Rut 4 - BIBLE MBAÏ 1980

Boaj taa Rut nënt

¹ Boaj al dø pong gangtat na ndït. Oo de kï asï badø nyanduba'n Boaj elta loa kete ndï tøi, na Boaj ela an: I diba nëbe. De'n non dibat na ndï ber.

² Boaj køt deg kïlah ku kïbogt kïkam þet na eld an: I ndïn ber nëbe. Ndïn ber.

³ Kamla el de kï asï badø nyanduba an: Naomi in þai døning Moabt tel kï þe la ndig ndugo gaj døning lo Elimelek kï ngonkõji kø ye.

⁴ M'øj kammt kï m'ørri hoia na m'eli: Maj kad i ndugo sia nõ degt'n ndïn kï kïnõ kïbogt lo deg. Îla i ndig badøa a ne, i badø, na îla i ndig badøa al a ne, elïm to wakïsï kad m'ger. Kïtø de kïðang kï j'asï badø døning'n ðan goto, na î tã, na mî la mî goit ye. Tur an: M'a m'badø.

⁵ Boaj el an: Kam ndøt'n þet a ndugo ndøø ji Naomit a ne, i ndugo nat kï Rut dekïdë kï Moab, në ngekoi, kïtakad tø ngekoi ko dø nyandubat lon.

⁶ Na de kï asï kad badø nyanduba ye, tur an: M'asï ndugo kïlomt al, na þeta m'tuj nyanduba lom. Maj kad i badø i gan gootïm kïta m'asï kad m'badø al.

⁷ Nyabelþe lo Israelag maði i titbe nyabadø ke nya kïmbelna, kad nyag tube ton kï ðubagt ye, de kïða a ørr sa njant ad madþen'n non la, i nyamanaj ku Israelagt.

⁸ De kï asï badø nyanduba el Boaj an: Î kïþe i ndugo. De'n non ørr sa kï njant.

⁹ Kamla Boaj el kïbog kï deg tube an: Þone în ngémanaj dø nyagt tube kï m'ndugo ji Naomit'n i lo Elimelek kï Kïljon kï Maklon tu.

¹⁰ Titbe tø m'ndugo Rut dekïdë kï Moab nëmt, in maði i në Maklon kïtakad tø ngekoi kon dø nyandubat lon kad tø ngekoi goto ku ngankõngt al, ke kam þe koojat al tø. În ngémanaj døt þone.

¹¹ Deg tube'n ndïn ta pong gangtat kï kïbog elïn anan: Jî ngémanaj døt, kï Bïraþe ad dekïdë kï a ðe kuju loi i tit Rasel kï Lea în tujoo oojïn ngan'gn telïn girrdeg lo Israela, kad maj urri kam Epratat kï tøi ko kam Betlehemt.

¹² Kï ngakai'n Bïraþe a adi kïtakul ngon kï mand'n ðan adïn ngékïþe loi taan na kï ngékïþe lo Peres'n Tamar ooja ad Juda.

¹³ Titbe la Boaj taan Rut nënt, aw roat. Bïraþe ada ndan ngon, na ooj kïdïngã.

¹⁴ Dekïdëg elïn Naomi anan: Køsïgon kïdø Bïraþet'n øgi ngebadø al. Ad tøa ko kam Israelt.

¹⁵ Ngon'n non a søl kami, a i ngengomi dø bïgait kïta mumi kïdë kï ngetari la ooja ye. Maj tøi ngan kïdïngãg tanãimïta kï tøi.

¹⁶ Naomi un ngon nda kadïnt, na ngoma.

¹⁷ Madþeag kïdë ndan tøa anan: Ooj ngon kïdïngã ad Naomi. Kunïn tøa Obed, îla i bøw Jese kï bøw Dabid.

¹⁸ Îgïn non la în ngaka Peres ye. Peres ooj Hesron,

¹⁹ Hesron ooj Ram, Ram ooj Aminadab.

²⁰ Aminadab ooj Nahason, Nahason ooj Salmon

²¹ Salmon ooj Boaj, Boaj ooj Obed,

²² Obed ooj Jese, na Jese ooj Dabid.