Rut 1 - BIBLE MBAÏ 1980

Kamkøl so dø ngekïþet lo Elimelek

¹ Kaglot lo ngégangtag ye, þo kïbobe so kam døning Israelt. De mad kï Betlehem kï Juda aw døning Moabt nat kï nën kï nganïn kïdïngãg joo.

² Tø de'n non i Elimelek, tø nëa i Naomi, na tø ngana kïjoo i Maklon kï Kiljon. În de kï Eprata kï þe Betlehemt kï Juda. Teen døning Moabt, høn londï tit nu.

³ Elimelek kï ngaw Naomi oi, na nyàa kï ngana kïdïngãg joo.

⁴ Ngan'g kïjoo'n non taan dekïdëg ku Moabiagt, tø kïkïða i Orpa, tø kïmad i Rut. Ndïn nõbe asï þal kïlah.

⁵ Gog got Maklon kï Kïljon tujoo oin. Naomi ndï kanj nganïn kïdïngãg kïjoo kï ngawïn tu.

Naomi tel døning kï Israelt kï Rut

⁶ Kamla ndø mad Naomi, oo dø hoita kïmaj kad Bïraþe gen girrdeg lon ad ad'd nyasa ðago ron, þai nat kï mumïng kïjoo døning Moabt.

⁷ Þai lot'n hølondït nõ nat kï mumïn kïdëg kïjoo, so ðobo kïta tel kï døning Judat gog,

⁸ Naomi elta kï mumïng kïjoo an: Tajigla nganïm kïdë, kï dekïðen tel kï þe lo kõn gog. Kï Bïraþe øjsï kamkë tit'n i ðan ne kï nganïmg'n oin kï mî ho.

⁹ Kï Bïraþe ad dekïðen ngah ngaw taa ho kï ngah lo taakò kam kujïnt ho. Kamla Naomi hød kï ront, kamla dekïdëg kïjoo'n non unïn ndid kï dõ nõn ne.

¹⁰ Na elïn Naomi anan: Be al, j'a j'aw nat sei ro girrdegt loi.

¹¹ Naomi turd an: Nganïmg kïdëg, i telïn kï þe kï ro ngesït. I ndig kawïn sem kïtøði a? Mî kï ngang kammt tø kad telïn ngawsïg gog þaitø ø?

¹² Nganïm kïdëg, i telïn, awïn lo losï kïta kagïm tøi dø taa ngaw ta. Ke neni m'an: Mî kï nyandahkamdøt, na m'asï ngah ngaw ndø ne,

¹³ ke m'a m'ooj ngan kïdïngãg kaa ne, a i ngoond mbã kad tøgïn, na a i mbetïn ta ngaw kïðang a? Be al, nganïm kïdëg, kamkil lom i ngãibe tøi kïlosï kïta ji Bïraþe nda øjïm.

¹⁴ Kamla unïn ndid kïdõ nõn ne þaitø, na Orpa hø mumïn kï ront kamla nyad ne tel aw ro noojïnt gog. Na Rut taa ne, tîyan na Kï Naomi.

¹⁵ Ta ne Naomi el Rut an: Oo nii tel aw ro girrdegt lon, aw ro luwahgt lon tø, na î kaa ne, maj kad i ða tita, i tel aw þe.

¹⁶ Na Rut tur an: Ot tuþam kø goit kad m'nyài, na m'tel m'aw þe gog. Lokïðah a awt a ne, m'a m'awt ho. Lokïðen kï a i ndït a ne, m'a m'ndït tø ho. Girrdeg loi a i girrdeg lom, Luwah loi a i Luwah lom tø,

¹⁷ Lokïðah a oi tit a ne, m'a m'oi lot'n non kad dubmïnt ho. Kï Bïraþe nda øjïm îla m'ða titbe al a ne, koi kïðabe koon la a gangïm nat sei ye.

¹⁸ Lon Naomi oo ad Rut ire kamïn ngang kï n'aw sen nat ye, nya takela kad tel aw þe ro noojïngt gog.

¹⁹ Awïn tujoo mbã teen Betlehem. Lon teen Betlehemt ye, ad deg kïkam þebot kïtaagbe rod ndad yatata kï tatød. Dekïdëg elïn na anan: I Naomi ale?

²⁰ Eld an: Ot kunmïn Naomi, ad i dekïdë kï ngeronel. Na i kunmïn Mara, ad i ngerokat, kïta Ngetøgtube ða sem nya kï katbang.

²¹ Lon'n þai døning koojïmt ye m'aw kï nyag ngãibe, na tajigla Bïraþe adïm m'tel jim kari. I kunmïn Naomi kïtøði a? Kïtø Bïraþe nda øjïm, Ngetøg tube ða sem nyakïto.

²² I titbe la Naomi þain døningt Moabt telïn kï þe koojïnt nat kï mumïn Rut'n i dekïdë kï Moab. Aw teen Betlehemt kaglo ja nyako ørjt.