Romag 11 - BIBLE MBAÏ 1980

Luwah mbet deg lon al

¹ M'ndïje ta mad þaitø. Luwah a mbet girrdeg lon a? Ãã, i titbe al. Kïtø mî kï døm, mî de kï Israelt ho, mî ngoka Abraham, mî ko girrkooj Benjamint.

² Luwah mbet girrdeg lon'n køtd kete nõ al bat. I gerïn ta'n ndangïn kam maktubt dan ne dø ngékelta kï ta Luwaht ye ale? Eli kø Luwah kï rotîn dø kïlaða Israelt kï goot al,

³ an: Bïraþe, deg'n non tølïn ngékelta kï tait, tøøn dïngïr kadkarig loi, mî kïkïðam be la m'nai ye, na deg ndï sahn tølïm tø.

⁴ Na ta ði Luwah tura a? Luwah tura an: m'ngom deg dub tanãimïta îgïn a ndulon gom kïndøg, na øsïn gojd ber nõ Baalt al.

⁵ Titbe tø kaglot kï þola ndeg deg tëbe în nõ ku Israelgt, îgïn Luwah mbed'd kïtakul kamkë lon.

⁶ Îla Luwah mbed'd kïtakul kamkë lon taa ne, i kïtakul kïlaðadg al bat. Na îla mbed'd kïtakul kïlaðadg a ne, kamkë lo Luwah i kamkë al.

⁷ Girrta 'nten i ði a? Nya'n Israelag sahn ye ngahn al, na deg'n Luwah mbed'd la ngahn ye. Luwah ad kam Israel madg kongkong,

⁸ kïgo tat'n ndangïn kam maktubt lo Luwah anan: Luwah ad ngarkamd to kïþi, ut kumd kad oon lo al, boi mbid kad oon dø ta al mbã þola.

⁹ Dabid tø el an: Kï nyasa lod tel gum kï ya nõdt, tel band kad hød, kï gig kad gad ad son, na kï nyakïto ðad.

¹⁰ Kï kumd ut mbukï kad oon ne lo al, kï ad gid'd ðug kïndøg.

¹¹ M'ndïje ta mad tø i gig'n ga Juipg ye gad kad son ne kï nõdt e? Be al. Na i kïtakul sod kam majalt nõ la, girrdeg kïdangdang ngahn ne ðob tee kï kajt ye. Luwah ða titbe kad'n søkïn Israelag kad ðan jang.

¹² Na îla so'n Israelag so'n kam majalt ad maj urrïn deg kï døningt, tuj'n ngahd ad maj urrrïn girrdeg kïdangdang a ne, kïta 'nten lon a telïn kïro Bïraþet kïtaagbe a ne, maj a urr deg ngãi tøi kï kete.

Ðob'n Luwah ajïn girrdeg kïdangdang

¹³ Tajigla m'ndï m'elsï ta, în girrdeg kïdangdang. Mî ngombangkïla'n Luwah lam kï rosït, îgïn în juipg al, kïta 'nten m'ndï m'øsïgon kïla'n Luwah la jimt,

¹⁴ kïtakad m'søkïn noojïm juipg kad jang ðad, kad kïmadg ðen kïro Luwaht ad adj'd, titbe al a ne,

¹⁵ lon Luwah mbetd ye, la nooj nat kï deg kï døningt. Na lon Luwah a tel hød kï ront ye, ði a ða nya a? Ngékoig a tel ndïn kumkajir.

¹⁶ Na îla gaj bïnã kïdasa i kï nda nõ Luwaht a ne, bïnã kïtaagbe i lo Luwah ho. Îla ngïra kag i kï kad Luwah a ne, døj kagg'n non în lo Luwah ho.

¹⁷ Girr Israel i tit kag bir kïþe'n gangïn døjia madg kø na îgïn în Juipg al în tit døj kagbirg kï mut be, usïsïn dø kag birt kïþe gotdt, ad i ndï i gan na sed dø ngïraat

¹⁸ Kïtø 'nten ot kid døjiag kï gang kø nõ. Îla i ndï i kid'd a ne, oo maj, i î hã i ndï i to ngïra al na ngïra la ndï tøi ye.

¹⁹ A el an: Gangïn døjibirg kø kad usmïn gotdt.

²⁰ El rota, Luwah ga gangd kø kïta adïna kamd al, na Luwah ad i ða gotdt kïta î, ada kami. Ot koo roi nya madt, na i þool Luwah,

²¹ kïta îla Luwah nya Juipg'n în døjiag lo ndadt kï kete nõ al a ne, a nyai al ho.

²² Oon maj. Luwah i ngekammaj, kamla ndï þawong kï deg'n mbetïn ðob loa, na în ta, oon kammaj loa kïtasï. Îla i høn rosï bá kï kam majt a ne, a mbetsï al.

²³ Na Juipg taa, îla tørrïn ndid, na adïn kamd Jeju a ne, Luwah a usïd gog dø gid'dt.

²⁴ Îgïn în juipg al, în tit døji kag kï mut kï ga gang, na usïsïn dø gïnd kag birt kïþe. Na Juipg'n în døji kag kï jeje'n ga gangïnd kø ye, õ al kad Luwah usïd dø gind'dt gog.

Juipg a ajïn ho

²⁵ Ngankom m'ndig kad i ndïn dai dø tat kïmund 'nten al kïtakad oon rosï ngéterrt al, kam kï kongkong ða gaj Israel mbã ad girrdeg kïdangdang kï døningt telïn kïro Luwaht.

²⁶ Titbe tø la girrdeg kï Israelt tube a ajïn kïgo tat'n ndangïn kam maktubt lo Luwah: Ngekaj deg a tee ko kamþet kï Siõ. A ørr nyaða kïgo lo Luwaht al lo ngan Jakob kø.

²⁷ Luwah el an: 'Nten la i kunkø'n m'un sed, lon m'nyàn go majalg lod kø.

²⁸ Juipg ta mbetïn Hoita Kïmaj ad telïn madngéta Luwah. Kïtø 'nten, Luwah ajsïn îgïn în Juipg al. Na Luwah mbed'd kad în deg lon, tard titbe kïtakul kunkø'n un ad bøwdg.

²⁹ Kïtø kadkarig'n Luwah ndï ad deg kïgo kamkët lon, kï kunïn Luwah ndï kund kï ront ye, a mbel go ndin al bat.

³⁰ În ngétaata lo Krist, maði i telïn rosï go tat lo Luwah al. Na tajigla, Luwah oo kumtondo losï kïta Juipg'n telïn rod go tat loa al.

³¹ Titbe tø, Juipg în ngételrod go tat lo Luwah al tajigla, kïtakad Luwah oon kumtondo losï, kïtakad îng kaa ne, Luwah oon kumtondo lod ho.

³² Kïtø Luwah nya ta ðob ad deg tube tøin dø ta, kïtakad n'øjïn kamkë lon deg tube.

Luwah i kïbo tøitøi

³³ Oo nyamajg lo Luwah i ngãi kï tøi. Terr loa, kï nya ger loa în kï kookïþing. Tag kï gang loa dum nderr girrd. Nõ asï ger girr ðob nyaðaag a?

³⁴ Maktub lo Luwah el an: Nõ ger tagah Bïraþe a? Nõ asï kî ngekøja a?

³⁵ Nõ ad nya mad Luwah kete kïtakad ada ban girra a?

³⁶ Dea goto, kïta ndah nyag tube, nyag tube în kïtakula, nyag tube în kï loa tø. Kï køsïgon i lo Luwah mbãkïnõt. Amin.