Teekɨtɨga 36 - BIBLE MBAÏ 1980

¹ Betsalel kï Oholiab a ðan kïla nat kï dekïðen kï Bïraþe nda terrkam kï goosï ger girrnya kamat kïta gerïn go ða nyag tube kïta lo kïjaþat kïgo nyagt tube kï Bïraþe nda mbera.

Deg ðen kï nyag ngãi kï tøi loa

² Moij kun Betsalel kï Oholiab kï dekïðen kï ngeterr kï Bïraþe nda terr kamat ad i dekïðen kama ndig kad ðe ða kïla 'nten.

³ În tø tan kadkarig'n non tube ji Moijt kadkarig'n Israelag ðen ne kïta ðan nyag kïta lo kïjaþat. Kisî kïndøgndøg a ðen kï kadkari kamndig roat.

⁴ Kamla ngéterrg tube'n ndï ðan kïla kïta lo kïjaþat ye, dekïðen nya ta kïla'n ndï ða nõ,

⁵ na elïn Moij anan: Deg ndï ðen kï nyag ngãi kï tøi loa kïta ðan kïla'n Bïraþe nda mbera kad ðan.

⁶ Moij el ad lan mber kam lo hølondï tube anan: Kï dekïdïngã ke dekïdë nya kadkari kïta lo kïjaþat. Titbe la øgïn ne deg kad ðen kï nya døt ye.

⁷ Kïtø nyag kï jidt ye, asï kïta ða kïla tube, mbã ndega a nãi.

Ðan kujkub londï

⁸ Deg kï ngéterr kudt ðan kïla kujkub londï kï pal kub kïlah kï ða kï kïllakub lë kïsøllomlom kïþew kï kïkil musïmusï kï kïkïre worwor kï kïkïre pirir, jon þakumta serubg tit kïgo goosï jo kubt.

⁹ Pal kub kïðen ngala i metïr kïlah gidaisøø, na tat pal kub kïðen i metïr joo. Pal kubg'n non tube ngald kï tatd asïn na.

¹⁰ Pal kub mi urïnd kad nat. Pal kub mi kïmadg urïnd kad nat tø.

¹¹ Ðà kum kïllag kïkil musïmusï ta pal kubt kïkurnat kïtïga kïdøboit. Titbe ða ta pal kubt kïmad kïkurnat kïtïga kïdøboit tø.

¹² Ða kum kïla dømi ta pal kubt kïkurnat kïkïða, kamla ða kum kïla dømi ta pal kubt kïmad kïkurnat tø. Kum kïlag'n non sumbã døna.

¹³ Kamla ðan ninga l'ørg dømi, na lan pal kubg kïjoo'n non nat ad kujkub londï i kuj kïða.

¹⁴ Kamla ða pal kubkutdø tø kï bî binyag kïtakad i nyakutdø kujkub londï. Ðan pal kubkutdø asï kïlah gidaikïða.

¹⁵ Kubkutdø kïðen ngala i metïr kïlah gidaimi, na tat pal kubkutdø kïðen i metïr joo. Pal kubkutdø kïkïlah gidaikïða'n non ngald kï tatd asïn na.

¹⁶ Pal kub kutdø kïmi urd nat dang, na pal kubkutdø kïkïbojidet urïn dang tø.

¹⁷ Ðà kum kïla dømi ta pal kubkutdøt kïkurnat kïkïða kïtïga kïdøboit, kï kum kïla dømi ta pal kubt kïmad kï kurnat kïtïga kïdøboit tø.

¹⁸ Ðà ninga kasï dømi kïta lan kujkub ta nat kïtakad i kuj kïða.

¹⁹ Ðà nyakutdø mad kïta kujkub kï ndar bal batg kïnda kol, kï nyakutdø mad kï ndar angg kïkam mant dõ døt tø.

²⁰ Ðan barkag akasiag kïta hø kujkub londï kï dõ.

²¹ Ngal barkag kïðen i metïr mi, na tat barkag kïðen i metïr nusï metïr.

²² Tøsï ta barkag barkag kïðen ad tø joo. Titbe la ðan ne ta barkag tube kïta kujkub londï ye.

²³ Ðan barkag kïta kujkub londï, barkag døjoo kïta kada ko þodot.

²⁴ Pel l'arjã kad i nyahø ta barkag asï døsøø kïta la ta girr barkag kïdøjoo'n non, nyahø i joo girr bart kïða kïta taa kï tø joo, na nyahø joo i girr bart kïmad kïta taa kï tø joo tø.

²⁵ Ðan barg døjoo tø kïta kujkub londï ad i kada kïmad ko døø,

²⁶ kï nyahød l'arjã døsøø, nyahø i jo girr bart kïða, na nyahø i joo girr bart kïmad tø.

²⁷ Ðan bar kïbojidet kïta gid kujkub londï ko lokudkàdt.

²⁸ Ðan barg joo kïta døkum gid kujkub londï kïjoo.

²⁹ Barg'n non în kï la nat joo ber, în kï dø nat kïðabe mbã tee tasomdt, ad i mbã ningat kïdasa, i titbe kïta barg kïjoo'n non, în kïta døkum kïjoo.

³⁰ Barg i jijoo nat kï nyahød kï ða kï l'arjã kïlah gidaikïbojidet, na nyahø i joo girr bart kïðen.

³¹ Tøsïn kag akasia kïngal mi kïta hø barg kïkad kujkub londï kïkïða nat,

³² kï kag kïngal mi kïta hø barkagg kïgid kujkub londï kï lokudkàdt nat tø.

³³ Ðan kag kïngal kï ngawden barat kïta kand bulo taat kïða keme mbã kï taat mad tø.

³⁴ Utïn barkagg'n non kï l'ør, ða ninga l'ørg kïtakad kag kïngalg ton tit, ut kag kïngalg'n non kï l'ør tø.

³⁵ Ðan kubganglo kï kïllakub kïkil musïmusï kï kïkïre worwor kï kïkïre pirir kï lë kïsøllomlom kïþew, jon þakumta serubg tit kïgo goosï joo kubt.

³⁶ Ðan pilie kag akasia søø kïtaa, na utïn død kï l'ør, kongg lod în kï ða kï l'ør, nyë l'arjã ðan nyahød søø.

³⁷ Ðan kubkut tabit kïta lo kand kam kujkubt kï kïllakub kïkil musïmusï kï kïkïre worwor kï kïkïre pirir kï lë kïsøllomlom kïþew kïgo goosï jo kubt.

³⁸ Ðan pilieg mi kï kongg lod, na utïn tasomd kï sordg kï l'ør. Nyahød kïmi în ningakasï.