Soponi 3 - BIBLE MBAÏ 1980

Takïgang dø Jerusalemt

¹ Beto lo þebo kï ngetõðøø kï ngeyerr, þebo kï ngeða ngetøg dø degt.

² Tel ron go tat al ho, taa ndakøj al ho, þakul Bïraþe al ho, ndøt kïro Luwaht lon al tø.

³ Mbaiþeg loa kï kamat în tubog kï ngeko, ngégangtag loa în bisïkolog kï teen lokïsøle na nyan nya mad adïn loti døt al.

⁴ Ngékelta kï ta Luwaht loa în deg kï kïlaðad majal ngéðanya kï la rosøl dø kïlat'n sumba kad ðan, ngéjanyamosï loa yerrïn kï lo kïjaþat, tøin dø mberkïnda.

⁵ Bïraþe, i kïdene sew kamat, ða nya kïgootal nja kïða al. Ndø kïðen kïsî la gangta lon kïtïga bijalo kïðen nya ta al na de kïdenesew al ta, roa a søla al.

⁶ M'nuj girrdeg, kel Bïraþe M'nuj kujngomdøþeg lod Ad telïn gootþe kï de gotot, Þebog lod ngendït goto tø.

⁷ Kamla m'el m'an: Rota, îla þebo þool ndilïm Na telron go mberkïndagt lom a ne, M'a m'nuj londï loa al na ndakøjg tube'n m'øj kad m'ða sia ye a teen døat al Na deg ngendït a þain kïsî ritit kad awïn kï ketekete kam nyaðadt kïmajal.

Bïraþe tel kï ndeg Israelag kïnãi

⁸ Kïtø 'nten, i ngomïn, kel Bïraþe, ndø'n m'a m'þai kïta ta nyatetðøø kïta køjtaðam i kïta kaw girrdeg kïnat, kï kaw kõþeg kïnat kad m'ü wong lom dødt, wong lom kïtïngabil tube kïta horr wong lom a õ døning kïtaagbe.

⁹ Kamla m'a m'ad takel deg tel kïkarnyang kïtakad tube a kon kïdø tø Bïraþet na ðan þer adïna kï kam kïkïða.

¹⁰ Ko gid bahgt kï Etiopi nu ngekøsï død ber nomt, kï tîn na, a ðen kï kadkari admïn.

¹¹ Ndøt'n non, girrdeg lom Rosøl a ðai al kïta kïlaðai kï majalg tube'n i ða ndoorïm, M'a m'ørr Îgïn ðan døngang kï ronel kamit kø na a i ga buro dø mbalt lom kïjaþat gog al ta.

¹² M'a m'nyà deg kïtõ kï ngésøldø kamit Îgïn þan kul tø Bïraþe.

¹³ Ndeg deg'n nãin Israelt a ðan majal al a elïn takïbal al, a unïn ndõnd kïta kelta kï lo goolt al ta. A san nya, a taan kò, na de mad i ngendad þoolt goto.

¹⁴ Øsï pa, ngon kïdë kï Siõ i ko kï wi, Israel, i ða kamnda kï ronel kï kami kïtaagbe, ngon kïdë kï Jerusalem.

¹⁵ Bïraþe ørr takïgang døit, tuþa madngétai kø Ngar kï Israel, ad i Bïraþe, i dansït, a i þool majal gog al ta.

¹⁶ Ndøt'n non a elïn Jerusalem anan: Ot þool î Siõ, ad jii oi yelel al.

¹⁷ Bïraþe Luwah loi i nat sei i Ngetøg, a aji, roa a nela sei kïdumbit. A ad i ndï lom kam tart lon, a ða ronel døit kï pa kïkøsï.

¹⁸ Tit kï kam ndø ða nahgt Bïraþe el an: M'a m'øsï nya kïmajal døit kø kad rosøl so døit al.

¹⁹ Kaglot'n non m'a m'nda m'øj deg tube'n dan kumi ndo m'a m'aj mootg, îgïn tuþand kø ye, m'a m'kawd kïnat. M'a m'ad tø deg lom ko kam døninggt tube, a ndubïn tød kam logt'n kete rod søld tit.

²⁰ Kaglot'n non m'a m'tel sesï kïþe kaglot'n non m'a m'kawsï kïnat. M'a m'adsï telïn nyatøko kï nya ndub ku girrdegt tube kïdøningt lon m'a m'ørrsï þeþert. Lon m'a m'telïn kïdeg'n hønd þert kïþe takumsït, kel Bïraþe.