Teekɨtɨga 32 - BIBLE MBAÏ 1980

¹ Lon deg oon kad Moij ndï køkï, na ðisï dø mbalbot kïber al ye, deg kawïn na kï ro Aarõt, elïna anan: I ða yo mad kï a ndia nõjt, kïta ta lo Moij'n non, ad i de'n tee sej kø kam døning Ejipt't ye, kï ger nya'n ðaa al.

² Aarõ eld an: Ørrïn ninga l'ørg kï mbi nësïgt kï mbi ngansï kïdïngã kï kïdë, i ðen ne adïmïn.

³ Deg tube ørrïn ninga l'ørg kï mbidt ðen ne adïn Aarõt.

⁴ Î tø ta l'ør jidt, nyë l'ør ðan ngon mang, tøsï kï hand tøsï nya. Deg elïn anan: Israelag, oon yo losï kï tee sesï ko kam døning Ejipt't.

⁵ Lon Aarõ oo 'nten ye, ða dïngïr kadkari nõat, kamla Aarõ la mber an: Loti a i nah lo Bïraþe.

⁶ Loti a ne, þain kïsî ritit, lan kadkarig kïlahorrt, na ðen kï kadkarig kïkad kamsøllom. Deg ndïn ber kad san kï ãin kamla þain kï ta ndomt. Bïraþe þawong kïtïngabil.

⁷ Bïraþe el Moij an: Aw, i ðisï kïta deg loi kï i tee sed kø kam døning Ejipt't ye tujïn rod.

⁸ Tøøn go ðobt kï m'øjd kï mberkïnda kø kanangbe, nyën l'ør ðan ne ngon mang, øsïn død ber nõat, jan mosï kadkari adïna, na elïn anan: Israelag, 'nten la i yo losï kï tee sesï kam døning Ejipt't kïtïga ye.

⁹ Bïraþe el Moij an: M'oo deg'n ðan, na oo în deg kï ngéngïra kï god.

¹⁰ Tajigla i nya ad m'þawong kïtïngabil sed kïta nujd kø, na m'a m'teli girrdeg kïngãibe.

¹¹ Kamla Moij kø Bïraþe Luwah an: Kïtøði i þawong kïtïngabil kï deg loi kï i tee sed kam døning Ejipt't kïtïga kï tøg kïbobe kï ji kïtag a?

¹² I goðobatal kad Ejiptiag elïn anan: Luwah lod tee sed kïta ðad majal, kïta tøld kø dan mbalbogt, kïta nujd kø døningt. I nyàgo wong loi kïtalsøkïrr, i nya ta køjta loi dø nujt kï i øj kad i nuj deg loi

¹³ I ga kami dø Abrahamt kï Isaak kï Israel'n, þerg loi kï i ndan yo kïdøit in kïþe an: A ad kohd bïlan kïdøtdøt tit kïmëg kï dørãt be, na a ad kohd døning 'nten tube'n eltaa, a i nyakagþe lod mbãkïnõt.

¹⁴ Na Bïraþe nya ta køjta lon dø nujt kï elta ða kï deg lon.

¹⁵ Taa ne, Moij tel gidn, ðisï dø mbalbot kï bar mbal joo lo najkïma jint. Bar mbalg'n non în kïndang køtko joo, în kï ndang kamt kï gidt.

¹⁶ Bar mbalg'n non în kïlaða Luwah, ta kïndang tø i ta'n Luwah ndang, i kï tøsï dø bar mbalgt'n non.

¹⁷ Lon Jojue oo kah ndi deg'n ndï kon ne ye, el Moij an: Kah ðøø i kam lo hølondït.

¹⁸ Moij el an: I kah yel tetðøø al, i kah ðøø kï tuþa al tø, m'ndï m'oo dø ndi deg kï ndï øsïn pa.

¹⁹ Lon teen nderrbe kï lo hølondït ye, oon ngon mang kï deg'n ða ndamïn na. Kamla Moij þawong kïtïngabil, la bar mbalg kïjint kø, na tïnda teetd køsï køsï nja mbalbot.

²⁰ Un ngon mang kï deg ðàn nõ, lahorrt, usï ad tel nduj, ü dø mant ad Israelag ãin.

²¹ Moij ndïje Aarõ an: Deg'n non ðan ði sei kad i ðen kï majal kïbo titbe dødt a?

²² Aarõ tur an: Ot kad ngeem þawong kïtïngabil in kïbe i ger kam deg'n non i majalt kïða koon.

²³ Elmïn anan: I ða yo mad kï a aw nõjt, kïta ta lo Moij'n non, ad i de'n tee sej kø kam døning Ejipt't ye, kï ger nya'n ðaa al.

²⁴ Taa ne, m'el m'an: Kï îgïn awïn kï l'ør, kï ørrïn Tørr admïn, m'la kam horrt, na ngon mang 'nten tee.

Ndakøj

²⁵ Moij oo deg ndï awïn kïnõbe kïta Aarõ nya deg ad awïn kïnõbe kad telïn nya kï rosøl ro madngetadt.

²⁶ Moij aw ða tabit lo hølondït, el an: Dekïðen kï i lo Bïraþe a ne, kï ðe romt Lebiag tube kawïn na kï roat.

²⁷ Eld an: Bïraþe Luwah lo Israel'n el an: Kï dekïðen dø kiyaðø lon ront, kï aw ho kï tel ho kï ta ðobðob lo hølondït, na kï dekïðen tøl ngon kõn, kï dekïðen tøl namïn, kï dekïðen tøl madþen

²⁸ Lebiag ðan kïgo tat lo Moij, na ndøt'n non dekïdïngã asïn dub mïta ku degt oin.

²⁹ Moij el an: Þone i ndan rosï køtko kïða kïta Bïraþe, tit kan hã dekïðen tølïn ngon'n kï ngonkõn ye, kï Bïraþe njangïn døsï þone.

Moij kø Luwah kad nyàgo majal lo ngan Israelg

³⁰ Loti a ne, Moij el deg an: I ðan majal kïbobe. Tajigla m'a m'al m'aw ro Bïraþet ke maj a ne, m'a m'ngah nyàgo kø kïtø majal losï.

³¹ Moij tel I aw lo Bïraþet gog, el an: A deg'n non ðan majal kïbobe, ðan yo l'ør kïta rod.

³² Tajigla i nyàgo majal lod kø, îla i titbe al a ne, i tøl tøm kam maktubt loi kï i ndang nõ

³³ Bïraþe el Moij an: Dekïðen kï ða majal ndoorïm la m'a m'tøl tøa kam maktubt lom ye.

³⁴ Oo malaika lom a aw nõit, na kam ndø ndangïrrat lom, m'a m'øjd kuma kïtø majal lod.

³⁵ Bïraþe tøl deg kï yokoosï kïta ða kï ðan yo ngon mang kï Aarõ ðà nõ.