw, i tel kï døning Ejipt gog kïta ngesah tøli tube oin kø.

²⁰ Moij øi nën kï nganïn kïdïngã, ndad dø korrot, tel kïgog døning Ejipt't. Un kag tøsï lo Luwah jint.

²¹ Bïraþe el Moij an: Lon a i tel kï døning Ejipt gog ye, oo maj kad i ða nyag kïyaya tube'n m'la jiit nõ Paraõt. Na m'a m'ad kama kongkong, a nya deg ad awïn al.

²² A el Paraõ an: Bïraþe el an: Israel'n i ngonïm, i ngonderïm.

²³ M'eli kad i nya ngonïm ad aw kïtakad ða kïlaþer adïm Na îla i mbet nyàa kad aw a ne, oo maj m'a m'tøl ngonderi kïdïngã.

²⁴ Go kawat, Bïraþe ndød Moij lon hø lot kad'n þit, sah tøla.

²⁵ Kamla Sepora un gaj mbal kï at pepep jan gaj ngonïn kïdïngã na laa nja Moijt, el an: Rota î ngawïm kïtakul mosï.

²⁶ Na Bïraþe nyàa. Kamla Sepora el an: Ngawïm kïtakul mosï kïgo ðob gajkïja.

²⁷ Bïraþe el Aarõ an: Aw kam dïlalot kad i ndød Moij Aarõ aw ndød Moij kad mbalbot lo Luwah, ðaa lapia njuta.

²⁸ Moij el Aarõ tag tube lo Bïraþe'n lan, kï nyakøjg tube'n nda mbera kad ða.

²⁹ Moij kï Aarõ awïn, kawïn kïbog lo Israelag tube kïnat.

³⁰ Aarõ eltag tube'n Bïraþe el Moij, na ða nyakøjg takum degt.

³¹ Deg taan ta loa. Lon oon kad Bïraþe ðe ro Israelagt, oo daiyog lod tø ye, ndïn kï gojd øsïn død ber.