Romag 4 - BIBLE MBAÏ 1980

Luwah ørr ta dø Abrahamt kïtakul kadkam

¹ Na j'a j'el j'an ði dø Abrahamt, bøwj kïgo dãrot a? Abraham ngah ði ro Luwaht a?

² Îla Luwah ørrta dø Abrahamt kïtakul kïlaðaag a ne, ndï kï nya mad kï asï kad gaburo døt. Na asï gaburo nõ Luwaht al.

³ I tit'n ndangïn ne kam maktubt lo Luwah anan: Abraham adkamïn Luwah kïta 'nten Luwah tela'n kïdenesew nont kïtakul kadkam loa.

⁴ De'n ða kïla a ngah nara, nar'n non i kadkari kïgo kamkët al, na i nyabajia.

⁵ Na de'n ða kïla al na ndï adkamïn Luwah kï ngekørrta dø degt kï ngéðamajal a ne, de'n non Luwah a tela kïdenesew nõnt kïtakul kadkam loa.

⁶ Dabid elta titbe tø dan ronel lo de'n Luwah ørr ta døat kïkanj ða kïlag lo mberkïnda an:

⁷ Ngéronelg la în deg'n Luwah nyàgo tøidøtag lod kø, kï deg'n Luwah nyàgo majalg lod.

⁸ Ngeronel la i de'n Luwah ndï tïda majal loa kï døat al.

⁹ Ronel 'nten ye, i kïta ngejagaj koon ne, ke i kïta ngéjagajg al ho? Kïtø j'el j'an: Luwah tel Abraham denesew nont kïtakul kadkam loa.

¹⁰ Ðingãt hã Luwah tel Abraham denesew a? I lon jan gaj a ke lon jan gaj al baitø? Luwah tel Abraham denesew kïtakul kadkam loa lon în kïkanj jagaj þaitø.

¹¹ Abraham taa gajkïja nyakøjt kam dãront, tit nyatïnya ta denesew'n ngah kïtakul kadkam, lon jan gaj al þaitø. Titbe la Abraham în bøw ngéjagajalg tube'n ndï adïn kamd Luwah kad Luwah teld denesew ho.

¹² Na Abraham i bøw ngéjagajg ho ad i deg'n jand gaj koon al, na i deg'n jand gaj na ndï ndian bang kadkamt lo bøwj Abraham lon jan gaj al þaitø.

Kunkø lo Luwah i kïta deg'n adïna kamd

¹³ Luwah un kø'n ma ði ad Abraham kï ngakaa kad în ngékõnduba døning; i kïtakul tel roa go mberkïndat al na i kïtakul kadkam Luwah la Luwah tela'n de kïdenesew nont ye.

¹⁴ Kïtø îla ngételro go mberkïndat ngahn nya'n Luwah unïn kø'n ad Abraham kï ngakaa a ne, kadkam Luwah i nya mad al, kunkø tø i nya kï kari.

¹⁵ Kïtø mberkïnda ndï ðe kï wong lo Luwah dø degt, kïta tøin dø mberkïnda, na lon mberkïnda goto a ne, tøidø mberkïnda gotø ho.

¹⁶ Nya nduba'n Luwah unïn køn ye, ad deg'n adïna kamd kad n'øjdïn kamkë lon, ndig kï n'ad Abraham kï ngakaa koon al, na ad deg tube'n adïn kamd Luwah tit'n Abraham adïn be, kïta Abraham i bøwj tube.

¹⁷ Kïgo tat'n ndangïn kam maktubt: M'ndai kad î bøw girr koosïdeg dangdang ye, Abraham i bøwj nõ Luwaht, ada kamïn ad i Luwah'n ad kumkajir ngékoig, na kun nyag'n goto'n ad teen.

¹⁸ Lon kam kï ndah dø kunkøt ngang ngãi kaa ne, Abraham ndahkamïn døt adkamïn Luwah telïn bøw girrdeg ngãibe kïgo tat'n Luwah ela an: Titbe la ngakaai a bïlan ne ngãi.

¹⁹ Þal Abraham i nderrbe kad asï þu, kam Sara tø ngïra jakït asï kooj ngon al, na Abraham oo dãron tit nya kï koi be al, ad kadkam lon tel tõ al.

²⁰ Kadkam al loa ðaa ad þadta dø kunkøt'n Luwah un ada al, ngang kïtakul kadkam, na øsïgon Luwah.

²¹ Abraham ger køi køi kad Luwah asï ða nya'n unïn kø'n ada.

²² Kïtø 'nten Luwah tïda kadkam loa i denesew kï døat.

²³ I kïtatøa kïðabe hã ndangïn ne tag'n non al, tag kï el an: Tïdan kadkam loa i denesew kï døat.

²⁴ Na ndangïn ta'n non kïtatøj ho, kïta a tïdan denesew kï døjt jîn kï ndï kï j'ad kamj Luwah'n ad Jeju kï Bïraþe loj þai ku ngékoigt.

²⁵ Jeju'n non Luwah laa ji degt ad tølïna kïta tøidøtag loj, kamla ada þai ku ngékoit kad ørr ta døjt nõat.