Teekɨtɨga 33 - BIBLE MBAÏ 1980

Bïraþe mbet kaw sed

¹ Bïraþe el Moij an: Aw, i þai në be în kï deg'n i tee sed kam døning Ejipt't kïtïga, aw sed kam døningt'n m'unïn køm kï yokïnda m'ad Abraham kï Isaak kï Jakob m'an: M'a m'ad kohsï døning'n non.

² M'a m'la malaika nõit, rn'a m'tuþa Kanaag kï Amoriag kï Hetiag kï Perejiag kï Hebiag kï Jebusiag.

³ I þai aw kam døningt'n mba kï tej ãint tit bah be M'a m'aw sesï al, na þeta m'a nujsï kø dø ðobt kïta în deg kï ngéngïra kï gosï.

⁴ Lon deg oon hoita kïmajal'n non ye, høn ndo, de mad kï la nyaparero ront goto.

⁵ Kïtø Bïraþe el Moij kete an: El Israelag titbe, în deg kï ngégïra kï gosï. Îla m'a m'aw sesï dansït kaglo tëbe a ne, m'a m'nujsï kø. Kïtø teen tajigla, ørrïn nyaparero rosït kø na m'a m'oo nya'n m'a m'ða sesï.

⁶ Nõbe kad mbalbo Horebt Israelag ngîn nyaparero rodt.

Kujkub ndødna kï Luwah

⁷ Moij a un kujkub, na tïlaa ta nat tïga gid lo hølondït kïðen kï a teent, sãi kï lo hølondï, na ndah tøa hujkub ndødna kï Luwah. Kamla îgïn a sahn Bïraþe a ne, a tee awïn ta kujkub ndødnat kï Luwah tïga gid lo hølondï.

⁸ Lon Moij a tee kad kï n'aw kam kujkubt ye, deg tube a þain, na dekïðen a ða ta kujkubt lon, a oo go Moij mbã kad andïn kam kujkubt.

⁹ Lon Moij a and kam kujkubt ye, pilie kilndii a ðisï, a ða ta kujkubt, na Bïraþe a elta kï Moij.

¹⁰ Deg tube a oon pilie kilndii kï ða ta kujkubt, na deg tube a þain dõ, a øsïn død ber, dekïðen ta kujkubt lon.

¹¹ Bïraþe a elta Moij takumat, tit'n de a elïn ta kï namïn be. Kamla Moij a tel kïkam lo hølondït gog, na þer loa kïbasa Jojue ngon Nun a tee kam kujkubt kïtïga al.

Moij kø Bïraþe kamla Bïraþe ndia sed tit kïkete be

¹² Moij el Bïraþe an: Oo elïm an: Ørr deg'n ðan ta ðob aw sed, na adïm m'ger în a i laa nat sem al, na î el an: I gerïm kï tøm, m'ngah maj takumit tø.

¹³ Kïtø 'nten tajigla, m'køi, îla m'ngah maj takumit a ne, kï adïm m'ger goðobg loi kïtakad m'geri, na kï m'ngah maj takumit. Oo kad deg'n ðan în deg loi.

¹⁴ Bïraþe el an: Mî kïdøm, m'a m'aw nat sei, na m'a m'ad i taakò.

¹⁵ Moij ela an: Îla î kïdøi a aw sem al a ne, ot kad kï þai në be

¹⁶ Titbãi a gerïn ne kad m'ngah maj takumit, mî kï deg loi a? A i kïtakul kawi nat sed. Kïtø 'nten la mî kï deg loi, jîn tadang kï ndeg deg tube kï døningt.

¹⁷ Bïraþe el Moij an: M'a m'ða nyan el nõ tø, kïta i ngah majkurr takummt, na m'geri kï tøi.

¹⁸ Moij el an: M'køi kï øjïm kunji kïðangereng.

¹⁹ Bïraþe tur an: M'a m'ad maj lom tube tøi nõit, m'a m'la mber tø Bïraþe nõit, m'a m'ookumtondo lo de'n m'ndig kookumtondo loa, na m'a m'øj kõkam de'n m'ndig koja kõkam.

²⁰ Bïraþe el an: Asï koo takumm al kïta de asï koom, na ndï kï døn dõ al.

²¹ Bïraþe el an: Oo lo mad i kadïmt, a i ða dø mbalt,

²² na lon kunjïm kïðangereng a tøi a ne, m'a m'ndai kam bulombalt mad, m'a m'ut døi kï jim mbã kad m'tøi'n.

²³ Kamla m'a m'ørr jim kø, a oo gidm, na a asï koo takumm al. Moij tøsï bar mbal joo tit kïkete nõ kamla Bïraþe ndang tag lon døt gog.