Teekɨtɨga 2 - BIBLE MBAÏ 1980

Kooj Moij

¹ De mad kï girr Lebi taa ngon Lebi mad kïdë nënt.

² Dekïdë'n non nden ngon, ooj kïdïngã. Ooa i ngon kï roa maj ye, ya døa nah mïta.

³ Lon dum kad ya døa ye, un jàng mad, tîya kama kï nyatîya nya ho kï gudrõ ho, la ngon kamt, ndahan dan wayabgt kad baht.

⁴ Ngonkõa kïdë duba ða sãi kïtakad n'oo ger nya'n a ða nya.

⁵ Ngon Paraõ kïdë aw ta baht kïta ndoog man. Mand madag ndian kad baht. Oo jàng dan wayabgt, la þer lon kïdë kad un.

⁶ Tee ta jàng na oo ngon. I ngon kïdïngã, to nõ. Ta õ kama kïtaa, ad el an: 'Nten i ngon Hebre mad.

⁷ Kamla ngonkõa kïdë el ngon Paraõ kïdë an: I ndig kad m'aw m'kun kondo mad ku dekïdë Hebregt, kïtakad mba ngon 'nten a?

⁸ Ngon Paraõ kïdë ela an: Aw Ngon kïdë aw kun kõ ngon.

⁹ Ngon Paraõ kïdë ela an: Un ngon 'nten aw sia, i tøa adïm Mî tø m'a m'adi nar bajii. Dekïdë un ngon, tøa.

¹⁰ Lon ngon tøg ye, aw sia ro ngon Paraõt kïdë, ad tel ngona. Nda tøa Moij, el an: Kïtø m'ørra kam mant.

Moij ãi kï døning Madiãt

¹¹ Lon Moij tøg gang ye, ndø mad tee aw ro ngankõngt oo kïlag lod kïkõkõ, na oo Ejiptia mad ða nda Hebre mad kïða ku ngankõngt.

¹² Nøl lo ko nu kï ko në. Lon oo de mad al ye, tøl Ejiptia'n non, na yaro nina kam gart.

¹³ Loti got tee, na oo Hebreg joo ða ðøøn na. El de'n ðagootal nõ an: Kïtøði i ndan nami a?

¹⁴ De'n non tur an: Nõ ndai ngekõþe kï ngegangta døjt a? Oo an a i tølïm tit'n i tølïn Ejiptia'n non a? Þool ða Moij ad el kamïnt an: Rota nya'n non i kï ger oi.

¹⁵ Lon Paraõ oo hoi nya'n non ye, sah kï n'tøl Moij. Na Moij ãi kø takum Paraõt, aw ndï døning Madiãt, ndï ber ta bulomant mad.

¹⁶ Ngejamosï kadkari kï døning Madiãt aw kï nganïn kïdë tanãimïta. Ðen kïta kød man, ad man ðoosï nyakãi man kïtakad nyakulg lo bøwd ãin.

¹⁷ Ngékulbatg ðe tuþand kø, kamla Moij þai dõ ða sed, ad man þut nyakulg lod ãin.

¹⁸ Lon tel ðen kï ro bøwd Rewelt, bøwd ndïjed an: Ði ða nya ad i telïn ne kanangbe þone a?

¹⁹ Turïn anan: Ejiptia mad aj'j ji ngékulbatgt, mbã ød man kïtatøj, ad man þut nyakulg ãin.

²⁰ Ndïje nganïn kïdë an: I ðah a? Kïtøði i nyan ne de'n non gog a? I kunïna ad sanya.

²¹ Kam Moij ndig ndï kï de'n non, î tø ada ngonïn kïdë Sepora nëat.

²² Ooj ngon kïdïngã, Moij ndah tøa Gersom kïta el an: Mî ngehølondï kam døning mbaht.

Luwah køt Moij kad tee kï girrdeg lon kam þe þert

²³ Lon kaglo tøi ngãibe ye, ngar kï Ejipt't oi. Israelag tõn ðusïðusï girr kïlaþert kïkõ ad kon. Ko lod girr kïlaþert kïkõ aw mbã kïdõ, tee ro Luwaht.

²⁴ Luwah oo dø tõ ðusïðusï lod ad kama gah dø kunkøt lon'n un ad Abraham kï Isaak kï Jakob.

²⁵ Luwah nda kumïn dø Israelagt ad ta õ kama.