Rut 3 - BIBLE MBAÏ 1980

Boaj un køn ad Rut

¹ Kamla ndø mad Naomi el mumïn kïdë an: Ngonïm, sumba kad m'sah lo kïmaj m'ad i ndït kï kamkï sokïber kï ronel.

² I ger kad Boaj'n nyài adi i þur nyako kam ndøøt lon sed ngékïlaþerg lon kïdëg ye, i nooj'j ale? Kam ndøt'n ðan þet a to nyako lon kï dø gar ndah nyakot.

³ I tugo roi, i wur roi kï yib, i la kub loi kïmaj, na aw ta gar ndah nyakot. Ad de'n non geri al, mbã ad sa ho, ãin ho kamtã.

⁴ Lon a þai aw kad'n to ber a ne, oo lon a tot nõ maj, kamla i ndøt kïroat, un kub kï dø njaat kïdõ i tot. Î kïþe kïdøn a øji nya'n sumba kad i ða.

⁵ Rut tura an: Nyag tube'n elïm taa m'a m'ða.

⁶ Þai, aw ta gar ndah nyakot, na ða nyag tube'n muma kïdë ela kad ða.

⁷ Lon Boaj sa ho, ãi ho ye, kama nela ad aw to ber lot'n mbõn nyako tit. Rut tøi yereng, un kub kø dø njaat, na to ber.

⁸ Danlot taa ne, lon Boaj tel ron ye, ur yiuyiu, kïta ngah dekïdë mad to njant.

⁹ Ndïjea an: Î nõ a? Tura an: Mî Rut, þer loi kïdë, kïta 'nten i la kub loi dø þert loi kïdë kïta î kïkïða ku ngébadøt ho.

¹⁰ Boaj el an: Ngonïm, kï Bïraþe njang døi, nyaðakïro loi kïdøboit mãi naj tøi kïlaðai kïdasa kïta i sah go basag kï ngéndog, ke basag kï ngémajg al, na i ðe romt mi kï bïga tã.

¹¹ Tajigla ngonïm, i þool al, m'a m'ða nyag tube'n eltaa m'adi, kïta deg kïbog tube kam þet lom geri'n î, dekïdë kïro.

¹² Rota, m'asï kad m'badø nyanduba, na de mad kïbo tøim ndï nõ þaitø.

¹³ I þi nëbe ndø la 'nten. Loti kïsî, îla kama ndig ða sei kïgo nyandubat loi a ne, maj kad ða ho, îla ndig ða sei titbe al a ne, rota tit'n Bïraþe ndïn kïdøn dõ, mî kïdøm m'a m'ða sei, I þi nëbe mbã loti.

¹⁴ To ningt nja Boajt mbã loti, na þai kï girr log lon lo tïja roi asï kad de oo de gera al þaitø, kïta Boaj el an: Maj kad deg gerïn ta ðe dekïdë nëbe ta gar ndah nyakot al.

¹⁵ Ela ta þaitø an: Adïm ta kub kïbo kï i la døit, na i hø taa nõ maj. Î tø hø ta kub ho, na Boaj mbøj nyako ørj kilo kïlah gidaimi kam ada, ndah døat na aw be.

¹⁶ Rut tel kï ro mumïnt, na muma ndïjea an: I î a ngonïm? Rut ørra go nyag tube kï de'n non ða kïtatøa.

¹⁷ Ela an: Mbøj nyako ørj kilo kïlah gidaimi adïm kïta elïm an: A i tel kï ji kari kï ro mumit al.

¹⁸ Kamla Naomi el an: Ngonïm, i ndï labe, ngoo kad kï ger go ðob kï titbãi nya 'nten a nya. De'n non a taakò al mbã tølkon nya 'nten þone.