Romag 9 - BIBLE MBAÏ 1980

Deg'n Luwah mbed'd

¹ M'ndï m'elta kï rota kam Krist't, i takïbal hã m'ndï m'el al, ta kï kammt ndï ma'm naj kïtakul Ndil kï kunjðang.

² Mî kï kamkil ngãi. Ta õ kamm kïndøgndøg.

³ Kïtø m'ndig kad mî kïþe kï døm mî nya kï ndøl, kï ndet kad Krist al kïta noojïmg, ad i Juipg ngankom kïgo dãrot.

⁴ În Israelg'n Luwah teld nganïnt, ad'd kunjïn kïðangereng kï kunkøg kï mberkïnda, kï kïla ndub Luwah, kï kunkøg,

⁵ ad'd bïrabøwg kï tø ko, ad Krist kaa ne, tee ko girrkoojdt, Krist i dø nyagt tube. I Luwah kï asï kad deg ndubïna mbãkïnõt. Amin.

Ngan Luwah kï jeje

⁶ Na titbe kaa kunkø lo Luwah to kari al. Kïtø deg kï girrkooj Israelt tube hã în Israelag kï jeje al.

⁷ Ngaka Abraham bïlan ngãi, na în ngana kï jeje tube al. Luwah el Abraham an: Kam Isaakt la a kunïn ngakait kï tøi ye.

⁸ Kørr girr ta i titbe: Ngangïn oojïnd kïgo ðobt'n deg ndï oojïn ne na, în ngan Luwah al, na ngan'g în oojïnd kïgo kunkøt'n Luwah ad nõ la în ngaka Abraham kï jeje ye.

⁹ Kïtø Luwah un kø'n titbe an: M'a m'tel m'ðe kaglot'n m'øj na Sara a ooj ngon kïdïngã.

¹⁰ Na 'nten hã koon al: Rebeka nden ndïngag kï kaaj Isaak.

¹¹ Lon oojïnd al þaitø, ðan nya mad kïmaj ke kï majal al þaitø ho ye,

¹² Luwah el Rebeka an: Kï tøg a ða þer lo kï du. Luwah elta 'nten kïtakad køjta mbed deg lon kïnda kete ton lo tont, i kï lo kïlaða degt al, na i kïtakul ndig lo Luwah kï ngekun deg.

¹³ Ta 'nten i kïgo tat'n ndangïn kam maktubt anan: M'tar Jakob, na m'øsï ta Esaw.

¹⁴ Kaa j'an ði? Luwah i ngeðanya kïdenesew ale? I titbe al.

¹⁵ Kïtø Luwah el Moij an: M'a m'oo kumtondo lo de'n m'ndig kookumtondo loa, na m'a m'øj kõkam de'n m'ndig køja kõkam.

¹⁶ 'Nten i kïgo ndigt lo de al, ke høtøgbát lo de kam kïlat mad al, na i kokïro Luwaht'n ndï oo kumtondo lo deg.

¹⁷ Kïtø maktub kï kunjðang el Paraõ, ngar kï Ejipt't an: M'ndai ngart, kïtakad m'øj'n tøgïm kamit, kad tøm kon døningt kïtaagbe.

¹⁸ Titbe Luwah ndï oo kumtondo lo de'n ndig kookumtondo loa. Na ndï ad kam kongkong de'n ndig kad kama kongkong ho.

Wong kï kookumtondo lo Luwah

¹⁹ De mad a elïm an: lon i titbe ye, kïtøði Luwah ndï høn deg kï ta þaitø a? Nõ asï taa ðøø ndig loa a?

²⁰ A. Na î nyai nõ kad i majta Luwah a? Jo hanj a ndïje ngeþan an: Kïtøði i þamïn titbe a?

²¹ Kød þajo asï þa nya'n kama ndig kï hanj. Îla ndig a ne, a un hanj þajot joo, kï kï ða kïta kïla kï køsïgon, na kïmad kïta kïla kï kari ho

²² Na îla Luwah ndig kï n'ða tit kød þajo a ne, ka an ði? Luwah ndig kad deg gerïn wong lon ho, tøgïn ho, kïta 'nten la ndïn døt, kï høtøgbá kï ngãi dø degt'n adïna wong kï asï kad tøld.

²³ Luwah ða titbe kad deg gerïn ne maj lon kï tøitøi i ngãibe, kï dø degt'n ndï oo kumtondo lod, na ða rod kete woi kad ngahn maj lon kï tøitøi

²⁴ Luwah künj ku juipgt hã kïðabe al, na kun kïmad ku girrdegt kïdangdang tø ho,

²⁵ kïgo tat'n Osee ngekelta kï ta Luwaht el an: Deg'n în deg lom al maði ye, m'a m'kund deg lom, girrdeg'n maði în ngétar lom al ye, m'a m'kund ngétar lom.

²⁶ Na lot'n a elïndt anan: În deg lom al ye, loat'n non a kunïnd ngan Luwah kï kumkajir.

²⁷ Esai tø þakoo dø tat lo Israel an: Ke îla kør deg kï Israelt tit ngar kï bahbot kaa ne, ndega koon la a aj ye.

²⁸ Kïtø ta'n Bïraþe el ye, a ðe tøl kona kanangbe kïtaagbe døningt la.

²⁹ Titbe Esai el kete tø an: Ni Bïraþe Ngekoosïg nya girrkooj mad al a ne, ni j'a jî tit Sodom be, ni j'a kï tel tit Gomørr be.

Luwah tel Ngékad kamd Jeju Krist deg kïdenesewt

³⁰ Kaa j'an ði dø tat 'nten a? J'a j'el j'an: Girrdeg kïdangdang'n sahn ðob telrod degt kïdenesew nõ Luwaht al la Luwah teld degt kïdenesew nont kïtakul kadkam ye.

³¹ Israelag ndï sahn go mberkïnda mad kad teld degt kïdenesew nõ Luwaht, na ngahn mberkïnda'n non al.

³² Kïtøði ngahn ne al a? Israelag ngahn al kïta sahn kïkanj kadkamd Luwah, oon anan n'a n'ngahn kïtakul kïlaðadg. Ad, în tube gan njad mbal kï ga gigt.

³³ Kïgo tat'n ndangïn: Oon m'nda kamþet kï Siõ mbal kï ga gigt kï mbang kï kad de so. Na de'n ada kamïn a ne, roa a søla al bat.