Soponi 2 - BIBLE MBAÏ 1980

Kunïn deg kï tørrïn ndid

¹ I kawïn na kïnat, I nderï girr rosï în girrdeg kïkanj rosøl

² kete lon rnberkïnda tee al þaitø, na ndø lo Bïraþe tøi tit tïsa al. Kete lon wong lo Bïraþe kïtal sokïr so døsït al þaitø, kete lon ndø wong lo Bïraþe hursï rukï al þaitø

³ I sahn go Bïraþe, în kïsayelel tube kïdøningt Îgïn hø ðan nya kïdenesew takumat. I sahn go nyaða kïdenesew kï hal kïsayelel; maja a yan rosï kam ndø wongt lo Bïraþe.

⁴ Kïtø a tî i nyan Gajakø, Askalon a tel gootþe a tuþan Asdod lon kàd ðan den þet, a retïn Ekrõ kï ngïraag be.

Takïgang dø girrdegt

⁵ Beto lo ngendï kad bahbot, in girrdeg lo Kretiag, Bïraþe elta ndoorsïn, î Kanaa døning lo Pilistiag, m'a m'nuj mbã, ngendï kamit kïða kaa a goto.

⁶ În log kïkad bahbot, a în lo kul nyag kï londï ngéngombatg kï loto nyakulg.

⁷ Kad bahbo'n non a i lõndï kïta ndeg ngékïþe lo Juda kïnãi, nu la a ulïndt ye, a taan kò lokïsøle kam kujgt kï Askalon kïta Bïraþe Luwah lod a ga kamïn dødt na a tel sed gog þeþert.

⁸ M'oo dø kid lo Moab kï taj nya hoho lo Amoniag lon tajïn ne deg lom na þain dõ ndoorïn ðobnin'g lod.

⁹ Kïtø 'nten, tit'n m'ndïn kï døm dõ, kel Bïraþe Ngekoosïg, Luwah lo Israel: Moab a tel tit Sodom kï Amoniag titïn kï Gomorr. A i lo þa ngar kï hoolþe kat kï gootþe mbãkïnõt. Ndeg deg lom kï nãin a tirïn nya lod pur na ndeg girrdeg lom kï nãin a õn nduba lod.

¹⁰ Nyag 'nten a ðad kïta køj ro lod kïta kidïn deg lo Bïraþe Ngekoosïg tøin død kïdõ ndoorïnd ne.

¹¹ Bïraþe a ða sed nya kïtootþool kïta a nuj yog kï døningt tube na dekïðen a øsï døn ber nõat kam døningt lon mbã kï doorlogt lo girrdeg tube.

¹² În deg kï Etiopi tø, a tølsïn kï kiyaðøø lom.

¹³ Bïraþe a la jin køtko þodo, nujïn Asiri, a tel Ninib gotþe, ad tut kurum tit dïlalo.

¹⁴ Þut nyakulg a ton kamat kï dãg kïdangdang, yel køig kï ndurr a høn londï dø piliegt loa ndi mad ko kï buro kujg, nuj a tø ðig tabitgt kïta a ngîn plapõ kï ða kï kag sedïr kø.

¹⁵ În non la i þeboon la i þebo kï ngeða ronel in ndï lom, na el kamït an: Mî kïðabe, kï mad goto na mî tã, Titbãi tel gootþe, londï dãg kï mut. Dekïðen'n a tøi kadat a ne a kør ngol na a yee jin.