Romag 12 - BIBLE MBAÏ 1980

Ðob ða kïlaþer lo Luwah

¹ Kïtø 'nten ngankom, m'ndï køsï kïgo kõkamt lo Luwah, kad adïn Luwah dãrosï kïtaagbe kadkarit kï kumkajir, 'nten i nya kï nel Luwah dum, i kïla ndub Luwah kï jeje'n sumba kad i ðan.

² Ot telïn rosï go nyaðat lo deg kïkaglot kï tajigla, na adïn Luwah telsï kï kijt kïtaagbe kïtakul mbeltagahsï kï kijt. Kamla a asïn ger ndig lo Luwah: Ad i nya kïmaj, kï nela, kï nya kï asïnatap.

³ Luwah adïm kadkari kïgo majkurrt lon, kïta 'nten m'ndï m'elsïn tube ta 'nten: Ot kad i ndïn kï tagah kïbo tøi îgïn sumba kad i gaan, i soot kad i gaan dø ðobt kï rota'n Luwah adsï kïtakad i gerïn lon int.

⁴ Tit kan jîn kï ngan roj ngãibe kam dãrojt kïkïða, na ngon ro kïðen aw kï kïla lon kï køsïdøn ye,

⁵ titbe tø, ke jî deg ngãibe kaa ne, jî dãro kïkïða nat kï Krist, na jî tube jî nganro na.

⁶ Luwah adj kadkarig dangdang tit'n gee kadjïn kïgo majkurrt lon, ye kï de'n ta kadkari kelta kï ta Luwaht a ne, kï elta kïgo kadkamt'n ad Krist.

⁷ De'n taa kadkari ða kïlaþer lo Luwah a ne, kï ða kïlaþer'n non; de'n taa kadkari ndoo deg a ne, kï ndaron degïr ta ndoo degt.

⁸ De'n ndï øj deg a ne, maj kad øj deg; de'n ndï ða kï ngéndog kï nyamajg lon a ne, kï ða sed kï nõbe; de'n i bïradødeg a ne, kï ða kïla lon kï rotîn; de'n ndï oo kumtondo lo deg a ne, kï ða kï ronel.

⁹ Kï tar losï i kïkanj ndokum. I mbetïn majal kï ða, na i høn ða maj.

¹⁰ Ta kï dø tar ngankõt taa kï adïn kamsï høna; ta kï dø køsïgont taa ne, kï dekïðen oo namïn ad i kï nont.

¹¹ I lan rosï kïnat i ðan kïla, na ot ðan ngë. I ðan kïlaþer lo Bïraþe kï rotîsï.

¹² I ðan ronel kïta i ndï i ndan kamsï dø nyat'n Luwah unïn kø'n adsï. I høn tøgsïbá dan kamkølt. Elïn ta kï Luwah kïkanj nya ta.

¹³ Adïn nyag losï i ðan ne kï deg kïjaþat lo Luwah kïgo get lod. I høn mbahg maj kï rosït.

¹⁴ I kø'n Luwah kad njang dø ngéda rosï ndo, i kø'n Luwah kad njang død tã na kï ndøld al.

¹⁵ I ðan ronel kï deg'n ndï ðan ronel. I non kï deg'n ndï non.

¹⁶ Adïn tagahsï so go nat, ot ndan kamsï dø nyagt kïbo tøi, na i ðan ngan kïlag kï dudu kï rotîsï. Ot koon rosï ngéterrgt.

¹⁷ Îla de mad ðai majal a ne, ot ðaa majal nyaita, i la roi kï nat kad i ða nya kïmaj nõ degt tube.

¹⁸ Îla i root a ne, i ða toot be kïgo tøgit kad i ndï kï lapia kï deg tube.

¹⁹ Ngétar lom, ot ndan ngïra dø rosït, na i nyan lo adïn wong lo Luwah. Kïtø maktub lo Luwah el an: Nda ngïra i lom, m'a m'ga gïrra kel Bïraþe.

²⁰ Na îla þoo õ mad ngetai a ne, ada nyasa; îla kïnda õa a ne, ada man ãi. Lo ðaat titbe a i tit yalhorr hã i ða øi kï døat be.

²¹ Ot kadïn majal dum døsï, na kï i tetïnðøø majal kïtakul maj kï ða.